(أشباح المخابرات1) من الفصل السادس الى العاشر
بقلم أية محمد رفعت
لف يده حول عنقه، يحذره:
_كيوي تاني!!!
ادعى أنه يختنق وردد:
_هعملك إيه اسمك مالوش أي دلع، واسمك الحركي جاك ده مش بالعه أنا!!
مرت عليه خدعته فتركه على الفور حينما شعر باختناقه، وأشار له بينما يتجه للمصعد:
_روح شوف مراتك، وسيبني ألم الليلة اللي فتحها الكلب اللي طلع ده.
هرول من خلفه يوقفه بذعرٍ حينما علم إلى أين يصعد:
_هو عثمان عرف باللي حصل؟!
واسترسل في حيرة:
_عرف إزاي؟؟؟ وبعدين روز إيه اللي جابها هناك. ومين عمل فيها كده، وإنت ليه اتجوزتها، أنا مش فاهم حاجة!!
توقف محله يسحب نفسًا متعبا مثل حاله، واستدار يعود لأخيه، يضم وجهه الرفيع بين يديه:
_نوح قولتلك متشغلش بالك بحاجة غير تالا، ادخلها وحاول تهديها، ومتفكرش في حاجة تانية.
هز رأسه بالرفض، وبات يعقل الامور:
_ هارون معملش كده من نفسه، دي أوامر عثمان وأكيد مش هيعدي اللي إنت عملته بسهولة!!
ناداه بصرامة:
_نوح.
عاد يكرر وكأنه لا يستمع إليه:
_وهارون حطك قدام تيام وش، وكل ده بسببي أنا!
عاد يناديه وهو يهزه بعنف:
_نـــــــــوح، قولتلك متفكرش في حاجة غير تالا، يلا إرجعي أوضتك واتطمن أنا هنا، وقادر أواجه عثمان وتيام، والكلب ده هوقفه عن حده، خليك واثق فيا ومتخافش!
أرضخه إليه بكلمة اعتاد أن يوافقه عليها “ثق بي” كلمة تنجح دائمًا بتهدئة “نوح”، فهز رأسه في طاعةٍ، ومضى لغرفته دون أن يضيف كلمة واحدة، بينما ولج” كِنان” إلى المصعد وصعد للقاء الديزل المزعوم.
******
ولج للجناح يصفر صفرته المعتادة، تكومت “رحيق” على نفسها رعبًا منه، وحاولت أن تحبس أنفاسها اللاهثة وتمثل انتظامها حتى يظن أنها نائمة، سحبت الغطاء من فوقها،وأنعشت ذكرياتها برؤية حبيبها.
ظلت بالشرفة تراقبه وهو يقف بالخارج بين الحرس، وقضت ساعة كاملة تنتظره حتى تراه وهو يرحل، رؤيته كل فترةٍ هي ما يبقيها على قيد الحياة.
شهقت فزعًا حينما سحب “هارون” الغطاء يلقيه بعيدًا عن الفراش، ثم جذبها من خصلات شعرها يوقفها عنوة أمامه وجسده يهتز بها من فرط الخمر الذي تجرعه:
_هي نمرتك الرخيصة دي مش هتخلص بقى، زهقت منها غيريها عشان حتى الملل.
تأوهت وهي تبعد ذراعه عنها، وبألمٍ قالت:
_عايز مني إيه؟؟ سيبني.
ضحك باستهزاءٍ مقزز:
_في واحدة تسأل جوزها سؤال زي ده بردو، هكون عايز إيه أنا!!
