رواية جديدة ج4

قهقه بفرحة عارمة و هو يمسك بزجاجة العطر الخاصة به و اخذ يغرق نفسه بالرزاز الذي يخرج منها و من ثم وضعها غالقاً ازرار سترته و ما كاد ان يخرج من الغرفة حتي استمع الي صوت جرس الباب يدق بشكل متتالي لـ ينظر الي ساعة يده و هو يقول باستغراب :
_ هما فاكروني هربت و جايين ياخدوني و لا اية

تقدم يفتح الباب و هو ينبه الطارق ان ينتظر لـ يفتح الباب و هو يتحدث :
_ مهربتش يا جماعه ف…

صمت عن الحديث حين اطلت والدته من خلف الباب حين فتحه نظر اليها بهدوء و من ثم انزاح عن الباب و هو يفرد يده يشير الي الداخل قائلاً :
_ اتفضلي يا ماما

دلفت نبيلة الي الداخل بوجه جامد غير واضحة تعبيراته لـ تمرر بصرها علي جميع محتويات الشقة و كل تفاصلها قبل ان تلتفت اليه قائلة بجمود :
_ هي دي الشقة اللي سيبت شقتك عشانها

تنهد بصبر قبل ان ينطق بهدوء :
_ ايوة يا ماما هي دي شقتي و لو جاية الفرح يلا عشان اتأخرت

تقدمت منه والدته و هي تقول بهدوء :
_ بلاش يا حسان تعالي يا حبيبي روح معايا و انا هجوزك ست البنات كلهم ادب اية اخلاق

نظر اليها حسام بتعجب و هو يقول بذهول :
_ انتي بتقولي اية يا ماما انتي واخدة بالك ان النهاردة فرحي و ان المفروض اروح لمراتي دلوقتي

ربتت علي كتفه و هي تتحدث اليه بلطف :
_ اسنع كلامي يا حبيب امك و تعالي نروح البت دي مش مناسبة ليك

ازاح حسام يدها عنه برفق و هو يقول بضيق و هو لايشعر بالاختناق من حديث والدته علي زوجته بهذا الشكل :
_ كفاية كلام علي زينة بالشكل دا بقي يا ماما انا مش هتحمل عليها كلمة واحدة عمري ما هفكر في يوم اسيب زينة يا ماما

التقط انفاسه اللاهثة من شدة الغضب و نزر الي والدته قائلاً بحزم :
_ انا نش عابز كلمة علي زينة تاني يا ماما و لو عايزة تيجي الفرح اتفضلي معايا

اشارت نبيلة الي نفسها و هي تقول باشمئزاز :
_ انا اجي فرح البت العرة دي

كبح حسام غضبه الذي يتعالي و هو يقول بحدة :
_ انا مراتي مش عرة و الفرح فرح ابنك يا ماما

تقدمت منه نبيلة بغضب و ربتت علي صدره بحدة و هي تقول بسخرية :
_ اه ابني صحيح ابني بسلامته اللي سايبني و مشي عشان واحدة متسواش

احمرت عينه و قد تصاعد غضبه قائلاً :
_اظن انتي مش عايزاني اتكلم في اللي سمعته منك عشان لو فتحت الكلام عمرنا ما هنرجع ابن و امه ابدا يا ماما