دينا ج٢
ـ آه طبعًا… أومال انتي فاكرة نفسك بس اللي بتعرفي تطبخي ولا إيه؟
= هو فيه أكل زي طبيخك يا حماتي؟ تسلم الأيادي والله… ها، قوليلي لسه فاضل كتير؟ أنا مش قادرة، الريحة مجنناني.
ـ ولا كتير ولا حاجة… نص ساعة والأكل يبقى على السفرة. بقولك إيه يا سيف، روح يا حبيبي استريح، وأنا هاخد مراتك معايا عشان أعلمها يا ابني وآخد فيها ثواب.
= ده أنا ليا الشرف إني أبقى تلميذة عندك يا سوسو.
ـ بقولك إيه، بطلي تأكلي عقلي بكلامك المتزين ده وتعالي يلا ورايا… الواد يا حبة عيني هفتان وشكله خاسس، انتي مجوّعة الواد معاكي.
= أنا برضه يا سوسو؟ هو أنا أقدر ده؟ ده قرة عيني… وغمزت له.
ـ طب يلا ورايا، الأكل على النار هيشيط يا بت.
= وراكي يا سوسو.
ابتسم سيف من قلبه ليهم، وحس إن روحه رجعت له تاني لمجرد ما شافهم حلوين مع بعض، ودعا من قلبه يفضلوا كده دايمًا.
فضلوا طول اليوم تحت، كلهم مع بعض، وقضوا وقت عائلي جميل… يوم كله ضحك، وطبعًا بين منقرات كوثر لليلى، بس هي بذكاء كانت بتقلب الموضوع بهزار.
ـــــــــــــــــــــــــــــــــــــــــــ♡…
طلعوا شقتهم، وكل واحد فيهم مبسوط لفرحة التاني.
ليلى: عارف نفسي في إيه؟ آخد السرير بالأحضان وأنام.
مسك إيديها وجذبها لحضنه:
= أمم… طيب ما تحضنيني أنا بدل السرير.
فضلوا باصين في عيون بعض بحب.
ـ شكرًا.
= على إيه يا روحي؟
ـ يعني… مش عارفة.
= تؤتؤ.
ـ على كل مرة كنت ببقى تايه في أفكاري، وانتي اللي بتلحقيني… عارفة؟ أنا عمري ما كنت هسامح نفسي لو فضلت مخاصم ماما كتير.
= وأنا عمري ما هخليك تندم، ولا هخليك تتوه طول ما أنا معاك. عارف؟ كل يوم بليل وإحنا نايمين كنت بحس بيك، وببقى عارفة إنك صاحي… وطول الأسبوع اللي فات مكنش بيغمض لك جفن بسبب شعورك بالذنب تجاه والدتك، وإنك متأكد إن غلط تفضل بعيد عنها وتتجاهلها في وجودها… وأنا بقى عمري ما أسمح أشوف روحي ضايعة وأسيبها.
= ربنا يخليكي ليا يا رب… عارفة إني مقدرش أعيش من غيرك.
ـ عارفة طبعًا.
= أمم… ده غرور يا قطتي.
ـ تؤ، دي ثقة… والحقيقة إن محدش يقدر يعيش من غير التاني.
♡…
وأحيانًا، كلمة حنينة وقلوب صافية تقدر ترجع علاقات كنا فاكرينها انتهت… لأن اللي بين الأهل عمره ما بيضيع، مهما بعدوا.🤎🤎🤎🤎🦋
