الثلاثة يحبونها ج٢
بقلم الكاتبة شاهندة
(حالة تسمم ويجب ان تنقل فورا إلى المشفى)
..كلمات قليلة قالها له رءوف ولكنها كانت كنصل حاد إخترق قلبه ..جعله يعانى نزيفا من الألم..يموت ببطئ وهو يشعر أنه ما بين اللحظة والأخرى قد يفقدها..مجددا..ولكن تلك المرة…للأبد.
لماذا يقسو عليه القدر هكذا ..لماذا يحرمه منها دائما..لماذا كلما إقترب وشعر أنه قاب قوسين أو أدنى من الوصول إليها يبعدها القدر عنه بقسوة..لماذا.. لماذا؟
ضرب بقبضته الكرسي الحديدى بجواره ضربات متتالية أدمت يده وهو يصرخ فى لوعة قائلا:
ليه بس ..ليه؟
إقترب منه مراد فى ثوان وأمسك قبضته الدامية قائلا فى جزع:
إهدى بس يايحيي..جرالك إيه؟
نظر إليه يحيي بعيون غشيتها الدموع ليشعر مراد بقلبه ينفطر حزنا على أخيه..ليتمزق تماما وأخيه يقول بمرارة:
رحمة بتموت يامراد..رحمة بتروح منى تانى..المرة اللى فاتت قلبى مات فى بعدها..بس عشت لإنها كانت عايشة وبتتنفس ..المرة دى مش هستحمل..هموت وراها يامراد.
إحتضنه مراد قائلا فى أسى:
متقولش كدة يايحيي ..إستهدى بالله ..رحمة هتعيش وهترجعلك..وهتعيشوا زي أي إتنين بيحبوا بعض.
خرج يحيي من حضن أخيه قائلا فى ألم :
أنا مش بس بحبها أنا بعشقها.. من أول يوم شفتها فيه وقلبى مبقاش ملكى ..خطفتنى بعينيها..بسحرها..بحبها اللى كانت محاوطانى بيه..وباين فى كل تصرفاتها..صارحتها ولقيتها هي كمان بتصارحنى ..مكنش حب مزيف زي ما حاولت أوهم نفسى عشان أبرر خيانتها لية..دلوقتى لازم أعترف إن حبها كان حقيقى..كنت بحسه فى نظرتها..لمستها..رعشتها وهي فى حضنى..كل حاجة بتعملها كانت بتصرخ ..بحبك..لما شفتها مع أخويا ..كان لازم أتأكد قبل ما أظلمها..أيوة ظلمتها..قلبى حاسس دلوقتى إنى ظلمتها وإن فيه حاجة مش طبيعية حصلت زمان ودفعت أنا وهي تمنها غالى من عمرنا ومشاعرنا ..خايف يجرالها حاجة دلوقتى وملحقش أقولها إنى بحبها وإنى فعلا طلعت زيكم زي ما قالت وظلمتها ..خدتها بذنب مش ذنبها..وإنى آسف..آسف على كل القسوة اللى شافتها منى..وإنى مش عايز دلوقتى غير إنى أشوفها بخير وبس وإن سعادتها لو هتبقى فى إنها تكون بعيد عنى..فأنا …..
ليهز رأسه نفيا وهو يقول فى مرارة:
لأ مش هقدر..مش هقدر أسيبها تبعد عنى يامراد..الموت عندى أهون..
لتغشى عيونه الدموع مجددا وهو يردد بهمس مرير:
الموت عندى أهون.
