رواية جديدة ج4

طبع قبلة علي وجنتها قبل ان يبتعد عنها ناظراً اليها و هو يتحدث :
_ انا هقوم دلوقتي و هرجعلك تاني

_ بس انا بزهق يا شهاب لوحدي

قالتها بضيق و هي تعقد ذراعيها أمام صدرها لـ يخرج هاتفه من جيب بنطاله و يمده لها و هو يتحدث اليها :
_ خدي اتسلي في الفون لحد ما ارجع

تنهدت هي و هي تمد يدها لـ تأخذ الهاتف منه و هي تقول :
_ طب الباسورد اية

ابتسم ابتسامه لم تفهم معناها لـ ينحني مرة اخري الي جوارها و بدأ يضغط علي الشاشة عدة ضغطات و هي تصب كامل تركبزها علي ما يكتب حتي فُتح الهاتف لـ تنظر اليه و هي تعقد حاجبيها باستغراب قائلة :
٥_٣_٢٠١٣ تاريخ اية دا

رفع حاجبه ناظراً اليها بتهكم قائلاً :
_ ما هو الاهتمام مبيطلبش

نظرت اليه بذهول لوهلة و من ثم انفجرت بالضحك قائلة :
_ لا يا حبيبي انت فاهم غلط انا بس اللي اقول الجملة دي

اكملت ضحكتها و هي ترفع رأسها نحوه متسائلة من جديد :
_ قولي بقي دا تاريخ اية عشان ناسية

_ دا اول يوم شوفتك فيه يا هانم

قالها بغيظ منها و هو يرمقها بضيق لـ تضم هي شفتيها و هي تتذكر ذلك اليوم حين كانت تقف بشرفة غرفتها تتحدث بالهاتف مع احدي صديقاتها و لم تنتبه الي الواقف بالشرفة المجاورة لها و الذي انتبه الي صوتها الهادئ و هي تتحدث قائلة :
_ لا مش عايزة اروح الدرس في مجموعة الساعة ٢ الدنيا بتبقي حر اوي

انتظرت تستمع الي صوت صديقتها مجيبة عليها لـ تضحك هي بخفة و هي ترد عليها مجيبة :
_ بطلي رخمة انا كدا يا ستي بفرهد في الحر و مش هعرف اركز

صب تركيزه علي حديثها و علي يدها الممسكة بحجابها الملقي باهمال علي رأسها ابتسامتها الرقيقة تبدو صغيرة بريئة عينها تلتمع بوميض مميز جذاب و كأنه لم يري بلون عينها قبلاً ، ابتسم بتلقائية حين علت صوت ضحكتها قليلاً و هي تنطق قائلة :
_ ايوة يا ستي انا قابلة احضر مع الولاد الساعة ٧ بس مروحش الساعة ٢ في الجو دا

_ انا هقفل يا فيروز عشان هتشليني

نطقت بها صديقة فيروز من الطرف الاخر لـ تتحدث اليها فيروز بمرح :
_ انا غلطانة اني عايزاكي تترحمي من الحر و تركزي في اللي هناك قصدي في الدرس

صرخت الاخري بسبها و هي تغلق الهاتف بوجهها لـ تضحك فيروز واضعة يدها علي فمها تكبح صوتها و ما كادت ان تدلف مرة اخري الي الداخل حتي وجدت من يتحدث اليها :
_ مش عيب واحدة زي القمر زيك كدا تقعد وسط ولاد