نفوس قاسية ج1

البداية .وهل لي ذنب. ----------------------------- ارتفع صوت الآذان، فأغلق الحاج خميس محله، واتجه إلى المسجد ليصلي الظهر، مضى بطريقه يستغفر الله، ولم ينتبه في بادئ الأمر لابنه محمود المتجه إليه، إلا حين سمع ندائه فالتفت نحوه فقابله محمود مبتسمًا يقول: - يا حج كويس أني شوفتك قبل ما أروح على الشغل، أصل أنا يا حج جايلك برسالة من الحَجَّة صفصف، بتقولك متنساش الحاجات اللي طلبتها منك الصبح، علشان تلحق تخلص لك الغدا. مال محمود نحو والده وهمس مازحًا: - بقولك يا حج، ما تقفل المحل بدري بدري كده وتطلع، وأهي فرصة هتبقوا لوحدكم، علشان أنا مش هرجع النهاردة زي كل يوم. غمز محمود بعينه، فضحك خميس وهتف زاجرًا إياه بلين: - أمشي يا واد يا قليل الحيا، طيب يا محمود أنا هقول للحَجَّة، وأبقى استلقى وعدك منها لما ترجع. ضحك محمود هو الأخر وهتف متوسلًا: - لا يا حج كله إلا زعل الحَجَّة، خلاص بقى قلبك أبيض، عمومًا أنا همشي أحسن أتأخر. دعا له والده بمحبة: - ربنا يحفظك يا ابني، ويوسع عليك رزقك، بس متنساش تصلي الظهر أول ما توصل، علشان ربنا يبارك لك. قبل محمود يد والده وهتف: - أهي دعواتك دي يا حج بالدنيا عندي، ربنا ما يحرمني منك، عن إذنك يا حج. ---------- وهناك في أحد محال الملابس، يجلس يتابعها بنظرات جائعة، فتلك الحسناء تتمنع عليه، وتبتعد كلما أقترب منها، فأطرق ليفكر في طريقة ينالها، فهو فؤاد الذي لم ترفضه فتاة من قبل، فكيف لها أن ترفض تودده إليها؟ ليصيح في العاملين جميعهم، وقد لمعت عيناه بتصميم ورغبة: - يلا يا بنات نزلوا الرفوف دي كلها، علشان عايز أعمل جرد. سمع تذمر الفتيات فاستكمل دون اهتمام بهم: - إيه مش عجبكم، بقول يلا بدل ما أنتو قاعدين فاضيين ومريحين. ثم نظر إليها وهو يمرر لسانه على شفتيه، ويحك ذقنه بيده، فناداها قائلًا: - يا سهر بقولك أطلعي المخزن فوق، شوفي الحاجة، واعملي كشف بالموجود، يلا مالك واقفة متنحة كدة ليه. تجمدت سهر مكانها، بعدما سمعت طلبه، فشعرت بقلبها يئن خوفا، بعدما شاهدت نظراته إليها فزفرت بضيق، وعقبت وهي تعلم أنها لا تستطيع رفض العمل المطلوب منها: حاضر يا أستاذ فؤاد، بس يعني الحاجات فوق كتير، هو محدش هيطلع معايا يساعدني من البنات. أجابها فؤاد وهو ينظر إليها بخبث: - لا البنات مش فاضية، آية هتروح الفرع التاني تساعد، وسعاد وأمنية هيشتغلوا هنا، وسامي هيروح يجيب لكم الغدا، فاطلعي يلا وبلاش تضيعي الوقت. تنهدت سهر ونظرت إلى أمنية وهمست برجاء: - بالله عليك يا أمنية تخلي عينيك عليه، لو لمحتيه طالع، اعملي أي حِجَّة واطلعي وحياة والدك أوعي تندلي، أنتِ شايفة بيص لي أزاي، يا ساتر عليه راجل عينيه فارغة. همست أمنية تحاول طمأنتها: - متخافيش أنا وسعاد هناخد بالنا ونراقبه اطمني. صعدت سهر وأنارت المخزن، ووقفت تفتح الصناديق وهي تستغفر، لتنشغل بتسجيل عدد الملابس بكل صندوق، ولم تشعر بمُضي الوقت، ولم تنتبه لصوت الخطوات المتسللة خلفها، إلا حينما كممت يدا فمها، منعتها من الصراخ، وأحاطتها الذراع الأخرى، مقيدة جسدها إلى صدره، شدد فؤاد ذراعه حولها متلذذا باحتضانه لجسدها، وقال وهو يتنفس بعنقها: - إيه يا سهر هتفضلي تقلانه عليا كتير، بقولك ما تسمعي كلامي وأنا هبسطك. استولى الذعر عليها، فبكت وهي تحاول الهرب من ذراعه الملتفة حولها كالأفعى، وكافحت لتحرير يداها منه، ولكنها لم تستطع نظرا لقوته وتمكنه منها، فحملها فؤاد بيدٍ واحدة، بعدما حرص على تكميم فمها، واتجه بها إلى طرف المخزن البعيد عن السمع، فضربت الهواء بقدميها، رافضة ما يفعله، ليحشرها فؤاد بين جسده والحائط، مُحركًا يده يتحسس صدرها، بشهوة ورغبة جامحة، وقد الصق جسده بالكامل بها، نجحت سهر أخيرًا بتحرير يدها، وأخذت تبعد يده عن فمها، تحاول أن يخرج منها صوتا، لعل أحدا يسمعها، ولكنه أحكم كفه مانعا صوتها من الخروج، وقبل عنقها بشفاهه اللزجة، ممررا لسانه على حناياها، فشعرت بالتقزز منه، وودت لو تقت\له لاستباحته جسدها غصبا، فبكت أكثر تدعو الله أن يُنهي حياتها، فما عادت تتحمل تحرشه بها، ولكنه الآن تجاوز كل الحدود، تشعر به يحاول إجبارها على الانخفاض أرضًا، فأحست بأنها إن لم تفكر لتخليص نفسها منه، سيفعل بها ما يشاء، مستغلا ضعفها، فكرت سريعا ووجهها يكاد يلتصق بالحائط أمامها، فالقت بثقل جسدها كله إلى الخلف، ودفعت بقدمها الحائط، ليندفع جسدها بقوة أكبر، فاختل توازنه وسقط أرضًا على ظهره وهي فوقه، لتهرب من بين يداه، وأطلقت العِنان لصوتها بالصراخ، وتخبطت لتقف، فوقعت يدها على ذراع إحدى دُمى العرض، فتشبثت بها كسلا\ح ينجيها منه، وانهالت فوقه ضربًا بها، وهي تصرخ مستغيثة، لتجد من يبعدها عنه، فنظرت إلى الخلف برعب، فوقعت عينيها على يدا أمنية وسعاد، وأخذ منها سامي ذراع الدُمية والقيها بعيدًا، وهو يطلق سبابه وجذبه ليقف، وأوسعه ضربًا باللكمات مُردفًا: - ملقيتش إلا البت الغلبانة يا طفس يا دني، طب والله لأقول للحج صالح، علشان الموضوع دا معدش يتسكت عليه. ونظر إلى سهر، التي تصلب جسدها بين يدا الفتيات، وشعر بالأسى عليها، فهتف وهو يعود ببصره إلى فؤاد: - خدوها لتحت يا بنات وحاولوا تهدوها. انهارت سهر بين ذراعي أمنية، ترتعش ذعرًا، وهي تقول بصوت متقطع باك: - شـ ـوفـ ـتي كـ ـان عـ ـايـ ـز. ولم تستطع إكمال حديثها، فضمتها أمنية وهي تبكي قائلة: - حقك عليا يا سهر، والله أحنا مخدناش بالنا إنه طلع، دا راجل لئيم، خلانا نشتغل تحت وننسى إنك فوق، حقك عليا يا سهر. وقفت سهر مترنحة، تشعر بالتقزز من لمساته عليها لتقول: - أنا هروح، خلاص معدتش جاية الشغل دا تاني. هتفت سعاد بنفس اللحظة، التي هبط فيها فؤاد وهو يدفع سامي عنه: - طب استني نروحك يا سهر، يا بنتي أنتِ هتمشي لوحدك أزاي، وأنتِ بالحالة دي. وقف يتابع ما يدور بسخرية، وجال ببصره بشر فوقهم يتوعدهم، وصاح بصوت عال: - لو مشيتي يا سهر، أنا هبلغ عنك القسم، وهقول أنك سرقتي الفلوس اللي كانت فوق، ولا أنتِ فكراها سايبة. حدق به الجميع، فصاحت الفتيات في وقت واحد باستنكار: - منك لله يا شيخ. حينها زفر سامي بغضب وهتف به، بعدما نفد صبره: - يعني أنت مصدق نفسك بعد اللي عملته، طب والله لنشهد ضدك، وأحنا اللي هنبلغ فيك. واستكمل سامي قوله، وهو يلتفت نحو الفتيات: - يلا بينا يا بنات، أحنا هنروح نعمله محضر تعدي. نظر فؤاد إليهم بكراهية، بعدما تذكر عمه وقال وهو يتوعدها سرًا: - خلاص سيبوها تمشي، وعوضي على الله فـ اللي سرقته. -------------- لم تدرِ سهر كيف عادت إلى منزلها؟ وقفت أمام الباب، تفكر بما سيقوله والدها، حين يراها عادت مبكرًا، فانتحبت بقهر وهي تخرج مفتاحها ببطء، وفتحت الباب بأنامل مرتعشة، ليطالعها والدها الذي تفاجأ بعودتها بنظرات استفهام وحيرة، وسحب رشدي عدة أنفاس من أرجيلته، التي أعتاد على صحبتها أكثر منها، وعيناه تتفرس بملامحها الباكية المضطربة، ولم يجد رشدي أمامه غير سؤالها، بعدما طال صمتها وتهربها منه، فرمقها بنظرات ساخطة كحاله دائمًا وسألها: - إيه رجعك دلوقتى يابت، ودا مش ميعاد رجوعك، شكلك كده عملتي مصيبة، ما تنطقي رجعتي ليه بدري من الشغل بدل ما اقوملك. ازدردت لعابها بخوف، وتلعثمت الحروف فوق شفتي سهر، ذعرًا من ردة فعل والدها المنتظرة لتجيبه: - والله ما عملت حاجة، دا هو الراجل صـ صاحب المحل، هو اللي كان عايز، وحاول حاول. نهض رشدي ساحبًا عكازه، واقترب منها وعينيه تطلق شررًا، فتراجعت سهر إلى الخلف بذعر، فهى تعلم جيدا تلك النظرة المتوعدة، التي يرمقها بها والدها، تقدم منها يستند إلى عكازه، وباغتها وهو يعتدل ليرتكز بحِمل جسده إلى ساقه، وقبض علي شعرها بيده وصاح بصوتٍ عال: - حاول إيه يا بت، ما تنطقي بدل ما اطلع روحك فأيدي. حاولت تحرير خصلات شعرها من بين أصابعه، التي بدأت تنزع بعض الخصلات بقوة جذبه، وانهمرت دموعها، وبدأت ترجوه وتوضح أكثر لعله يهدأ ويتركها: - طب سيب شعري، أنا والله ماليا ذنب، هو اللي قالي اطلع ارتب الدور اللي فوق فالمحل، ولقيته طالع ورايا، ومد أيده عليا، جريت و وسبت له الشغل و. لم يدعها تضيف المزيد، فهو لا يرغب بسماع كلمات أخرى، يكفيه ما أبلغته إياه عن تركها للعمل، لينهال عليها بالسُباب والصفعات القاسية، فسقطت سهر أرضًا، حين دفعها ورفع عكازه علياً، ونال جسدها ضربًا به، وصاح بصوتٍ يزلزل أرجاء المنزل: - سيبتي الشغل طب وهنصرف منين، ولا أنتِ ناوية تقعدي لي فالبيت ونشحت، أهو دا اللي ناقص نشحت، بسبب دلعك أه تلاقيكي أنتِ اللي ادلعتي فـ الشغل، علشان كدا مد أيده عليكِ، ما هو دا اللي أخدته من خلفتك، من يومك وأنتِ جايبة الخراب معاكِ، أنا مش عارف ليه الموت سابك أنتِ وأخد الغالية، ياريته كان أخدك أنتِ ياريت. لم يهتم رشدي لحزنها بسبب كلماته، وإنما واصل ضرباته بعكازه مُبرحًا إياها ضربًا، فعلا صوت صراخها، ترجوه أن يرحمها، تردد صدى صرخات سهر، ووصل إلى سمع خميس، الذي انتفض من مكانه وترك محله، وأسرع إلى مسكنه، رأى خميس تجمع الجيران أمام باب مسكن سهر، وصوت صراخها وصوت سباب والدها يصم الأذان، تقدمهم خميس وصاح بالبعض ليساعدوه بتحطيم الباب، وبعد عدة محاولات نجحوا بتحطيمه، فاندفع خميس وانتشل سهر من أمام والدها، وحاوطها بذراعيه، وصرخ بوجه رشدي قائلًا: - برودوا كدا يا رشدي، هو دا اللي الشيخ محمد قالك عليه، والله حرام عليك اللي بتعمله دا، كل يوم والتاني تضرب فـ بنتك بالشكل دا، يا أخي اتقي الله فيها وفـ نفسك. كفكفت صفية دموعها، وجذبت سهر برفق من بين ذراعي زوجها، وربتت وجنتها بحنو، ومسحت دموع سهر وهي تقول: - أنا هخدها معايا فوق يا حج، أهديها شوية وأشوف المفتري دا عمل فيها إيه، عيني عليها كل يوم بهدلة وقلة قيمة أدام الخلق، روح منك لله يا رشدي على اللي بتعمله فـ بنتك، هي مبتصعبش عليك، ولا أنت قلبك الحجر دا مبيحسش بوجيعتها. اغضبته كلماته صفية، ونظراتها الغاضبة، فصاح بصوتٍ أعلى وهو يندفع نحوها: - هاتي البت يا صفية، وملكيش صالح بيها، دي بنتي وأنا بربيها قليلة الرباية، ولا عايزني اسيبها لحد ما عيارها يفلت. حال خميس بينه وبين سهر، وأشار لزوجته لتغادر بها، وشكر جيرانه على مساعدتهم وأعتذر إليهم، ووقف يتابع مغادرتهم وأوصد الباب خلفهم، بينما استندت سهر إلى صدر صفية وصعدت برفقتها إلى أعلى، تبكي كلمات والدها بحقها، يغمرها الحزن على ما تناله من ظلم وقسوة، وتساءلت لِما يكرها والدها إلى هذا الحد، ولِما لا يدع لها أي فرصة لتوضح له ما يريد، بدلًا من ضربه وأهانته لها يوميًا، انتبهت سهر لربتة صفية على وجنتها وهي تُجلسها فوق الأريكة، فحدقت بها سهر بقلب كسير تقول: - هو ليه بيعمل فيا كده يا خالتي صفية، ليه مش بيسمعني وعلى طول يضربني ويهين فيا، قوليلي يا خالتي أنا عملت إيه علشان يكرهني للدرجة دي، كل دا علشان قولت له أني سيبت الشغل. كفكفت صفية دموع سهر ومسحت فوق رأسها وأجابتها بصوتٍ مكلوم: - هو مش بيكرهك يا بنتي، بس دا طبعه، للأسف رشدي طول عمره كده، قلبه جامد وميعرفش يعني أيه حنية، وأيده سابقة لسانه وعقله، وياما عمك خميس كلمه علشان يتغير بس لا حياة لمن تنادي، من يوم الحادثة وهو بقى كدا. صمتت صفية لدقيقة ثم أردفت: - بقولك إيه قومي اغسلي وشك، على ما أعملك كوباية ليمون تروقك، وبعدها فهميني سيبتي الشغل ليه؟ لم تستطع سهر الوقوف فلزمت مكانها، تخفي عن صفية ما تشعر به من ألم، وراقبتها تتجه إلى المطبخ، فخفضت رأسها تبكي مرة أخرى، وبعد مرور بضع دقائق انتبهت سهر إلى يد صفية تمتد إليها بكوب الليمون، فرفعت عينيها إليها وهمهمت بالشكر، لتُردف صفية بقولها: - اشربي الليمون، علشان يهديكِ ويروق دمك. زفرت سهر وأردفت توضح لصفية سبب تركها لعملها، ما أن سألتها مُجددًا، وختمت كلماتها قائلة: - والله يا خالتي كان غصب عني، بس بعد اللي حصل نفسي صعبت عليا أني أفضل، فمشيت وروحت وأنا عارفة إن بابا مش هيعدي الموضوع، بس متخيلتش أني لما أقول له على اللي عمله فؤاد يقوم يتهمني أني كنت بدلع فالشغل، دا كان بيضربني زي ما أكون أنا المذنبة، بدل ما ياخدني فـ حضنه ويجيب لي حقي. تملك الغضب من صفية، وانتفضت من مكانها وصرخت بجزع: - يالهوى يا بنتى يعني يسيب اللي اتحرش بيكِ، ويضربك أنتِ، عيني عليكِ هتلاقيها منين ولا منين، مش كفايا شايلة الحِمل كله، بدل ما يحافظ عليكِ ويقعدك فالبيت وهو اللي يشيل المسئولية عنك، هقول إيه منه لله مافيش بقلبه رحمة. لاحظت صفية انخراط سهر في البكاء، فزمت شفتيها ووقفت بجانبها وربتت ظهرها برفق وأضافت: - أهدي وبطلي عياط واحمدي ربنا أنه سترك، بس تعرفي أنتِ كان المفروض تروحي تعملي فيه بلاغ، علشان يتربى الندل الخسيس دا، وأهي البنات كانت هتشهد معاكِ، يا بت دا أنتِ صاحبة الحق وصاحب الحق ميخافش، عمومًا الحمد لله أنها جت على قد كدا، أنتِ المفروض تصلي ركعتين شكر لله، أقولك قومي اتوضي وصلي، على ما عمك خميس يهدي والدك ويطلع، وأنا هقوم أخلص الأكل علشان نتغدى كلنا سوا. أومأت سهر لإحساسها بالحاجة للشكوى إلى الله، وولجت المرحاض وحدقت بصورتها في المرآة، ومدت يدها وتحسست وجهها المكدوم، بعدما تركت أصابع والدها أثرها عليه، وحين همت بتحريك يدها الأخرى، أحست بألم مبرح بكتفها، فاستندت إلى الحائط، تكتم صوت أنينها، وتبكي ظلم والدها البين لها. وبالخارج ولج محمود وهو يبحث بعينيه عن والدته، فلمح ظلها بالمطبخ، فتسلل خلفها واحتضنها بغتة، فانتفضت صفية وكادت تصرخ، والتفت لترى ابنها الذي سارع باعتذاره، فعاتبته بقولها: - كدا يا محمود توقع قلبي، يا بني أنت مش هتبطل عمايلك دي، حرام عليك كنت هتجيب لي أزمة. سارع محمود وقبل يدها واعتذر إليها، فنزعت يدها منه وسألته بعبوس مزيف: - ألا أنت إيه اللي رجعك بدري، هو أنت مش قولت عندك شغل ومش هتيجي زي كل يوم. مازحها محمود وهو يختطف يدها ويضعها فوق صدره، قائلًا: - آه يا قلبي، بقى مش عيزاني أرجع بدري يا صفصف، أه تلاقيكِ ما صدقني خلصتي مني، عمومًا أنا رجعت علشان وحشتيني ومقدرتش أتحمل بعدك عني. وكزته بيدها ولوحت بسبابتها أمام وجهه وأردفت: - بطل بكش يا محمود وقولي إيه رجعك. أجابها بجدية قائلًا: - كل الحكاية أني خلصت مجموعة الملفات المطلوبة في الإدارة، واتفاجأت أنهم عاملين اجتماع لأعضاء مجلس إدارة الفندق، فاستأذنت لما عرفت أنهم مش محتاجين لي، وقلت اجيلك يا جميل، ها قوليلي بقى عاملة أكل أيه، أحسن ابنك واقع من الجوع. أخبرته وهي تستدير عنه تتابع ما تفعله، فالتفت ووقف إلى جوارها وسألها بترقب: - ملك يا أم محمود، شكلك متغير عن الصبح، قوليلي مين زعلك وخلاكِ تعيطي، أوعي يكون الحج خميس هو اللي زعلك و. نفت صفية بهزة من رأسها، وأجابته بصوتٍ خافت: - أنا زعلانة بس مش عليا، زعلانة على سهر اللي وجعت قلبي عليها، تصدق أحنا لسه مخلصينها من أيد أبوها، بعد ما ضربها وبهدلها وفرج عليها الشارع كله، وكل دا علشان سابت الشغل. زفر محمود ساخطًا، وأشاح بوجهه بعيدًا يكبح لسانه عن السؤال عنها، فهو يتحاشى رؤيتها أو الأحتكاك بها منذ فترة، فابتعد خطوة عن والدته وقال متهكمًا ليخفي قلقه: - موال عم رشدي وبنته بقى عادي يا ماما، والناس تلاقيها ملت وزهقت من اللي بيعمله، وبصراحة أنا مش عارف هي عملت إيه، علشان يضربها بالشكل دا كل يوم، دا تلاقي جسمها نحس من كتر الضرب، وبعدين هو أنتِ موطية صوتك ليه، إيه خايفة الصوت ينزل لتحت ولا... رمقته بحيرة ، وقطبت وجهها أما لهجته الساخرة، وزفرت حين حدق إليها ورفع حاجبه، فعاتبته بقولها: - وطي صوتك يا محمود، علشان سهر هنا، وبدل ما تتريق على بيحصل لها، روح شوف وشها عامل أزاي من ضرب رشدي فيها، تصدق أنا لو عليا أخدها منه، البت اتحملت اللي محدش يقدر يتحمله وساكته. أخفى محمود تفاجئه عقب تصريح والدته، وخفق قلبه حين رأها تغادر المرحاض، فحدق بها وجال بعينيه فوق ملامحها التي افتقد رؤيتها لأيامٍ طوال، ولاحظ خسارتها لبعض الوزن، وتلك الدوائر التي ظهرت أسفل عينيها، زفر بقوة وعقله يفكر بعينيها الخضراء، التي زادتهم الدموع جمالًا وسحرًا، ليزدرد لعابه بقوة حين تجمدت عيناه فوق شفتيها المُرتعشة من أثر البكاء، فابتلع غصة وقفت بحلقه، أسفًا على قسوة والدها، لا يدر كيف طاوعه قلبه أن ظلمها وهي بتلك البراءة الواضحة للعيان، حاول محمود أن يغض الطرف عنها، مذكرًا نفسه بالعقبة التي تحول بينه وبينها، فزفر بقوة وأردف بفتور: - حاولي تتجنبي والدك يا سهر، ومتعمليش الحاجات اللي بتضايقه، علشان مش كل شوية يضربك بالشكل دا. ألمها قوله فخفضت عينيها أرضًا وأردفت بحزن: - حاضر يا أبيه، هحاول أعمل زي ما حضرتك بتقول. لم ينل قوله استحسان والدته، فأقتربت منه ووكزته سرًا، فالتفت إليها فرمقته بنظرات وعيد، فزم شفتيه وعاد ببصره إلى سهر فأدرك أن قوله الفاتر زاد من حزنها، فاقترب منها ببطء واعتذر بقوله: - حقك عليا أنا مقصدتش بكلامي أنك بتعملي حاجة وحشة لا سمح الله، عمومًا أنا اللي أقصده أنك تحاولي تقللي من الكلام معاه، علشان ميمسكهاش عليكِ ويخدها عذر أنه يضربك بسببها. أومأت له، وتراجعت للخلف لتفسح له الطريق، فارتطمت بالحائط وتغضن جبينها من شدة الألم، وكتمت تآوها ليلاحظها محمود فقطب جبهته وقال: - أنتِ فيكِ حاجة، تحبى اوديكي المستوصف يكشفوا عليكِ. هزت سهر رأسها بالنفي وأجابته: - لا كتر خيرك يا أبيه أنا كويسة. ازدرد لعابه أمام ضعفها الواضح، وتمنى لو بإمكانه الانفراد بها، ليضمها إليه ويخفف عنها ما تشعر به، فهز رأسه بقوة وأشاح بوجهه عنها وأردف: - طيب أنا هروح اغير على ما ماما تحضر الغدا، وأنتِ روحي أقعدي وأرتاحي ومتشغليش دماغك بحاجة، كله بيروح وبيعدي. بعد مرور ساعة، أجبرت سهر نفسها على تناول لقيمات قليلة، لإحساسها بالألم يشتد عليها، في حين كتم محمود ما انتابه من غضب، بعدما قصت عليه والدته ما حدث لسهر، ود لو يذهب إلى ذاك الرجل، وقت\له لنظره ولمسه سهر، لينتبه من شروده على حركة سهر الحذرة، فترقبها بتركيز ولاحظ عدم تحريكها ليدها اليسرى، فسألها باهتمام: - سهر أنتِ مبتحركيش أيدك الشمال ليه. لم تستطع رفع وجهها والنظر إليه، وانهمرت دموعها بصمت، فتركت صفية مقعدها ووقفت جوارها وربتت كتفها، فغادرت صرخة تلقائية عن سهر، ما أن لمستها صفية، فانتفض محمود من مكانه وهتف بإصرار: - قومي أوديكي المستوصف يكشفوا عليكِ. أخبر سهر بقراره، ثم ولى وجهه باتجاه والدته وأردف: - لو سمحتي يا ماما البسي علشان ننزل نوديها سوا. بعد مُضي ساعتين، غادرت سهر العيادة الخارجية، مستندة إلى صفية، وكتفها معلق بحامل، وتبعهم محمود بتمهل، ما أن خطت سهر داخل المبنى السكني، حتى ارتجفت وصعدت ببطء يتملكها الخوف، ولكنها توقفت أمام باب شقتها وأردفت بحرج: - كتر خيرك يا خالتي على اللي عملتوه معايا، بصراحة أنا مش عارفة لولاكِ ولولا أبيه كنت هعمل أيه فالوجع الجامد دا. زجرها محمود بضيق: - عارفة لو مبطلتيش الكلام دا، أنا هخلع لك كتفك التاني، واتفضلي اطلعي مع ماما، على ما أشوف بابا وعم رشدي وصلوا لأيه. ------------- وبمنزل عمه، وقف فؤاد يستمع إلى توبيخ عمه صالح، بضجر ينتظر انتهاءه ليغادر، في حين ازداد اسف صالح أمام أفعال فؤاد المُخزية له وللعائلة، فتطلع إليه وهتف: - يا ابني اتقي ربنا فبنات الناس، أنت مش صغير على أفعالك المُخزية دي، أنا بصراحة تعبت منك ومش عارف، أنت طالع لمين زرع شيطاني كده، أنت بتصرفاتك فضحتنا فكل مكان، وخليت سيرتنا على كل لسان، خصوصًا أنك معمرتش فـ ولا جوازة من جوزاتك السابقة، ومش عارف أعمل معاك إيه علشان تبطل عمايلك دي. ازداد سقم فؤاد فهتف ساخطًا: - لعلمك بسبب كلامك اللي بتقوله عمال على بطال أدام الكل، هي اتبلت عليا لما مسكتها بتسرق الفلوس. زفر صالح وهز رأسه بيأس، لعلمه أن الحديث إلى فؤاد لن يُجد نفعًا معه، وازداد حنقه لأصراره على كذبه، فقال بوعيد وهو يلوح بسبابته أمامه: - تصدق بالله يا فؤاد أنا اللي هروح أخد سهر للقسم، وأخليها تعملك محضر تحرش، علشان تتأدب وتعرف أن الله حق. أثارت كلمات صالح غضب فؤاد، فحدق به بشر وصاح غاضبًا بوجهه: - بقى عايز تنصف البت دي عليا، وتروح تعمل فيا أنا محضر يا عمي، طب وماله روح أعمل لي محضر، علشان ميطلعش عليها شمس، ولعلمك أنت لو جبت المحل كله يشهد معاك، أنا هجيب مليون واحد يشهد لصالحي، يقولوا أنها هي اللي بترمي نفسها عليا، وأنهم شافوها فالشقة بتاعتي كذا مرة، وأنها اتهمتني علشان كانت عايزة تاخد فلوس مني، وابقى وريني ساعتها هتلحق سمعتها أزاي، وخليها بقى تمشي عند فعند. انتفض صالح من صدمته، وأحست أنه لا يستطيع التنفس بجوار فؤاد، يشعر بأن الهواء حوله لوث بقذارته، فبادله الصياح بعدما وقف فؤاد يتحداه مبتسمًا: - لا دا أنت اتجننت رسمي، بقى عايز تسوء سمعة البنت الغلبانة، وماله يا فؤاد يبقى أنت اللي أخترت، ومن اللحظة لا أنت ابن أخويا ولا أعرفك، ورجلك متعتبش ولا محل من محلاتي، وتسلمني مفاتيح الشقة اللي بتجيب فيها البنات اللي ماشي معاهم، ومفاتيح العربية والفيزا وأبقى وريني هتصرف على نفسك منين. تفجر غضب فؤاد، وكاد يبطش بعمه، ولكنه تماسك مُجبرًا، ووقف يتطلع إليه يود لو التفت أصابعه حول عنقه، نهره عقله وزجره على استسلامه لغضبه وحثه على الهدوء، ليُجلي أفكاره، يحذر نفسه من انقلاب الأمر ضده، وخسارته الفادحة أن نفذ عمه وعيده، فسب سرًا تراجعه وقال بصوتٍ لين: - جرى إيه يا عمي، هو حضرتك بتتلكك لي علشان استسلمت لغضبي ، على فكرة أنا ابن أخوك اللي ماليش غيرك فالدنيا دي، واللي أنت عارف ومتأكد أني مش هعصاك ولا أرفض لك كلمة، وعلشان أثبت لك أني طوعك، شوف اللي يرضيك وأنا أعمله. لم يدر صالح لِما لم يشعر بالأرتياح لكلمات فؤاد، وثارت ريبته وحفيظته، فسأله بشك وهو يرمقه بتمعن: - بقى عايز تعمل اللي يرضيني. أجابه فؤاد بمكر بمحاولة منه لأستمالته: - أه طبعا يا عمي، يا حبيبي أنا ماليش غير رضاك عليا. مط صالح شفتيه وهو يتجه إلى الأريكة ليجلس ونظر مطولًا إلى فؤاد وأردف: - حيث كده يبقى تيجي معايا، ونروح لسهر بيتها وتعتذر لها وتراضيها. اخفى فؤاد ابتسامته بمهارة، ولمعت عيناه خُبثًا وقال: - أنا موافق يا عمي، وهروح معاك لبيتها وهعتذر منها، ومش كده وبس لأ ده أنا هراضيها باللي تطلبه كمان، المهم أنك تكون راضي عني يا عمي. ------------------ وبمنزل رشدي انهى خميس حديثه إليه، بما يُرضي ضميره، وهو يهز رأسه بأسف لعناد رشدي وقسوته الواضحة، وبجواره جلس محمود يلتزم الصمت أحترامًا لوالده، رُغم رغبته بتعنيف رشدي على أفعاله، لينتبه لصوت والده يقول بنفاذ صبر: - يا رشدي أنت لازم تهدى على سهر، على فكرة بنتك معدتش صغيرة، دي كبرت وميصحش كل يوم والتاني الناس تدهش بيتك، الناس اللي خلاص بقوا عارفين أنها بتضرب وبتتهان، افرض بقى حد لعب فى دماغها يبقى أيه الحل ساعتها، ولعلمك هتبقى أنت السبب في ضياعها، يا عم سيبك من كل دا، أفرض اتقدم لسهر عريس، مش واجب عليك تعززها وتغليها بدل ما أنت مخليها مطمع للي يسوى واللي ميسواش، أعقل بقى يا رشدي وكفايا أفترى على بنتك، هي خلاص بقى عندها 17 سنة، وعيب فحقك اللي بيحصل كل يوم فالبيت منك. أشاح رشدي بوجهه عنه، وزفر باستنكار وعقب بحسرة: - مش بأيدي يا خميس، صدقني أنا حاولت بس معرفتش، مش قادر أتعامل معاها، ولا حتى أشوف وشها، علشان لما بشوفها، بشوف الغالية أدامي، دمي ساعتها بيفور، وغصب عني بتفكر أني اتحرمت منها بسببها، ومش عارف أغفر لها، أنها السبب فـ موت أمها. استمع محمود لأعتراف رشدي، وثار غاضبه فهو يظلمها ويجور عليها، بدلًا من الحفاظ عليها ومراعاتها، فهي كالجوهرة النادرة التي عليه أن يحميها بحياته، لا أن يدفعها بعيدًا عنه، كاد محمود يعتذر ويغادر بعدما أحس بالسقم، ليسمع صوت والده يقول مستغفرًا: - يا رشدي استغفر ربنا، بنتك ملهاش ذنب بوفاة والدتها، دي أعمار كتبها ربنا عز وجل، وأنت عارف أن والدتها الله يرحمها كانت صاحبة مرض و. أوقف خميس حديثه حين استمع إلى صوت طرقات، وهم بالوقوف، فوقف محمود وأشار إليه بالبقاء وأردف: - خليك مرتاح، أنا هشوف مين اللي على الباب. فتح محمود فطالعه رجل يكاد يماثل والده في العمر، ويجاوره آخر يبدو في أواخر الثلاثينات، ولم يدر لِما شعر بالنفور منه، فأشاح ببصره عنه وأولى للآخر اهتمامه، فبادره بقوله: - أنا الأستاذ صالح محفوظ، صاحب المحل اللي سهر شغالة فيه، ودا ابن أخويا فؤاد و. بتر صالح كلماته، فقد هاجم محمود فؤاد، مُسددًا له لكمة جعلته يتراجع عدة خطوات إلى الخلف، ولم يتوقف محمود عند هذا الحد، بل واصل هجومه وأعاد لكمة، وسارع صالح للفصل بينهما، في حين استسلم فؤاد وخفض بصره أرضًا، يخفي ابتسامته الغامضة، مُرددًا في نفسه: - وماله أضرب المهم في النهاية أوصل لها. وقبل أن يُعيد محمود لكم فؤاد للمرة الخامسة، منعه صوت والده الحانق وهو يهتف: - محمود أيه اللي بتعمله دا، هو من أمته بنضرب اللي بيجي بيوتنا، أيه يا ابني هتنسى الأصول على أخر الزمن ولا أيه. زفر محمود بغضب، والتفت إلى والده وقال: - يا بابا سيبني عليه، دا الندل اللي اتحرش بسهر، له عين البجح يجي لحد هنا برجله كمان. طلب رشدي من خميس المساعدة، وسانده حتى توقفا أمام صالح، ليقول بحدة: - ممكن أعرف أنت جاي ليه، على فكرة أنا مش هسيب حق بنتي و. قاطعه صالح عن أتمام كلمات وعيده وأردف مُسرعًا: - يا جماعة استهدوا بالله، فؤاد ابن أخويا جاي لحد عندكم، يعتذر عن اللي عمله، ويراضيكم باللي تطلبوه، فـ لو ينفع تعتبرونا ضيوف ولا... استشعر خميس الحرج لقول صالح، فالتفت إلى رشدي وربت كتفه، ورمق ابنه مُحذرًا أياه وأجاب: - مافيش ولا، اتفضلو البيت بيتكم أكيد ولا أيه يا رشدي. أومأ رشدي واستند إلى محمود وعاد إلى مقعده، واتخذ كل منهم مقعده، فأسرع فؤاد مستغلًا الفرصة وقال: - أنا جاي اعتذر وياريت يا عمي تقبل اعتذاري عن اللي حصل، صدقني دا كان غصب عني، وعمومًا أنا أقسم لك بالله أني مش هتعرض لسهر مرة تانية، المهم أن حضرتك تقبل أسفي، وأحقاقً للحق، أنا مستعد لأي ترضية حضرتك تطلبها. رمقه محمود بكراهية، وأدرك غرضه الواضح بعينيه، فقطب وجهه وأجابه: - وأحنا مش عايزين لا ترضية ولا حتى أسفك، أساسًا أنت المفروض تتجلد بميدان عام على اللي عملته، وبعدها تتسلم للقسم علشان تاخد جزائك. ايقن صالح أن عليه التدخل، حتى يُنهي الموقف، قبل أن تحتدم الأمور بين محمود وفؤاد مرة أخرى، فأردف بصوتٍ هادئ: - يا ابني أنا عارف أن فؤاد غلطان، وهو عارف كدا وحس بغلطه، وجه بنفسه لحد عندكم، فـ المسامح كريم. بدل صالح بصره لينظر باتجاه رشدي وخصه بحديثه قائلًا: - ما تقول حاجة يا أستاذ رشدي، ولا ابنك قال اللي عندك. أجابه رشدي موضحًا: - أنا للاسف معنديش ولاد، ومحمود ابن صاحب عمري خميس، وزي ابني بالظبط، ولو بيتكلم فهو بيتكلم علشان خايف على سهر و.. اغتنم فؤاد الفرصة لصالحه وأردف: - وأنا كمان يا عمي من اللحظة أعتبرني ابنك، وتحت أمرك فأي حاجة، وعلشان أبين حُسن نيتي خلي سهر من بكرة ترجع شغلها تاني، وأنا بوعدك أني هروح المحل التاني علشان متبقاش قلقانة من وجودي في المحل معاها، أنا أساسًا ميرضنيش قطع عيشها. هب محمود عن مقعده، بعدما تأكد أن كلمات فؤاد سهمًا أصابت هدفها، فهو يعلم طبيعة رشدي وأدرك أنه حتمًا سيوافق فؤاد على قوله، فهتف دون تفكير: - مش هينفع يا أستاذ فؤاد، سهر خلاص هتشتغل فمكان تاني، مكان محترم كرامتها فيه هتبقى متصانة. حدقت به العيون، في حين بادره رشدي يسأله بلهفة: - بجد يا محمود سهر قالت لك كدا. زفر محمود وأوضح بتردد: - لأ يا عمي سهر للحق مقالتش حاجة، دا أنا اللي بقول، علشان هتشتغل معايا في الفندق اللي أنا شغال فيه، وهتبقى تحت حمايتي، وزي ما حضرتك عارف سمعة الفندق عاملة أزاي، دا سبع نجوم يا عمي، والأهم طبعا أنها لا هتلاقي تحرش ولا قلة أدب. رمق محمود فؤاد بتحدي، في حين ازداد إعجاب صالح بمحمود، لخوفه على سهر وردة فعله، وأحس بالأسف على حاله يزداد، لأبتلاءه بابن شقيق فاسد كفؤاد، فوقف وأومأ قائلًا: - طالما كدا يبقى أحنا هنستأذن، بس قبل ما أمشي لو ينفع أشوف سهر، يعني كنت حابب أعتذر لها بنفسي. أجابه رشدي بترقب: - هي فوق عند الست أم محمود، ثواني هبلغلها يا أستاذ صالح أن حضرتك عايزها. هز صالح رأسه بالنفي، وأخرج صالح مظروفًا من جيبه، ومد يده إلى رشدي وأردف: - متتعبش نفسك يا أستاذ رشدي، عمومًا سهر مشيت قبل ما تاخد مستحقاتها، ودي مكافأة بسيطة عن شغلها الفترة اللي فاتت، على الرغم من زعلي أني خسرت بنت بأخلاقها وأدبها، لكن شغلها فمكان أفضل أكيد يرضيني. مد رشدي وأخذ المظروف على مضض من يد صالح وألقاه جانبه وقال: - معلش سامحني مش بقدر أقف كتير، علشان رجلي زي ما أنت شايف. صافحه صالح وغادر يتبعه فؤاد شارد العقل، يُفكر بأن عليه العودة مرة أخرى إلى هنا، خاصة بعدما لاحظ الأرجيلة الخاصة برشدي، وابتسم لنفسه لعثوره على الثغرة التي ستدخله إلى منزل سهر دون أي عناء. الثانية. لماذا أنا. --------------------- تفجر غضب محمود لموقف رشدي، ونظرات فؤاد الخبيثة ولم يتحمل البقاء بجوار هذا المستفز فغادر سريعًا، وصعد لأعلى وولج مسكنه بوجهٍ مُكفهر ليتوقف فجأة لرؤيته سهر وقد غرقت بالنوم بمكانها، فبحث بعينيه عن والدته وهو يقترب منها بخطواتٍ حذره، ووقف بجوارها يتأمل ملامحها وتسللت يده دون وعيٍ منه تتلمس شعرها الذي جمعته بإهمال بجديلة، وطاف بعينيه فوق ملامحها الرقيقة مُحدقًا برموشها الكثيفة، ليجفل حين رأى أثر دموع تتلألأ بينها حينها هاجمته الرغبة بالانحناء نحوها ليكفكف عنها دموعها بشفتيه، وكاد يفعلها ولكنه تراجع زاجرًا نفسه على سوء تصرفه وأفكاره، وولاها ظهره بعدما أثقلته رغبته واندفاع مشاعره بالحزن، وزفر بقوة مُتمنيًا لو يصيح بصوتٍ عال ويخبر الجميع بمشاعره نحوها ورغبته الزواج منها، ولكنه على يقين برفضهم له متعللين بفارق العمر بينهما، ولكونها تناديه حتى الآن "بابيه". ازدادت عصبيته فصاح غاضبًا من نفسه مُتناسيًا نوم سهر ونادي والدته بصوتٍ عال، فانتفضت سهر وهبت عن مقعدها فباغتها دوار أثر وقوفها المفاجئ، ليراها تترنح أمامه توشك أن تسقط، فصاحت والدته تقول بخوف: - ألحقها يا محمود. أسرع محمود وضمها بين ذراعيه بأنفاسٍ مُتسارعة وخفق قلبه بقوة لاحتوائه إياها وقربها منه، وإحساسه بجسدها الغض ملتصقًا بجسده استنفر مشاعره تجاهها، فشدد من احتضانه لها يتمنى لو تخبرها نبضات قلبه بعشقه لها، لم يتوقف الأمر بمحمود عند هذا الحد فانحنى وحملها رُغم اعتراضها ومددها فوق الأريكة وابتعد مُزدردًا لعابه، حينها انتبه إلى حاله فاستدار مبتعدًا ما أن لاحظ اقتراب والدته منها، التي صاحت توبخها بقولها: - شوفتي آخر أكلك الضعيف وصلك لإيه مبقاش فيكِ حيل، أقولك أنا هروح أعملك حاجة تسند قلبك وتقويكِ. هزت سهر رأسها بالنفي وبداخلها اندلعت نيران النفور والغضب، لفرض محمود نفسه عليها وحمله إياها واحتضانه لها مُهملًا دفعتها الضعيفة له ليبتعد عنها، وتمنت لو تختفي من أمام بصره وكادت تقف مرة أخرى ألا أنها صاحت ما أن لمحت تحرك صفية وقالت بتخوف: - خالتي صفية بالله عليكِ أنا مش عايزة أي حاجة، أساسًا أنا ماليش نفس وكمان أنا هنزل ليكون بابا محتاج لحاجة أعملها له، خصوصًا أن أنا قعدت هنا وقت طويل. تغافل محمود عن اضطرابها وجلس إلى جوارها وأردف: - استني يا سهر لو سمحتِ أنا كنت عايز أقولك على حاجة، اللي اسمه فؤاد جه هو وعمه واعتذروا لوالدك عن اللي عمله وكان عايزك ترجعي الشغل تاني. شحب وجهها والتفتت تحدق به بذعر وقالت: - يا خبر دا كدا بابا هيغصبني أرجع اشتغل عنده تاني. التقط محمود يدها بين كفيه وربتها وهو يبتسم إليها ليقول مطمأنًا إياها: - متخافيش يا سهر أنا أصلًا رفضت عرضه، لأني بصراحة مستريحتش له، وقلت لعمي رشدي أنك هتشتغلي فالفندق اللي أنا بشتغل فيه وبالشكل دا هتبقي تحت عيني وهتبقي بأمان معايا. هتفت صفية بفرح تسأله: - بجد يا محمود تصدق أنك فرحتني، أيوة هو دا الكلام المظبوط وبالشكل دا أنا هبقى مطمنة عليها، ما هي هتبقى مع أخوها اللي هيحميها ويحافظ عليها، بدل بهدلة الشغل فالمحلات دي. بهتت ملامحه فوالدته وضعته بمكانٍ لم يعد يرغب به بعد الآن معها، هو يُريد أن يكون الأقرب إلى قلبها حبيبًا وليس شقيقًا أبدًا، فزفر بحنق وعينيه تلوم والدته، في حين ارتسمت ملامح الخيبة على وجه سهر فحتمًا تلك الوظيفة لن تكون لها فأخبرته بحرج: - بس يا ابيه أنا يعني يادوب معايا دبلوم تجارة، ومأظنش أن الدبلوم شهادة تشغلني ففندق كبير زي اللي حضرتك شغال فيه. أسرعت صفية وعقبت على قولها بسخط: - تشتغلي أي حاجة يا سهر طالما هتبقي مع محمود أخوكِ. احتقن وجهه غيظًا فوالدته تصر للمرة الثانية على وضعه بقالب الشقيق، فرفع حاجبه وقال بخشونة: - بكرة لما أروح الشغل هشوف أيه الوظيفة المتاحة اللي ممكن تشتغلي فيها، ودلوقتي أنا ليا طلب صغير على الأقل طول ما أحنا فالفندق بلاش تنادي لي ابيه. احمر وجهها وارتبكت أمامه والتفتت تحدق بصفية تناشدها العون، لتعود بعينيها إليه وسألته بحرج: - بس ميصحش يا ابيه أنادي على حضرتك بحاجة تانية. زم شفتيه رافضًا الكلمة فأردف بأصرار: - نادي عليا باسمي يا سهر قولي محمود من غير ابيه تمام. فركت كفيها وعقبت على قوله: - مش هعرف يا ابيه أزاي وحضرتك ليك مقامك وأحترامك لإنك أكبر مني فالسن و. زفر محمود بعصبية من نفسه قبل سهر وقال: - لو مصرة يبقى فالشغل ناديني أستاذ محمود، تمام كدا يا أنسة سهر. أجابته والدته عنها وقالت: - بقول أيه سيبكم من ابيه والكلام دا أنا هروح أعملكم عصير، وأنتِ يا سهر أياكِ تقولي أنا نازلة أنتِ حرة لو قولتي أنا هخلي محمود يزعل منك ولعلمك دا زعله وحش ومش بيتراضى بسرعة. هزت سهر رأسها بالنفي وهي تنظر إليه مبتسمة وقالت: - أنا مقدرش أزعل ابيه محمود يا خالتي دا مقامه عندي كبير، دا كفايا أني بعتبره أخويا اللي أتحرمت من أن يكون لي دا غير أني مقدرش على زعلك يا جميل. تلاشت ابتسامتها حين تجهم وجه محمود، فازدردت لعابها وأضافت باضطراب: - خالتي تحبي أجي أساعدك. رفضت صفية مساعدة سهر لها، وتابعها محمود بنظراته حتى اختفت داخل المطبخ، حينها رمق سهر بضيق وهتف يخبرها بصوتٍ مستنكر: - بصي بقي من الأخر أنا لا أخوكِ ولا ابيه ولو على الشغل ناديني أستاذ محمود، وبيني وبينك بعد كدا إياكِ أسمعك تقولي ابيه ولا أخويا دي تاني، فاهمة يا سهر. انعقد لسانها أمام حدته ولم تدر بما تُجيبه، ليُفاجئها بأصابعه تُعيد خُصْلَة شعرها خلف أذنها، فازدردت لعابها وارتجفت أثر لمسته، فحدقت به بدهشة مُبعدة وجهها عنه بعدما رأت أن عليها تغيير مجرى الحديث، فسألته دون النظر إليه: - هو بابا بقى هادي يا ابيه؟ هب محمود واقفًا وحدق بها بغيظ، ولم تستطع سهر النظر إليه، ليزفر بقوة ويقول: - مصممة يعني تقولي ابيه طيب خلاص أنا لا هشوف شغل ولا حاجة، وخلي فؤاد يبقى صاحب الشغل بتاعك. انتفضت خوفًا ووقفت هي الأخرى وتشبثت بساعده ترجوه بعينيها قائلة: - لا وحياة خالتي صفية عندك يا ابيه أبوس أيديك بلاش تقول كدا، أنت أصلك متعرفش فؤاد دا كان بيعمل أيه وبيضايقني أزاي، ولا هتقدر تتخيل اللي حصل منه وجعني وجرحني أزاي، أرجوك بلاش ترميني له وحياة أغلى حاجة عندك. تابعت تحديقها به وأصابعها تضغط فوق ساعده، فلام محمود نفسه لاستغلاله سهر ووغزه ضميره، فربت يدها واحتوى كفها ونظر إلى عمق عيناها الخضراء وأردف: - متخافيش يا سهر أنا مش هرجع فكلمتي معاكِ بس بلاش دموعك دي ممكن. ومَدّ يده ومسح عن وجهها دموعها، فارتجفت سهر للمرة الثانية بسبب لمسته، وارتبكت بشدة حينما لامس محمود شفتيها بأصبعه، وتركها محمود فجأة وابتعد عنها وقال وهو يتجه إلى الخارج: - ابقي قولي لماما أني نزلت. وأغلق الباب خلفه وجلست سهر ورفعت يدها ومسحت أثر لمساته، وبداخلها ازداد تخوفها فهي تشعر بأنها على وشك مواجهة أمر ما. وبعد مُضي ساعة أخرى غادرت سهر بعد أصرار صفية على بقائها برفقتها لوقتٍ أطول، وولجت إلى داخل مسكنها بحذر تسللت لغرفتها بعدما اطمأنت لنوم والدها، وأوصدت بابها واستسلمت للبكاء وبين يديها صورة والدتها.. لم تدر متى غفت واعتدلت بانزعاج حين ناداها والدها بصوتٍ مرتفع، وتجهم وجهها لحدته وعصبيته الواضحة، تركت فراشها واستجابت لندائه خوفًا من أن ينالها عقابه كالأمس، واسرعت بمغادرة غرفتها تضبط وضع ذراعها بالحمالة الطبية، ولكنها تجمدت بمكانها لرؤيتها فؤاد يجلس بجوار والدها مبتسمًا لها وأمام صدمتها، اراح فؤاد جسده إلى المقعد وبدا وكأنه يخبرها بأن منزلها أصبح له، وباتت نظراته لها تتبدل إلى الجرأة وهو يلتهمها بعينيه، فتسارعت أنفاسها وثار بغضها له وهمت بالفرار من أمامه إلا أن صوت والده منعها بقوله: - حضري لنا فطار حلو يا سهر علشان أفطر أنا وفؤاد، هو خلاص من هنا ورايح بقى زي أخوكِ، يالا يا سهر اتحركِ مالك واقفة عندك متنحة كدا ليه، وبعدين تعالي هنا وقوليلي أنتِ رابطة دراعك كدا ليه. خفضت سهر عينيها أرضًا وأجابته بحزن: - أصل كتفي اتخلع امبارح لما يعني حضرتك... هز رشدى رأسه بتفهم ورفع حاجبه مُحذرًا أياها من قول المزيد، وأردف يقول: - طيب يالا روحي اعملي اللي قولت لك عليه، ومتتأخريش وعلى فكرة هتلاقي حاجات كتير فالمطبخ فؤاد جايبها معاه، يالا يا بت اتحركِ. هرولت من أمامهم إلى المطبخ، ووقفت تحدق بمحتوياته بإشمئزاز، تتساءل عن سر مجئيه لمنزلها والأكثر كيف استطاع أن يقنع والدها بتقبله بتلك السرعة، حينها ارتجفت ما أن توالت عليها بعض الصور المُخيفة وأنتابها خوف مما هو أت. جعدت سهر ملامحها بنفور ما أن أحست بفؤاد يستند إلى باب المطبخ، يتابعها بنظراته البغيضة وزفرت ساخطة ما أن قال: - عجبك ضرب والدك وبهدلته ليكِ كل يوم والتاني كدا، ما قولت لك خليكِ معايا وأنا هعوضك عن كل اللي شوفتيه، وهعيشك أحلى عيشة بدل الجُحر اللي أنتِ قاعدة فيه دا. رافق قوله باقترابه منها وبتلقائية تراجعت سهر للخلف هربًا منه ولم تنتبه للموقد المشتعل، والتصقت به لتصفعها حرارة النار حين مالت للخلف، ما أن مال فؤاد نحوها يخبرها: - فكري يا سهر فكلامي، وعمومًا لو أنتِ عايزة أخليه جواز فأنا معنديش مانع نخليه جواز، أهو مش هيخسر أي حاجة. شهقت لحديثه وكتمت تألمها بعدما ألهبت النار ظهرها، لينتبه فؤاد لفعلتها حين التصقت أكثر بالموقد وابعدها عنوة عنه قائلًا بصوت مقزز: - مش تخلي بالك لتحرقي نفسك وتشوهي جسمك اللي مالوش مثيل دا. دفعته عنها تخبره باشمئزاز وقد تغضنت جبهتها ألمًا: - ياريتني اتحرق علشان تبعد عني وأخلص منك. القت كلماتها بوجهه وهمت بالصراخ، فسارع فؤاد بالأبتعاد عنها وهو يُردف: - بقولك إيه أهدي شوية واسمعيني كويس ودا لمصلحتك، أنتِ لو فاكرة أنك لما تولعي فنفسك أن أنا هبعد عنك تبقي بتحلمي، علشان أنا مش هسيبك مهما عملتي فنفسك وعلشان تعرفي أني عايزك هعديلك اللي حصل منك بمزاجي، دا غير أني قدمت لك السبت وثبت حُسن نيتي بكلامي مع والدك، لعلمك أنا نبهت عليه أنه معدش يمد أيده عليكِ تاني، واخدت منه وعد أنه مش هيهينك تاني ولا حتى يزعق لك، ولو على الشغل فمتشليش همه أبدًا أنا رقبتي سدادة، المهم أنك ترضي عني والأهم أنك تعرفي أن أنا معنديش أكتر من طولة البال والصبر، وأنا قررت أصبر عليكِ لحد ما تجيلي بنفسك راكعة. انهى قوله وعاد ليجلس برفقة رشدي الذي ربت كتفه ، فابتسم فؤاد وأردف: - بنتك ست بيت درجة أولى المهم أحنا على اتفقنا خلاص، معدتش تمد أيدك عليها تاني يا رشدي اتفقنا. سحب رشدي نفسًا من سيجارته التي أهداه فؤاد أياها، وزفره بقوة وأجابه: - علشان خاطرك أنت يا فؤاد أنا هسامحها وهعدي لها أي حاجة، بس المهم أنت متحرمنيش من قعدة المزاج العالي دي، تصدق دي أول مرة بيجي من ورا سهر فايدة، ياريتها كانت عرفتني بيك من زمان يا فؤش. بعدما انهت ما عليها عادت إلى غرفتها واحكمت غلق بابها عليها خوفًا من اقتحام فؤاد لغرفتها فجأة، والتقطت هاتفها تحدق برقم محمود تتساءل أتخبره بما حدث أم لا، زفرت بألم وهي تُفكر بلمساته هو الآخر التي أختلسها منها، وهزت رأسها بالرفض واعادت هاتفها إلى جيب ثوبها، ولكن ما أن أرتفع صوت ضحكات فؤاد المستفزة أدركت أن لا سبيل أمامها غيره، فسارعت وأجرت اتصالها به وانتظرت أجابته عليها، بينما كان محمود يتابع تسجيل البيانات الحسابية على حاسوبه بمكتبه في الفندق يُمعن النظر إلى ما يدونه، ولوهلة شتت انتباهه رنين هاتفه فزفر بحنق وأهمل النظر إليه، وحين عاد للرنين من جديد ترك ما بيده وهو يزفر بسخط والتقط هاتفه ليخفق قلبه بقوة لرؤيته اسم سهر، فسارع بإجابتها قائلًا: - السلام عليكم طمنيني عاملة أيه دلوقتي يا سهر. أجابته بنحيبها وبصوتٍ متهدج مذعور: - ألحقني يا ابيه محمود فؤاد جه البيت وشكله اتصاحب على بابا، ودلوقتي قاعد معاه ولا كأن البيت بيته أنا مرعوبة يا ابيه دا دا... لعن محمود جشع رشدي الذي جعله يضع ابنته بمواجهة مستحيلة مع فؤاد، وأحس بغضبه يتصاعد كونه فتح منزله لرجل مثله، مغمضًا عينيه عن افعاله وأخلاقه السيئة، ولكنه تدارك أمره لبكاء سهر، وما أن بترت حديثها حتى سألها بحدة: - هو اللي اسمع فؤاد دا عمل حاجة تانية معاكِ، انطقي مد ايده عليكِ تاني. وترها صياحه بها فأجابته بالنفي قائلة: - لا ممدش إيده، بس دا طلع عايز يتجوزني وأنا خايفة ليقول لبابا، ووقتها مش عارفة هعمل إيه، بالله عليك يا ابيه قولي أتصرف أزاي. لم يصدق محمود أذناه فازداد غضبه وهتف بحدة: - أنتِ اتجننتي يا سهر مين دا اللي يتجوزك، فؤاد دا لو كان متجوز من زمان كان زمانه عنده قدك، بقلك اطلعي اقعدي مع أمي أنا هتصل بيها تنادي عليكِ علشان ابوكِ ميقولش حاجة تضايقك ومتنزليش طول ما الزفت دا تحت فاهمة يا سهر. اغمضت عينيها بحزن وأجابته برجاء: - حاضر بس بسرعة بالله عليك يا ابيه. استشاط غضبًا لأصرارها على منادته بذاك اللقب فنهرها بقسوة قائلًا: - متقوليش زفت ابيه دي تاني متعصبنيش زيادة يلا سلام علشان اتصل بأمي وأياكِ تنزلي إلا لما اجي فاهمة سلام. و ماهي إلا لحظات وصدح صوت صفية ينادي عليها فسمعت والدها يقول: - يا سهر اطلعي شوفي أم محمود عيزاكِ ليه. تركت سهر غرفتها بقلبٍ يرجف لتصطدم عينيها بعينا فؤاد وحين غمز إليها خفضت رأسها سريعًا لتتهرب من النظر إليه ولم تلحظ وقوفه إلا حين أعترض طريقها وأخبرها بصوتٍ خافت: - متغبيش فوق علشان أنا عايز اقعد معاكِ شوية. هلعت سهر بسبب قربه منها وهرولت إلى الخارج وصعدت إلى أعلي وقلبها ينبض بقوة وولجت بلهفة إلى داخل شقة صفية وملامحها تنطق بالرعب لتتلاقاها ذراعي صفية وتشدد من احتضانها لها وما أن تسلل الأمان إلى قلب سهر حتى أردفت بيأس: - مش هيسبني فحالي يا خالتي فؤاد مش ناوي يسبني. ربتت صفية على ظهر سهر وقالت بحزن: - منه لله والدك فاتح بيته للي ميسواش يدهس فيه ويهتك سترك، أنا مش عارفة الراجل دا اتجنن على كبر كدا أزاي. ابتعدت سهر عن حضن صفية وقالت: - من اللي بيشربه يا خالتي وفؤاد ميل دماغ بابا بالحاجات اللي جايبها معاه، دا اصله مش سهل وقدر يعرف سكة بابا أزاي وأنا اللي هبقى الضحية يا خالتي، والله أموت نفسي اهون عليا من أنه يلمسني الراجل دا. نظرت إليها صفية بخوف لتلطم صدرها وتقول: - يالهوى يا سهر عاوزة تموتي نفسك أخس عليكِ يا بنتي دا أنتِ الحاجة المتبقية من ريحة الغالية والدتك تحرميني منك ومنها. انهارت سهر بعدما تلاشى تماسكها الوهمي وهتفت بصوتٍ باكٍ: - اومال يعني اسيبه يعمل ما بداله وبابا سايب له الحبل بالشكل دا ياريتني مت لما أمي ولدتني ومعشتش لدلوقتي أنا مشفتش يوم حلو ولا حتي لحظة كويسة مع بابا أنا أوقات كتير افتكرت أني مش بنته وأنه بينتقم فيا من حد بيكرهه. بكت صفية على بكاء وحزن سهر وجلست بجانبها واحتضنتها وقالت: - ربنا قادر وكبير ينتقم من اللي ظلمك واللي عاوز يظلمك ويكفيكى شر قساوة النفوس يا بنتي اهدي بقى وادخلي اتوضي وصلي الظهر وريحي فاوضة محمود دا هيتأخر النهاردة أنا عارفة انك بتحبي المكتبة اللي عنده ودا جايب من أسبوع شنطة كتب كبيرة يلا على ما اصلي أنا كمان. اتمت سهر صلاتها فجلست على مقعد محمود بجانب النافذة وقد اخدت أحد الكتب الجديدة التي اشتراها لتندمج مع صفحات الكتاب ملقيه كل حزن خلف ظهرها لتعيش لحظاتها مع الكتاب. وحين عاد محمود من عمله وجد الشقة يسودها الهدوء فظن سهر لم تستمع لحديثه وعصت أمره فاتجه إلى غرفته وولجها وهو يشتعل غضبًا واتخذ قراره بتوبيخ سهر لمغادرتها، ولكنه تجمد بمكانه حين تفاجىء بها تجلس بجانب نافذته تقرأ أحد كتبه وقد حررت شعرها من جديلته لينهمر على ظهرها فبدت كالملاك أمامه وازدرد محمود لعابه لأحساسه برغبة شديدة ليخلل خصلاتها بأصابعه، وازداد ارتباك محمود وعيناه تسبح فوق جسد سهر الذي نُحتت قسماته بكمال، ليتبدل حاله بثوان وازداد غضبًا باشتعال غيرته عليها حين ظن أن فؤاد رأها بتلك الهيئة المُهلكة. لم تعي سهر مرور الوقت إلا حينما احست بظل يقف بجانبها فرفعت بصرها ظنًا منها أنها صفية لتتفاجىء بمحمود يقف وعلى وجهه أمارات الغضب فغام وجهها حزنًا وترقبته نظراته الحادة إليها وتساءلت ماذا فعلت ليغضب منها كل هذا الغضب ليبادرها محمود قائلًا بصوتٍ حاد مستنكرًا هيئتها صافعًا إياها بكلماته: - ما طول ما أنتِ فاردة شعرك بالمنظر دا ولابسه الهدوم الضيقة اللي مبينة جسمك بالشكل دا هيفضل فؤاد يبص لك بصات مش كويسة ويطمع فيكِ يا هانم. حدقت به بعيون مُنكسرة لكلماته المحجفة بحقها وازداد إحساسها بالألم لظلمه إياها فأجابته بصوتٍ مهتز: - أنا عمري ما حاولت الفت نظر حد ليا يا ابيه وبعدين ما دا لبسي من زمان وحضرتك عمرك ما اتكلمت عليه وبعدين شعري أنا يعني فردته بعد ما صليت وكنت هلمه قبل ما أنزل. قبض محمود على أصابعه بشده وصاح من بين اسنانه بعصبية: - الأول حاجة ودلوقتي حاجة أنتِ مش شايفة نفسك بقيتي أزاي أنتِ معدتيش عيلة صغيرة بقيتي انسة وبعدين مش قلت لك بلاش ابيه دي. أحست سهر بالحيرة مما يحدث فهي لم تعد تفهم شيء، ليشعر محمود بحيرتها وأحس بأن أمر غيرته كُشف إليها فاستدار عنها وقال: - اطلعي برا يا سهر لو سمحتي. ألمها طرده لها وأحست سهر وكأنما القى محمود عليها دلو ماءٍ مُثلج فتركت الكتاب يسقط من بين أصابعها وفرت من أمامه بعيون تحرقها الدموع. انحنى محمود والتقط الكتاب ووضعه فوق المقعد وجلس على طرف فراشه مُعاتبًا نفسه بصوتٍ خافت: - أيه يا محمود مالك أنت عمرك ما كنت كده وبعدين طالما حاسس بالغيرة عليها ما تتكلم وتقول وتعرفها وتعرف الكل يا أما تسكت، إنما تبقى بالحال دا مينفعش وبعدين أنا خايف عليك أحسن حبك ليها وغيرتك عليها يعموك، ولا أنت مش شايف نفسك ومشاعرك وتفكيرك بيها عاملين أزاي، يا محمود أنت عمرك ما بصيت على أي بنت، وسهر طول عمرك بتعاملها على أنها أختك الصغيرة ولا أنت ناسي أن الفرق بينك وبينها ١٤ سنة وعارف أن دي العقبة اللي الكل هيعلق عليها ويرفض بسببها ارتباطك بيها، بقولك إيه أنت لازم تحاول تبعد. انتفض قلبه بخوف وهز رأسه بالنفي وصاح هامسٍا: - لأ أنا مقدرش أبعد عن سهر مقدرش لإني بعشقها وبتمناها تكون ليا، أنا أنا بقيت بحلم بيها ليل نهار وقلبي قايد نار من فؤاد وحاسس أني عاوز أقت\له أنه لمسها، طب وبعدين يا محمود ما تعقل شوية، أنا خلاص معدش فيا عقل سهر خدت عقلي وقلبي وكل حياتي أنا حاسس أني رجعت مراهق لما بشوفها. أنهى محمود حواره مع نفسه وغادر غرفته وبحث عنها وحين أدرك عدم وجودها اتجه صوب والدته في المطبخ وقال: - أيه يا ست الكل هو كل ما أدور عليكِ الاقيكي فالمطبخ الكلام دا مينفعش لازم تريحي، أنا خايف عليكِ من المجهود ومن الوقفة دي، بعدين مش قلت لك أجيب أي حاجة وريحي أنتِ. أجابته والدته وقالت: - ربنا يبارك لي فيك يا ابني، أنت عارف أنا بحب اعمل كل حاجة بنفسي، هو أنا ليا غيرك أنت وأبوك ربنا ميحرمنيش منكم أبدًا. ابتسم محمود لوالدته وانحنى وقبل يدها ثم سألها: - هي سهر راحت فين. أجابته والدته: - نزلت يا ابني من ساعة ما خرجت من عندك، أنا قلقانة على البت دي يا محمود تخيل قال بتقولي أموت نفسي ولا يلمسني فؤاد، شوفت أبوها وصلها لأيه. حدق محمود بقلق في وجه والدته ليقول: - قالت عاوزة تعمل أيه تنتحر دي اتجننت ولا أيه وبعدين أنا قلت لها متنزلش إلا لما اطمن إن الراجل دا يكون مشى يبقى تنزل أزاي وهو لسه تحت، أنا مش عارف هي ليه مصممة ترمي نفسها فالنار بايديها اوف معلش يا ماما لو سمحتي نادي عليها أنتِ وخليها تطلع بدل الراجل دا ما يستغل حالة عمي رشدي ويطاول عليها تاني، ولما تطلع دخليها فاوضة الجلوس تقعد براحتها وأنا هدخل اوضتي أنام شوية لأني نازل الشغل تاني على الساعة واحدة بالليل. قررت صفية أن تهبط تلك المرة إلى الأسفل وطرقت الباب ليستقبلها فؤاد بابتسامة سمجة فأشاحت بوجهها عنه ليقع بصرها على رشدي الذي قبض بين اصابعه على لفافة تبغ مُشتعلة وتفوح عنها رائحة كريهة فصاحت بصوتٍ حاد بعدما فهمت محتوى اللفافة ونادت سهر لتغادر الأخيرة بوجه محتقن وعيون منتفخة بسبب بكاؤها فاتجهت صفية نحوها وقبضت على ساعدها وجذبتها خلفها وهي تقول بضيق: - تعالي يا سهر ساعديني أحسن أنا تعبانة ومش قادرة أقف بعد اذنك طبعا يا حج. غادرت صفية وبيدها سهر دون أن تنتظر موافقة والدها بينما تابعهم فؤاد بنظارتٍ نارية يود لو يجبرها على البقاء ولكن عليه التمهل حتى يحكم قبضته جيدًا على والدها. وبالأعلى ما أن تبعت سهر صفية إلى الداخل حتى عاتبتها صفية قائلة: - أيه اللي نزلك يا بنتي وأنتِ عارفة أنهم بيدخنوا الحاجات دي، دا أنا لما شوفتهم قلبي وقع فرجليا ليكون اللي اسمه فؤاد دا عمل فيكِ حاجة، الحمد لله أنها عدت على خير ودلوقتي يلا أدخلي اوضة الجلوس وخدي راحتك فيها محدش هيضايقك، أصلًا محمود قال أنه هينام علشان نازل شغل بالليل، فأيه رأيك لو تبيتي معايا طالما الراجل دا لسه تحت، ولو حابة تسهري أنا هخلي محمود يجيبلك كتاب من عنده تقريه. غادر محمود غرفته ما أن استمع إلى صوت سهر ووالدته وقال: - أنا لسه صاحي يا ماما ومصدع فلو ممكن فنجان قهوة من أيديك يمكن الصداع يروح على ما اتكلم مع سهر فموضوع الشغل قبل ما انسى. انتظر محمود مغادرة والدته واتجه صوب سهر وقبض على ساعدها بقوة وجذبها إلى داخل الغرفة وهو يحدق بها بغضب وبادرها بصوتٍ حانق حافظ على خفوته كي لا يصل إلى سمع والدته: - أنا عايز أعرف أنتِ إيه اللي نزلك تحت وفؤاد لسه موجود، هو أنا مش قلت لك تبعدي عن سكته. حاولت سهر تخليص ساعدها من قبضته ولكنها فشلت فأجابته بخوف: - أنا نزلت لما حضرتك طردتني، وبعدين أنا كنت قاعدة اوضتي وقفلاها عليا كويس. انهت سهر كلماتها وحدقت بوجه محمود بألم وأردفت بصوتٍ متألم: - ابيه لو سمحت سيب دراعي حضرتك بتوجعني. انتبه محمود ليده وأصابعه التي ضغطت بقوة على ساعدها فترك ساعدها وحدق بوجهها بأسف وأردف: - سهر أنا عايزك تفهميني وتقدري خوفي عليكِ صدقيني أنا أكتر حد يهمه أنك تكوني فأمان وتكوني بعيد عن البني آدم دا، فأرجوكِ حاولي على قدر الأمكان أنك تبعدي عن طريقه لإنه أنسان مش سهل وبصراحة أنا مش هتحمل أنه يلمسك تاني أو يضايقك صدقيني أنا ممكن أقت\له لو أتجاوز حده معاكِ، يا سهر أنتِ مينفعش اللي اسمه فؤاد دا يجي جنبك لإنك مستحيل تكوني له أبدًا. أنتاب سهر إحساس بالحيرة فنظرات محمود أصبحت غامضة وحديثه يحمل أهتمام لم تراه منه منذ ابتعد عنها لسنين فقالت تجيبه: - وأنا بعمل كدا ببعد عن سكته بس هو اللي مش عايز يبعد ويسيبني، فقولي أنا أعمل أيه وبابا مبيشفش غير أن أنا اللي دايما بغلط وبيجي عليا. زفر محمود بقوة وحاول تمالك أعصابه فحركة سهر أمامه أثارت حفيظته وأحسها تُلهي عقله وتفقده تركيزه، وتابعته سهر بدهشة وسألته بعدما لاحظت شروده: - مالك يا ابيه. سب محمود في سره ذاك اللقب وأجابها بضيق: - مافيش يا سهر المهم خليني دلوقتي أكلمك فموضوع الشغل، بصراحة أنا شايف أنك متنزليش شغل وتقعدي وأنا هتصرف مع عمي رشدي. زاد حزنها لكلماته فخفضت رأسها وسألته: - هما رفضو يشغلني مش كدا. زم محمود شفتيه وأجابها بعصبية واضحة: - مش موضوع رفضو كل الحكاية أني مش شايف أنه يليق بيكِ ومش حابب أنك تشتغليه، يا سهر مش أنتِ اللي تبقي روم سيرفيز، أنا كنت عايزك تشتغلي معايا فمكتب المحاسبة بس للأسف هما طالبين بكالوريوسات وأنا مقبلش أنك تشتغليـ. قاطعته سهر بجدية قائلة: - بس أنا موافقة يا ابيه على الشغل طالما هيبقى معاك، وصدقني مش مهم الشغل هيبقى أيه المهم إن المكان محترم، بعدين اللي زيي ميتشرطش على أكل عيشه، بالعكس أنا بحمد ربنا إن فندق زي اللي حضرتك شغال فيه قبل بيا وأنا معايا دبلوم. ولجت صفية تحمل بين يدها القهوة والعصير وجلست لتتجه سهر وتجلس بجوارها، فاثنت صفية على قرار سهر ليزداد ضيق محمود فاستأذنهم في النهاية وغادر متذمرًا إلى غرفته وحاول أن يخلد للنوم ولكنه فشل كُليًا لتفكيره بتلك التي أحتلت قلبه وعقله وسلبته النوم. الثالثة .رغبة وخوف. --------------------------- مرت الأيام وسهر تصعد بشكل يومي إلى صفية ما أن يظهر فؤاد، وبعدما تعافي كتفها وفى محمود بكلمته ورافقته لتتسلم عملها، الذي سرعان ما اندمجت سهر به فهو بالنسبة إليها كان القشة التي أنقذتها من البقاء بالمنزل، ورحمها من رؤية فؤاد الذي لم يكف عن مطاردتها بكلماته الملتوية ونظراته الخبيثة مستغلًا والدها. أما محمود فحاول صرف عقله عن التفكير بسهر ولكنه لم يستطع فـ مشاعره نحوها تنمو وتزداد قوة واحتياجًا، ووجودها بالقرب منه جعلته يُدمن رفقتها والحديث معها. وبعد مرور بضعة أشهر على وجود سهر بالفندق، باتت سهر من أفضل العاملات لتفانيها بعملها والتزامها وبأحد الأيام بعدما أنهت سهر ترتيب إحدى الغرف، عادت إلى استراحة الفتيات، وقبل أن تخطو للداخل وصل إلى سمعها صوت إحدى الفتيات تقول: - دي بتيجي معاه وبترَوح معاه ودايما بيسأل عنها ويقف يكلمها، تفتكري يكون في بينهم حاجة، أنا خلاص هتجنن بقى معقول أنا اللي ليا سنتين شغالة معاه مش عارفة الفت نظره ليا وبالعافية لما بيقف يتكلم معايا، تقوم تيجي بنت زي دي تاخده مني فأقل من تلت شهور. أجابتها منال بصوتٍ هادئ ما أن لاحظت عصبيتها: - داليا أنا قبل كدا كلمتك فالموضوع دا وقولت لك بلاش تتعلقي بيه لإنه واضح عليه من سنين أنه مش من النوع اللي بيعمل علاقات فالشغل أو حتى بيكلم بنات، وأنتِ اللي رفضتي تسمعي النصيحة وأهو أنتِ بنفسك شوفتي فكل مرة بتفتحي معاه كلام هو اللي بيقفل ويستأذن ويمشي، يعني بمنتهى الصراحة بيفهمك أنك برا تفكيره، فمينفعش دلوقتي تقولي أنها سرقته منك علشان هو مكنش ليكِ من الأول. رمتها داليا بنظراتٍ نارية وأشاحت بوجهها عنها، في حين زمت منال شفتيها وتركت مكانها ومع استدارتها تقابلت عيناها بعينا سهر فتلون وجهها حرجًا لسماع سهر حديثهما، حينها تنفست سهر بقوة وولجت وهي تقول: - السلام عليكم. التفتت داليا بحده وحدقت بها وضاقت عيناها ولكنها سرعان ما أخفت ما يجول بداخلها ورسمت ابتسامة واهية فوق شفتيها وقالت: - أيه يا سهر خلصتي شغلك ولا لسه باقي لك حاجة، يعني علشان متتأخريش على الأستاذ محمود، مش هو بردوا هيوصلك النهاردة زي ما بيعمل كل يوم. تناست سهر تحذير محمود وبادلت داليا الابتسام وأجابتها بتلقائية: - للأسف ابيه محمود عنده شغل كتير فأنا هروح لوحدي النهاردة. انتبهت داليا لكلمات سهر وعلق لقب محمود بذهنها فاقتربت منها وسألتها بدهشة: - ابيه مين هو الأستاذ محمود يقربلك. انتبهت سهر لكلماتها فاحمر وجهها وأدركت خطأها وحاولت الإجابة وغادرها صوتها مذبذبًا: - لا مش قريبي بس يعني هو. وضعت داليا يدها فوق كتف سهر وحثتها على الكلام بتذمر مُردفة: - طيب لما هو مش قريبك أنتِ ليه قولتي ابيه دي، ما تتكلمي يا سهر ولا أنا يعني هشد الكلام منك، قوليلي هو محمود يقرب لك أيه بالظبط. لاحظت منال خوف سهر واضطرابها فسارعت بمقاطعة داليا لتهون على سهر الأمر قائلة: - ما تسيبيها يا داليا هو يعني تحقيق، وبعدين أحنا مالنا هيهمنا فأيه أن كانوا قرايب أو لأ. رمتها داليا بنظراتٍ نارية وعقبت على قولها بعصبية واضحة قائلة: - أنا مش بحقق معاها ولا حاجة وأظن أنتِ عارفة كدا كويس يا منال وأكيد سهر فاهمة أن سؤالي غرضي منه اطمن علشان لو حد سأل أو أتكلم نعرف نرد عليه ونوضح لهم الصورة بما أنهم على طول واقفين مع بعض وبيرَوحوا ويجوا سوا. والتفت داليا برأسها ووجهت عيناها إليها وأضافت: - أنتِ زي أختي يا سهر ولازم أخاف عليكِ من لسان الناس. تمتمت منال بصوت خفيض لا يسمعه أحد: - آه يا بنت اللذينا عايزة تطويها تحت جناحك علشان تعرفي منها اللي يفيدك ربنا يستر وسهر متطلعش خايبة وتقع معاكِ. أومأت سهر برأسها وعقبت على قول داليا قائلة: - ابيه محمود يبقى جاري وزي أخويا الكبير ووالدته هي اللي مربياني، بس لو ممكن محدش يعرف لأن أبيه نبه عليا متكلمش فالموضوع دا علشان هنا مكان شغل وانتو فاهمين. اتسعت ابتسامة داليا بسعادة وأجابتها وهي تربت يدها: - اطمني يا سهر محدش هيعرف حاجة وزي ما قولت لك أنتِ زي اختي ولو احتجتي لأي حاجة بلغيني وأنا عيني ليكِ. شكرتها سهر بلطف وهي تبتسم بحرج وأردفت: - أنا كمان بعتبرك أنتِ ومنال زي أخواتي وبشكركم جدًا على لطفكم معايا، عمومًا أنا هروح أبلغ الأستاذ عصام أني خلصت اللي ورايا علشان امشي عن أذنكم. غادرت سهر الأستراحة واتجهت إلى مكتب عصام وطرقت بابه وما أن أذن لها بالدخول حتى ولجت وهي تنظر أرضًا وأردفت بصوتٍ خافت تقول: - أستاذ عصام أنا خلصت كل اللي حضرتك بلغتني بيه وميعاد الشغل كدا انتهى أمشي أنا ولا لسه في حاجة. حدق بها عصام وبدا وكأنه وجد ضالته فابتسم وهو يُشير إليها بالجلوس وقال: - تعرفي يا سهر أنا لو فضلت أشكر محمود علشان هداني بيكِ كل يوم مش هيكون كافي حقيقي أنا مشفتش حد زيك من اللي اشتغلوا هنا ليا زمن، أنت بتعملي شغلك بضمير وأنا لو عليا اعملك مكافأة ولعلمك أنا كتبت كل دا في التقرير بتاعك لأنك تستحقي كل خير، وبصراحة تفانيكِ في شغلك هيخليني أطلب منك خدمة هو شغل هنا بردوا بس مش أي حد ممكن يأديه، في جاح هنا خاص بالأستاذ آدم محدش بيطلع فوق إلا الناس الموثوق فيها وكان عندي شاب مسئول عنه بس هو ساب الشغل للأسف ومن وقتها وأنا محتار مين يستحق يشرف على الجناح الخاص ويرتبه بضمير ويخرج منه وميتكلمش عنه ولا يجيب سيرته نهائي كأنه مش موجود أصلا، والحقيقة أنا ملقتش غيرك أنتِ أصلًا شغلك هو اللي دل عليكِ علشان كدا أنا عايزك تطلعي جناح الأستاذ آدم هو بلغ قبل ما يخرج أنه محتاج يتوضب وأنا عارف أنك قدها، ومش هوصيكِ هتدخلي وتخرجي كأنك مشوفتيش أي حاجة ومش عايز أي حد يعرف أنك طلعتي فوق، بصي الجناح له اسانسير خاص هتطلعي منه وتخلصي شغلك وتنزلي والأدوات الخاصة بالنضافة هتلاقيها فوق ولو في حاجة خاصة بيكِ عايزة تخديها تقدري تخديها معاكِ. وافقته سهر بإيماءة من رأسها وأدرفت: - اطمن يا أستاذ عصام أنا مش هخذلك أبدًا وبرقبتي لو حد عرف حاجة. رافقها عصام حتى باب المصعد واطمن عليها بداخله وضغط على زر التشغيل وابتعد ووقفت سهر يملؤها الترقب وحين توقف بها المصعد وغادرته ووقفت تحدق بما حولها بدهشة لفخامة المكان واختلافه عن باقي الفندق، زجرت سهر نفسها لشرودها وبدأت عملها بالاهتمام بالمكان وحين توجهت نحو المرحاض فوقفت تطلع حولها تطمئن إلى ما أنجزته ويدها تقبض على مقبض الباب وابتسمت لإتمامها عملها على وجه أكمل، وزفرت وهي تفتح باب المرحاض وتلاشت ابتسامتها وبهتت واتسعت عيناها بصدمة، فأمامها تسطح شاب فوق أرضية المرحاض لا يتحرك، كادت تتراجع ولكنها تمالكت نفسها سريعًا وجثت بجواره ومدت يدها وهزته ببطء، وزفرت أنفاسها ما أن سمعت أنينه ووقفت سريعًا وهتفت بصوتٍ قلق: - هو مفروض أبلغ الأستاذ عصام دلوقتي ولا اعمل أيه. دلها عقلها بأن تأتي بزجاجة ماء وتمسح على وجهه ونفذت سهر سريعًا ومسحت وجهه وما أن أعطى لها إشارة أستعادة وعيه، همت بالوقوف ولكنها عقدت حاجبيها لسماعها همهمة خافته تصدر عنه، فمالت نحوه لتسمع كلماته ليخبرها بوهن: - لو سمحتي هاتي شنطتي السودا من الدولاب بسرعة ارجوكِ. نفذت سهر طلبه وقلبها يخفق بقوة لا تدر لما استولى عليها الخوف، التقطت سهر حقيبته وعادت إليه ومدت يدها بها فأشار إليها لتقترب فجلست سهر بجواره ليُردف: - معلش هتعبك بس في حقنة في الشنطة لو سمحتي طلعيها واديهالي. رمت سهر الحقيبة ووقفت وقالت بخوف: - حقنة وادهالك يا خبر أنت مدمن. ارتسمت ابتسامة على وجه الشاب خطفت أنفاس سهر منها ووقفت تحدق مسلوبة العقل تمامًا للمرة الأولى في حياتها ورغم محاولاتها المغادرة إلا أنها وقفت بمكانها وحين أشار إليها جثت بجواره مرة آخرى وقالت: - أزاي شاب شكله ابن ناس زيك كده ومدمن مش حرام عليك نفسك. سمعته ينفي بصوتٍ متألم: - مدمن إيه أنا مش مدمن صدقيني والحنقة دي علاجي ومحتاج لك تديهالي، أرجوكِ اديني الحقنة ولا هتديري وشك عني وتسبيني لما أموت. ضربتها كلماته بمق\تل وأمتلأ قلبها أسف على حاله فهزت رأسها بقوة وهي تلتقط الحقيبة من جواره أردفت بصوتٍ مرتبك: - لا مش همشي ومش هسيبك تموت علشان محدش يتهمني أني قت\لتك. ضحك الشاب وعقب على حديثها قائلًا: - أنتِ محدش قالك أنك ساذجة أوي، يا بنتي اديني الحقنة أنتِ ربنا بعتك ليا نجدة كملي جميلك معايا بقى. اخرجت سهر الحقنة بيد مرتعشة وسألته بخوف: - هديهالك أزاي. تنهد الشاب بألم وأجابها: - تحت الجلد فدراعي ارجوكِ بالراحة وبسرعة. دعت سهر الله فِي سرها أن تنقذه وطهرت يده بالكحول وحقنته ببطء وقالت: - أحمد ربنا إن بعرف أدي حقن على قدي وإلا فعلا هبقى بموتك. بعدما مرت عشر دقائق أحس آدم أنه بخير فقال لها: - ساعديني بقى وكملي جميلك واطلعي دوري برا على الكرسي المتحرك بتاعي وهاتيه. احزنها قوله حين علمت مصابه وغادرت سريعًا فهي لمحت مقعده المتحرك وهي تنظف الغرفة فعادت به، فشكرها آدم بقوله: - ممكن تساعديني أقعد عليه. ساعدته سهر حتى جلس وتنهد بارتياح فضغط على يد المقعد وتحرك به خارج المرحاض وتبعته سهر تحمل حقيبته فقالت تسأله: - هو حضرتك هنا أزاي وفي حد بلغ إن الجناح فاضي. تجهم وجه آدم وأجابها بضيق: - متشغليش دماغك أنتِ المهم أنتِ اسمك إيه. أجابته سهر بخجل عن اسمها فسمعته يقول: - اسمك حلو أوي يا سهر على فكرة أنا آدم عمران واحب انبه عليكِ أنك متجبيش سيرة عن اللي حصل دلوقتي هنا لأي مخلوق فاهمة. اضطربت سهر لطلبه وسألته بحيرة: - بس الأستاذ عصام لازم يعرف هو كان قايل إن الجناح ف. قاطعها آدم وهو يهز رأسه بالنفي قائلًا: - نفذي اللي قلت لك عليه ومتقلقيش من أي حاجة ودلوقتي لو كنتِ خلصتي شغلك ممكن تتفضلي علشان متتأخريش. اعلمته أنها لم تنتهي من تنظيف المرحاض فأشار إليها آدم لتستأنف عملها بهدوء وما أن أنهت سهر عملها أعادت الأدوات إلى مكانها وغادرت مسرعة وما ان هبطت حتى اتجهت صوب مكتب عصام وأعلمته بصوتٍ مضطرب: - أنا خلصت يا أستاذ عصام في حاجة تانية ولا اروح. شكرها عصام وهو يبتسم وأخبرها بصوتٍ هادئ: - روحي يا سهر ومش هوصيكي الجناح ده أنتِ متعرفيش عنه أي حاجة. هزت سهر رأسها بالموافقة وغادرت الفندق بعد أن بدلت ثوبها لتجد محمود يقف أمام الفندق فسأله حين رآها بحيرة: - سهر أنتِ لسه هنا ليه مش مفروض تكوني روحتي من ساعة. أجابته سهر بتوتر: - أصل الأستاذ عصام كلفني بشغل تاني فخلصته وأهو ليا نصيب اروح معاك يا ابيه. أبتسم محمود وأردف: - طيب يلا بينا احسن أنا واقع من الجوع وخالتك صفية عاملة لي النهاردة بامية مخصوص. وخلفهما تمامًا وقفت داليا تتابع حديثهما فزفرت بقوة واتجهت صوبهما وأردفت: - ازيك يا أستاذ محمود. ثم التفتت نحو سهر وسألتها بدهشة: - أنتِ لسه هنا يا سهر مش قولتي أنك مروحة من بدري. منعها محمود من الإجابة وأردف بالنيابة عنها: - أنا قلت لها تستني يا انسة داليا في حاجة. تطلعت داليا إليه بعيون ولهه وأردفت بصوتٍ خفيض: - لا يا أستاذ محمود بس لو ينفع اروح على طريقكم. سارعت سهر وعقبت وهي تبتسم: - مفيهاش حاجة ممكن نوصلها فطريقنا يا ابيه. رمقها بها محمود بحدة فوضعت يدها على فمها وقالت باضطراب: - أنا اسفة والله نسيت يا أستاذ محمود حقك عليا. تجهم وجهه وزفر بقوة وأجابها بسخط: - يلا بينا علشان الوقت اتأخر وعمي رشدي ميضيقش. -------------------- ما أن ولجت سهر إلى غرفتها حتى زفرت بأرتياح كونها بأمان بين جدران غرفتها وأرتمت فوق فراشها تشعر بالضيق لأهمال محمود لها طوال رحلة العودة، ليكمل غضبه منها حين تركها أمام باب شقتها دون أن يحدثها وصعد إلى مسكنه مهملٍا إياها لتتفاجأ سهر بفؤاد يستقبلها وعلى وجهه ابتسامته السمجة فابتعدت عنه ولكنه أوقفها مُشيرًا إلى والدها الغافي فوق مقعده وأخبرها بصوتٍ خافت: - وحشتيني يا سهر قلبي وحياتي. دفعته سهر بعيدًا عنها وصاحت بصوتٍ عال لتوقظ والدها بسؤاله: - بابا حضرتك عاوز حاجة مني اعملها. أجابها رشدي وهو يفرك عينيه: - لا مش محتاج حاجة أساسًا فؤاد مش مخليني عاوز حاجة روحي ريحي أنتِ شكلك تعبانة. نفضت سهر عنها التفكير بفؤاد وسرعان ما ارتسمت فوق شفتيها ابتسامة شاردة لتذكرها آدم وابتسامته التي سلبتها عقلها وإحدى دقات قلبها تمامًا. وبعد ساعة استفاقت سهر من غفوتها حين أحست بأحدهم يحاول فتح الباب فانتفضت من فوق فراشها وهي تحدق بباب غرفتها بخوف وسألت بصوتٍ مُهتز: - مين اللي برا. أجابها فؤاد بصوتٍ خافت: - افتحي يا سهر أنا عايز أقولك على حاجة. التفت سهر تبحث عن هاتفها بخوف وحين وقع بصرها عليه التقطته سريعًا وأجرت أتصالها بمحمود وقلبها يرجف بذعر وبنفس اللحظة التي أنتهى اتصالها دون إجابه فُتح باب غرفتها فسقط هاتفها من يدها وهي تتراجع بخوف لتلتصق بالحائط وعيناها تحدق بوجه فؤاد الذي وقف أمامها بعد أن أوصد باب الغرفة وبيده مفتاحًا لها ويحدق بها برغبة مشتعلة أثارت بقلبها الرعب فسألته بصوتٍ مرتجف: - أنت أزاي فتحت الباب وجبت منين المفتاح دا. استكمل فؤاد خطاه نحوها وازداد خوف سهر بسبب نظراته إليها التي جعلتها تشعر بشلل عام بجسدها، ليُجيب عليها وهو يستند إلى الحائط: - هو أنا مش قولت لك أن مافيش حاجة بتصعب عليا يا سهر أنا من أول يوم ليا هنا وأنا معايا نسخ لكل مفاتيح البيت، المهم سيبك من المفتاح وخلينا فيكِ على فكرة أنتِ وحشتينى يا سهر ألا أنتِ مش ناوية بردوا تحني عليا. ازدردت سهر لعابها بخوف ودعت الله أن ينجدها من فؤاد وحاولت استجماع شجاعتها كي لا يستضعفها فؤاد وأردفت بحدة: - أطلع برا يا أستاذ فؤاد بدل ما اصوت وألم عليك الناس. عقد فؤاد حاجبيه وهتف بحنق: - بصي بقى أنا مش هستنى كتير أنتِ لازم تعرفي أنك بتاعتي فبلاش تتعبينى معاكِ وليني دماغك معايا علشان ابسطك، بدل ما اقلب عليكِ وأنتِ اللي هتخسري فـ الأخر علشان اللي أنا عايزه هاخد بمزاجك أو غصب عنك. دفعته سهر وهرولت باتجاه باب الغرفة تحاول فتحه وقد استولى عليها الخوف ليوقفه فؤاد قائلًا بحدة: - على فكرة لو قولتي لأي حد على اللي بيحصل هنا هزعلك أوي على رشدي اللي بقى تحت رحمتي فخليكِ عاقلة وبلاش تتهوري بدل ما تندمي. التفتت سهر وسألته بخوف قائلة: - قصدك أيه. أجابها فؤاد وهو يقترب منها: - قصدي هتعرفيه فـوقته. ابعدها فؤاد عن الباب وفتحه وأفسح لها المكان وأردف ساخرًا: - ودلوقتي يلا أجري على فوق بس اعرفي أني سيبك بمزاجي وكله بحسابه يا سهر فالأخر. هرولت سهر إلى أعلى بخوف وطرقت الباب بقوة ففتح لها محمود فالقت بنفسها بين يديه تبكي ليحتضنها محمود وسألها بخوف: - مالك يا سهر في إيه هو عمي رشدي ضربك تاني. انتبهت سهر لمكانها فابتعدت عنه بحرج ونظرت له وكادت تحكي له ولكنها امتنعت حين تذكرت تهديد فؤاد فهزت رأسها تؤيد تخمينه ليُخبرها محمود بأسف: - طيب متزعليش وتعالي اقعدي. حاولت سهر تمالك ارتعاشها وجلست بحرج وسألته وعيناها تبحث عن والدته: - هي خالتي صفية فين. جلس محمود بجوارها وأجابها بهدوء: - هي مريحة شوية دلوقتي اصحيها. أومأت سهر والتفتت لتحدق به وهتفت قائلة: - ابيه أنا أسفة على اللي حصل النهاردة والله ما كان قصدي خالص اقول كدا بس. هز محمود رأسه فصمتت سهر ليُردف: - خلاص يا سهر أنا مش زعلان اللي حصل حصل، أنا بس مكنتش حابب حد يدخل بينا من البنات اللي في الشغل، عمومًا كده احسن علشان محدش يضايقك بحاجة. ابتسمت له سهر وقد شعرت بالحرج فتركت مكانها وقالت: - طيب أنا هنزل بقى وخلي خالتي نايمة. تحرك محمود من مكانه ووقفت بجوارها وقال: - خليكِ شوية قوليلي الشغل عجبك أنا عارف أنه متعب و. هزت سهر رأسها بالنفي فتوقف محمود عن الكلام فأردفت سهر: - بالعكس يا ابيه أنا عجبني الشغل أوي هو زي ما بتقول متعب بس كلهم بيعاملوني كويس هو مكنش في غير داليا اللي مكنتش بتكلمني بس النهاردة لاقيتها عاوزة تصاحبني. ربت محمود على كتف سهر وقال: - بردوا عيزك تخلي بالك من نفسك ومتحكيش لحد حاجة عنك فاهمة. صمت وقد شرد بعينيها فلم يشعر بيده التي تحركت على طول ساعدها حتى احتضن كفها وأصابعه داعب باطن يدها، فجذبت سهر يدها بحرج وقالت باضطراب وهي تهم بالابتعاد عنه: - أنا أنا هنزل بقى يا ابيه علشان تعبانة و. ابتلعت سهر كلماتها حين اختطف محمود يدها وقبض عليها ليُدنيها منها ووقف يتطع نحوها ومد يده الأخرى نحو رأسها وأعاد خصلة شعرها الشاردة خلف أذنها وداعب أذنها بسهو منه وعيناه تلاحق شفتيها وأنفاسها المضطربة، فازدردت سهر لعابها وهمست بصوتٍ مهتز ملؤه الرجاء: - ابيه أنا عايزة انزل. لم يسمعها محمود فـحركة شفتيها سرقت قلبه وعقله فوجد نفسه مغيب تجذبه شفتيها فاقترب بوجه منها وسلبها حق اختيارها من يكون صاحب قبلتها الأولى وغزا شفتيها غافلا عن رفضها، تجمدت سهر بفزع للحظات ومحمود يقبلها لتنجح أخيرًا بدفعه بعيدًا عنها بخوف وهرولت من أمامه وغادرت وهبطت إلى شقتها ولكنها تجمدت أمام بابها وحاولت تهدأة أنفاسها المضطربة كي لا يلحظها فؤاد وحين ولجت حمدت الله لمغادرة فؤاد واتجهت إلى غرفتها وأوصدتها بمفتاحها ووضعت المقعد خلفه وارتمت فوق فراشها تبكي. في حين نهر محمود نفسه على فعلته وشد شعره غاضبًا لتهوره وتساءل عن السبب الذي دفعه ليقبلها حينها نحى عتابه وغضبه وخاض اللحظة يتذكر طعم شفتيها فأهتاجت نفسه شوقًا إلى سهر يُمني نفسه بالمزيد منها. --------------------- وبالفندق لم يستطع آدم النوم فكلما أغمض عيناه رأى تلك الجنة الخضراء التي أسرته فتنهد وهو يتذكر اتهامها له بالإدمان وقلقها عليه حتى استعاد عافيته، ليعبس وهو يتذكر تصرف مازن ابن عمه معه حين أغلق عليه المرحاض وسلبه مقعده المتحرك وتركه حبيس الرمحاض دون دوائه فعزم على محادثة عمه وأخباره بأمر تصرفات مازن الخرقاء، وأغمض عيناه مرة أخرى يتنفس رائحة الياسمين التي أمتلأت بها غرفته وهمس: - طيرتي النوم من عيني يا سهر. ---------------------- في الصباح سارعت سهر وغادرت إلى عملها دون أنتظار محمود وما أن ولجت غرفة الأستراحة حتى التفتت إليها أنظار داليا ومنال لتخطو داليا نحوها تسألها بقلق: - أنتِ فين يا سهر دي الدنيا مقلوبة عليكِ. تملك الخوف من سهر والتفتت تحدق بوجه منال لها وهي تشعر بتعب وإرهاق لعدم نومها وحين مطت منال شفتيها عادت ببصرها إلى داليا وسألتها بترقب: - وهي الدنيا هتتقلب عليا ليه وأنا معملتش حاجة. أجابتها داليا بحنق: - مش أنا اللي بقول على فكرة دا الأستاذ عصام كل شوية يسأل عليكِ واتصل على موبايلك لاقاه مقفول واتصل بالأستاذ محمود وقاله أنك فالطريق لهنا، فساب لنا خبر نقولك علشان تروحي له و... قطعت داليا كلماتها حين لمحت محمود يقف أمام الباب فاتجهت صوبه ورحبت به ليعقد حاجبيه بوجهها ويقول بصوتٍ حاد مُهملًا داليا كُليًا: - تعالي يا سهر الأستاذ عصام عايزك. لحقت به سهر وقد سيطر عليها الأضطراب ليتوقف محمود بُغته فتجمدت سهر بمكانها ليلتفت إليها لينهرها بحدة: - ممكن أفهم أنتِ ليه مشيتي من غيري. تهربت سهر من النظر إليه وأجابته بتردد: - أصل أصل. أدرك محمود سبب فعلتها فأكمل عنها قائلًا: - أصلك خوفتي مني علشان اللي حصل بينا امبارح بصي يا سهر أنا أسف على موقف إمبارح أنا مش عارف عملت كدا أزاي فهل ينفع تنسي اللي حصل ومتزعليش مني. تنهدت سهر فليس أمامها غير موافقته على طلبه على الرغم من إحساسها بخيبة الظن به، كونه فرض عليها نفسه مثلما فعل فؤاد معها وودت لو توبخه وتخبره بما تشعر ولكنها امتنعت حرصًا على علاقاتها بصفية والدته التي تعاملها كابنتها وهي لا تريد خسارتها فأجابته بصوتٍ فاتر: - ماشي يا ابيه أنا هنسى علشان خاطر خالتي صفية، المهم هو حضرتك متعرفش في إيه حصل علشان الأستاذ عصام يطلبني. هز محمود رأسه بالنفي وأدرف: - عصام رفض يقولي على السبب فتعالي نشوف في أيه حصل ومتقلقيش أنا معاكِ. ولج محمود وتبعته سهر وما أن رأها عصام حتى هتف بأنزعاج واضح: - أنتِ فين يا سهر يعني معقول علشان أوصل لك ألف عليكِ الفندق بحاله أنا ناقص أجيلك البيت، المهم خلينا فدلوقتي أنا عايز أفهم أنتِ أزاي يبقى الأستاذ آدم في جناحه أمبارح ومتبلغيش. ارتبكت سهر خوفًا من صوته الحاد والتفتت إلى محمود فلاحظت عبوسه الشديد فعادت بعينيها إلى عصام وأجابته: - أنا مبلغتش علشان الأستاذ آدم هو اللي نبه عليا وطلب مني أني متكلمش بس أنا معملتش حاجة يا أستاذ عصام أنا خلصت شغلي ونزلت على طول. جلس عصام وأشار إلى محمود ليجلس وقال: - بعد كدا لازم تبلغي يا سهر لأن لو في حاجة ضاعت أنتِ اللي هتتسألي عنها. شهقت سهر بذعر وهتفت: - بس أنا مخدتش حاجة والله ما مديت أيدى على حاجة. والتفتت وحدقت بمحمود وقد ترقرت عينيها بالدموع وأردفت بتوسل: - قوله يا ابيه أن أنا مش حرامية. أجابها عصام ما أن لاحظ انهيارها وقال: - أهدي يا سهر أساسًا محدش قال أنك اخدتي حاجة، كل الموضوع أن أنا بلفت نظرك بس ودلوقتي اتفضلي الأستاذ آدم طلبك بالاسم تطلعي ترتبي جناحه. سيطر الضيق على نفس محمود وتساءل لما سهر تحديدًا فالتفت إلى عصام وسأله بسخط: - واشمعنة سهر يا أستاذ عصام ما في بنات غيرها. أجابه عصام بدهشة لسؤاله: - وأحنا من أمته بنتناقش فأوامر الشغل با محمود وعمومًا علشان تبقى مطمن على سهر الأستاذ آدم أختار سهر علشان بتشتغل بضمير وهدوء. انهى عصام قوله لمحمود والتفت إلى سهر وأشار إليها بالذهاب بقوله: - يلا يا سهر واقفه كده ليه اتحركي يلا شوفي شغلك. استأذن محمود ولحق بسهر وأوقفها قابضًا على ساعدها بقوة وأردف بحدة: - أنا عايز أفهم موضوع آدم دا أيه يا هانم وليه مقولتليش عليه قبل كده عمومًا أنا عارف أن هنا مش مجال للكلام بس خليكِ عارفة أني مش هعديها ومش هعدي حكاية أ،ك تخبي عليا اللي بيحصل وأعملي حسابك أني هستناكِ علشان نروح سوا وأياكِ تمشي من غيري فاهمة. هزت سهر رأسها بايجاب لتتخلص من ضغط يده وأجابته باضطراب: - حاضر يا ابيه عن اذنك. همس محمود لنفسه وهو يراها تبتعد: - لازم تعرفي أنك ليا يا سهر خصوصًا بعد ما بقت كلمة ابيه بتشقلب كياني، اومال لو قلتي محمود ولا حبيبي هتعمل فيا ايه أنا بقيت مجنون بيكي يا سهر. صعدت سهر بالمصعد الخاص بجناح آدم وولجت إلى الداخل بعدما طرقت الباب ولم يجيها أحد فبحثت بنظرها عنه ولكنها لم تراه، فبدأت عملها واستغرقت ساعة لتقف تنظر إلى المكان مبتسمة وسحبت نفسا عميقا تشتم رائحة الياسمين العطرة التي دومًا تسعدها، لتسمع صوته يقول من خلفها: - مين قالك أني بحب الياسمين. انتفضت سهر من مكانها وأجابته وقد تخضب وجهها بخجل: - أنا ظاسفة مكننتش عارفة إن حضرتك هنا. بهتت ملامح آدم وهو يحدق بوجهها الذي أزداد حُسنًا وعقب بعد أن أنتبه لنظراته إليها: - أنا اللي لازم أعتذر لإني مأخدتش باللي أنك وصلتي يعني كنت فى البلكونة حضرتك بخلص شغل على اللاب المهم أنتِ خلصتى. هزت سهر رأسها مبتسمة وأجابته: - ايوة حضرتك أنا خلصت تأمرني بحاجة تانية. اتسعت ابتسامة آدم وحرك مقعده نحوها وأردف: - بصراحة آه أنا عايزك تفطري معايا ممكن. تراجعت سهر إلى الخلف وأعتذرت بحرج: - مش مش هينفع يعني أصل أنا ورايا شغل تاني وو. تجهم وجه آدم وتطلع نحوها في حين لزمت سهر مكانها وتفاجأت بأنه اقترب منها ورفع وجهه نحوها وأردف برجاء: - على فكرة أنا مكلتش من إمبارح أهون عليكِ. هزت سهر رأسها بالنفي وأخبرته بارتباك: - متهونش بس أصل. لم ينتبه آدم لضغطة يده فوق مسند مقعده فاندفع خطوة للأمام فارتطم بها فأختل توازن سهر ولم تجد ما تتمسك فاسرع آدم بتلقائية وأحاط خصرها بيداه لتسقط سهر فوق قدميه ليتجمدا سويًا وتلاقت نظراتهما معًا وازداد احمرار وجه سهر لقربها الشديد منه ليهمس آدم وهو تائه كُليًا بعيناها: - عينيكِ حلوة أوي يا سهر هتصدقيني لو قولت لك أني معرفتش أنام إمبارح من ساعة ما شوفتك ومش عارف أنتِ عملتي فيا أيه. كانت سهر تشعر كمن ألقيت عليها تعويذة سحر تحدق بعيناه وهي مسلوبة الإرادة مأخوذة به تمامًا، وهاجمتها أنفاسه الدافئة فأحست باضطراب يسري بجسدها فأغمضت عيناها والتقطت بضع أنفاس سريعة وسارعت بالوقوف وقد احتقن وجهها بحمرته خجلًا منه وأردفت بهمس مُتحشرج: - أنا أنا هنزل. تابعها بنظراته وهي تجمع الأدوات لتغادر وتساءل بحيرة لِما هي ولِما فارقه النوم منذ أبصر عيناها وكأنها سجنته داخل خضراوتيها البريئة برموشها الطويلة؟ أيعقل أن ينجذب لفتاة صغيرة مراهقة تخطو أولى خطوات الحياة وهو الذي تتمناه أجمل الجميلات ويحاولن معه بشتى الطرق، ولكنه لم يعد يعرف غير شيء واحد وهو أنه يريدها أن تبقى بجانبه فقط، فقال آدم ليفاجىء نفسه قبل أن يُفاجأها: - سيبي الشغل الفندق يا سهر وخليكِ معايا. التفتت سهر إليه وحدقت به بدهشة تشعر بحالها كفراشة تجذبها النيران، وأدركت أن قربه منها يزلزل كيانها بإحساس لا تعلم ماهيته، إحساس للمرة الأولى تشعر به، ولكنها سرعان ما نهرت نفسها وذكرت قلبها وعقلها المسلوب بظروفها وكادت تنصرف ولكنها عادت وسألته تستوضح معنى طلبه: - يعني أيه حضرتك تقصد أني اشتغل عندك. همس آدم وهو يقاوم إحساسه بأختطافها عن العالم أجمع لتكون له وأجابها بصدق: - أيوة سيبي شغلك دا وأنا هشغلك معايا فأي منصب أنتِ عوزاها المهم أنك تكوني جانبي. انتبه آدم لحاله فاعتذر منها وأردف: - أنا حقيقي أسف بس فعلًا مش عارف أيه اللي حصل لي من أمبارح. اضطربت سهر حين سمعت اعترافه وهمست: - أنا مش فاهمة. أدرك آدم أن حديثه بتلك الطريقة سيخيفها منه وقد تفهم حديثه بمعنى يخالف إحساسه فقال ليطمئنها: - أيه رأيك تشتغلي سكرتيرة. حدقت فيه سهر ببلاهة فضحك آدم على شكلها فتاهت سهر في ملامحه التي ازدادت سحرا بضحكته فأخبرته بصدق عن نفسها قائلة: - بس أنا شهادتي دبلوم يعني مينفعش وبعدين في بنات أحسن مني كتير. حرك آدم كرسيه ليقترب منها وقد ضايقه عدم تقديرها لنفسها فقال بضيق: - أنتِ ليه بتقللي من نفسك بالطريقة دي، يا بنتي فين ثقتك بنفسك وبعدين أنا صاحب الشغل وبقول أنك تنفعي ها موافقة. هزت سهر رأسها بحيرة لا تدر بما تجيبه وتذكرت محمود وتساءلت هل سيوافق على عملها معه فأدرفت بحيرة: - مش عارفة إن كان ينفع، قصدي هو ممكن أخد فرصة أفكر. وافقها آدم وقد قرر أن يحاول معها بروية حتى تطمئن له فقال: - تمام خدي وقتك بس عايزك تعرفي أن أنا عايزك تبقي في وظيفة أحسن من اللي أنتِ فيها دي. ابتسمت سهر واستئذنته وغادرت لتستكمل باقي عملها، ولكنها شعرت بالضيق بسبب داليا التي لاحقها في كل مكان تريد أن تعرف منها سر طلب عصام لها، ولكنها لزمت الصمت لتزداد داليا حنقا عليها، وسئمت داليا من صمت وحيطة سهر وعقدت حاجبيها بضيق وهمست تحدث نفسها: - شكلك مش سهلة وحويطة زيادة عن اللزوم بس على مين دا أنا داليا ولما أحط حاجة في دماغي بوصلها فخبي براحتك يا سهر لإني هعرف بردوا. رواية نفوس قاسية. بقلم منى أحمد حافظ. الرابعة .تحت مسمى الحب. ------------------------------------ وقفت سهر تنتظر محمود بعدما هربت من استجواب داليا، وحين ادارت ودهها لمحت آدم وأحدهم يعاونه على الجلوس داخل سيارته، فلاحقته بعينيها لثوان وانتبهت لتحديقها به فأشاحت بوجهها وابتعدت خطوات ولم تنتبه لآدم حين ناداها فأرسل إليها سائقه لتنظر إليه واحمر وجهها ما أن أخبرها بطلب آدم للحديث معها فاتجهت إليه بخطوات مُرتبكة وازداد حرجها حين سألها بابتسامته العذبة قائلًا: - واقفة ليه كده يا سهر لو مروحة تعالي أوصلك فطريقي. تلفتت سهر حولها ولم تدر لِما شعرت بالخوف فجأة كأن أحدًا ما يراقبها، فشكرته بحرج لعرضه ورفضت خوفًا من أن يراها أحدً برفقته وينسج قصصآ باطلة عنها وأجابته قائلة: - شكرا يا أستاذ آدم بس أصل مش هينفع يعني علشان أنا مستنية الأستاذ محمود أصل يعني بنروح سوا. تبدلت ملامح أدم وعقد حاجبيه وقد شعر بضيق يحتل هدوئه لذكرها رجلًا آخر وتملكه الغضب حين لمح رجلًا يسرع بخطاه باتجاههم واشتد تجهم آدم وغضبه حين وضع الرجل يده فوق كتفها بتملك ولم يغفل آدم عن رؤية انتفاضة سهر أثر لمسة ذلك الرجل لها وود لو يصيح به ويطالبه بالأبتعاد عنها. أما سهر فالتفتت بقلبٍ مرتجف ما أن وضع أحدهم يده فوق كتفها واستدارت بخوف لتصطدم عيناها بعينا محمود الغاضبة ورأت بعيناه رفض لوقوفها مع آدم وازداد اضطرابها حين اشتد ضغطه فوق كتفها، فحاولت أجلاء صوتها والتحدث معه ولكنه منعها بضغطة أكثر قوة فالتفتت بأسف لتنظر إلى آدم ليتبدل خوفها إلى حزن ما أن قرأت عينا آدم المتسائلة، قرر محمود قطع دائرة الصمت وهو يحاول أخفاء غضبه وغيرته على صغيرته التي تجرأت ووقفت مع غيره ومال صوب نافذة السيارة وسأل آدم بصوتٍ حانق: - خير يا أستاذ حضرتك عايز حاجة منها. بادله آدم النظرات وقد رحب بتحدي محمود له وأجابه بثبات: - كنت هوصلها فطريقي عندك مانع لو في عادي يعني ممكن أوصلك معانا بالمرة. اشتعل محمود غضبا بسبب طريقة آدم فِي الحديث فسأله بحدة: - وحضرتك بقى تبقى مين علشان توصلها ولا حتى توصلنا سوا. تدخلت سهر في الحديث بعدما لاحظت الحدة بأصواتهما وأردفت بحرج موجهة حديثها إلى محمود: - دا الأستاذ آدم عمران يا ابيه. حدق بها محمود بضيق للفظها ابيه أمام آدم، وزاد ضيقه ابتسامة آدم الساخرة وبدا وكأنه يوضح له مكانته لديها فقال وهو يزفر بضيق: - آه الأستاذ آدم أهلا بحضرتك عمومًا أنا بشكر حضرتك. و صمت قليلا ونظر إلى آدم ليقول وهو ينظر لسهر بحب كأنه يوضح أنها تخصه: - أحنا مش مروحين على البيت أحنا أصلنا ورانا مشوار تاني فـ مش هنعطل حضرتك اتفضل أنت علشان متتعطلش. أشار آدم لسائقه بالمغادرة فور سماعه لأجابة محمود وبداخله اشتعلت نيران غيرته عليها ولعن محمود والتصاقه بسهر الغير مبرر إليه. وما إن تأكد محمود أن سيارة آدم اختفت من أمام نظره حتى التفت بغضب إلى سهر وقبض على ذراعها بقوة وقال: - أنا عايز أعرف اللي اسمه آدم دا يعرفك منين علشان يوصلك يا سهر. تملك الخوف كُليًا من قلب سهر ما أن أبصرت غضب محمود ونظرت إلى يده التي تسببت لها بالألم وأجابته: - ما هو دا اللي اتكلم عنه الأستاذ عصام يا ابيه. ترك محمود يدها وقال بحدة: - والله ودا يديله الحق إنه يوصلك ولا حتى يديلك الحق إنك تقفي معاه بالشكل دا، وبعدين هو أنتِ من أمته بتقفي مع نزلاء الفندق، ماشي يا سهر اتفضلي علشان نروح يلا بينا وفالبيت نبقى نكمل كلامنا. أشار محمود إلى تاكسي ليُنهي الحوار مع سهر وجلس طوال الطريق صامتًا تنبض ملامحه بغضبٍ مشتعل، فابتعدت سهر عنه إلى طرف المقعد وقد تملك منها الخوف لتتفاجىء به يتركها أمام المنزل ويصعد ولم يلتفت لها أو يحادثها. وقفت سهر تنظر له بحزن وصعدت إلى شقتها ببطء ولكنها توقفت أمام الباب حين سمعت صوت فؤاد فعبست وهي تتذكر دخوله لغرفتها فرفعت نظرها للأعلى لتحسم أمرها، فتحمل غضب محمود أهون عليها من وجودها برفقة فؤاد بمكان واحد فصعدت وطرقت الباب ففتح محمود وسألها بغضب حين رآها أمامه: - طالعة ليه؟ أحزنها سؤاله وهجومه عليها بغضب واستشعرت اليُتم للمرة الأولى ولكنها لم تستطع العودة ففي الأسفل فؤاد وخوفها المتزايد بسببه فأجابته بصوتٍ مهتز: - أصل أصل يا ابيه. صاح محمود بحده ارهبتها: - أصل إيه ما تتكلمي. انفجرت سهر في البكاء وأشاحت وجهها عنه وقالت بكلمات مُهتزة ببكاؤها: - خلاص يا ابيه أنا أسفة أني طلعت عمومًا أنا مش هزعجك تاني وهنزل. خطت سهر أولى خطواتها للأسفل ليجذبها محمود بحدة ودفعها إلى الداخل وأغلق الباب بقوة فتملك الخوف منها بسبب نظراته إليها وغضبه اللامعقول وتراجعت عنه خطوة تلو الأخرى ليقترب منها محمود مُسرعًا ودفعها لتلتصق بالحائط وهتف ساخطًا: - بتعيطي ما أكيد لازم تعيطي علشان حاسه بالذنب بسبب اللي عملتيه ما هو لما تقفي مع الرجالة وتتكلمي معاهم وتتساهلي بالشكل دا لازم تحسي بالذنب وتخجلي من نفسك. ازداد بكاء سهر وحاولت الابتعاد عنه لتغادر بعدما أهانها باتهامته الباطلة فمنعها محمود وأمام بكاؤها وحزنها الواضح لم يستطع محمود التحمل فوضع يداه فوق كتفيها وجذبها نحو صدره وأردف: - خلاص حقك عليا مش قصدي أزعلك بس من حقي اضايق لما اشوفك واقفة مع حد غريب، يا سهر أنا خايف عليكِ أوي خلاص بقى بطلي مقدرش أتحمل دموعك تنزل بالشكل دا. ابعدها محمود قليلًا ومد أصابعه وكفكف دموعها وأحس بالسعادة تملائه لقربها منه فضمها إليه أكثر، حين شعرت سهر بيدا محمود تضمها بشده إليه هاجمتها قشعريرة خوف فدفعته عنها ونظرت له باضطراب وضيق فهي لم تحب لمساته لها التي أصبح يلاحقها بها فقالت: - ابيه أبعد لو سمحت على فكرة ميصحش اللي بتعمله ده، وعلى فكرة أنا اللي خلاني أطلع هو سماعي لصوت فؤاد تحت ودا خوفني أن أدخل بيتنا وقولت أطلع هنا لإني عارفة ومتأكدة أني هلاقي الأمان و... تاه محمود كُليًا لقرب سهر منه ولم يُنصت إلى كلماتها بعدما سيطرت عليه رغبة بأن يُعيدها إلى صدره مرة آخرى لتبقى بالقرب من قلبه ولكنه انتبه بعد ثوان وأنصت إلى أخر كلماتها، وبين كلمات التأنيب التي استرسلت سهر في قولها لم يدر محمود بما يجيبها ليختنق أكثر بسبب وجود فؤاد الذي يصر على ملاحقتها بتلك الطريقة المستفزة، تنهدت سهر وهي تشعر بالأسف لحالها فقالت بيأس: - أنا هنزل يا ابيه عن اذنك. تنبه محمود لموقفه منها فسارع بقوله: - لا يا سهر مافيش نزول طول ما فؤاد دا تحت، وبعدين أنتِ هنا فعلا بأمان وأياكِ تخافي مني لأني أمانك، بصي أدخلي أقعدي مع أمي جوا هِي مريحة شوية وأنا هحاول أفكر فصرفة للاسمه فؤاد دا علشان ميضيقكيش تاني. نظرت سهر لمحمود وتناست ما فعله هتفت وهي تشعر براحة تغمرها: - بجد يا ابيه حضرتك ممكن تبعده عني وتحميني منه. ابتسم محمود لاطمئنانها إليه وأجابها: - بجد يا سهر يلا أدخلي أنتِ عند الحاجة وأنا هنزل أجيب لنا غدا من برا مش عاوز حد فيكم يتعب نفسه. هزت سهر رأسها موافقة وتركته واتجهت صوب غرفة صفية. مرت الساعات وسهر تجلس برفقة صفية تلعب معها بالكوتشينة وتضحك على ما تحكيه لها، وكان محمود يجلس بالقرب منها يغرق أكثر وأكثر بإحساسه نحوها ورغبته بها ليدرك أنه تخطى مرحلة الحب وأصبح يريدها حقا أن تشاركه حياته فوجودها يضفي السعادة على الجميع فقرر أن يفاتح والده ليرتبط بها، عاد محمود من شروده حينما سمع والدته تناديه فنظر لها بمحبه وقال: - معلش يا صفصف سرحت شوية خير. ضحكت والدته وقالت: - اللي واخد عقلك يا حبيبي المهم بقلك خد سهر واطلع اسقي الزرع اللي فوق السطوح وهي تأكل الطير أحسن أنا رجليا مش شيلاني. حاول محمود أن يهرب من وجود سهر برفقته فقال: - طيب ما تخلي سهر معاكِ وأنا هعمل كل حاجة بس اوعي تقولي لحد أحسن برستيجي يبوظ ويتقال حضرة المحاسب بيأكل الفراخ. ضحكت سهر فأنارت ضحكتها وجهها وقالت تمازحه: - تخيل يا ابيه لو حد من الفندق شافك. تحرك محمود باتجاهها وأمسك أذنها بين أصبعيه وقال: - طب حسك عينك حد يعرف عارفة هعلقك. ضحكت سهر وقالت: - سرك فبير يا ابيه بس حضرتك مش هتعرف تأكل الفراخ أنا هطلع أأكلهم وأسقي الزرع وخليك حضرتك. ابتسم محمود لها وكاد أن يوافق ولكن حديث والدته وضعه أمام الأمر الواقع حين قالت: - خليه يطلع معاكِ يا سهر علشان تخلصوا بسرعة ومتتأخريش على والدك ويحصل مشكلات زي كل مرة. رافقت سهر مع محمود إلى أعلى فانسحب محمود بعيدًا عنها وولى أهتمامه بتفحص الزرع وحاول أبعاد عيناه عن سهر التي جلست القرفصاء تضم إحدى الدجاجة إلى صدرها وتحدثها، فشعر بتحرك مشاعره ورغبته بأن تضمه إليها بدلا من تلك الدجاجة، فأغمض عيناه وتخيل تلك اللحظة التي تضمه يداها بحب، لينتبه إلى حاله فنهر نفسه على أفكاره تلك واستدار عنها ولكنه سمع صيحتها وهي تنهر الدجاجة التي نقرت إصبعها فضحك عليها ووجد نفسه يقترب منها وسألها بأهتمام: - أوعي تكون عورتك. رفعت سهر وجهها نحوه وهي تمتص إصبعها وهزت رأسها نفيًا، فعلقت عينا محمود على شفتيها فنبض قلبه بشده وتلاحقت أنفاسه ولم يعي نفسه إلا وهو يجلس إلى جوارها ويجذب إصبعها من فمها ويمتصه بفمه وعيناه لم تفارق شفتيها، حاولت سهر سحب يدها منه وقد اضطربت من نظراته الغامضة وتنفسه الحاد وكادت أن تقوم لتبتعد عنه لتتفاجىء به يدفعها أرضًا ويسجنها أسفل جسده وقد أحكم يداه على يدها اتسعت عيناها ذعرًا واستولت عليها الصدمة وهمت بالصراخ ليمنعها محمود مُقبلًا إياها وقد استحوذت عليه فكرة أن سهر له ومن حقه وحده ولم يعي محمود غير أنها سلبت عقله وسيطرته على نفسه فلم يستطع أبعاد عيناه عن شفتيها وهُيأ له أنها تدعوه ليغرق فيهما، فغرق فيهما مُقبلا شفتيها برقة مرة وبجنون مرات لتتأجج رغبته في الحصول على المزيد فقبض على كفيها بيدٍا واحدة ليغزو جسدها بيده الأخرى وقد اعمته رغبته فيها عما يفعله، بينما تلوت سهر أسفله تشعر بالخزي والخيانة منه فهي أمنته على نفسها وطعنها في ثقتها به، فها هو يكشف عن قناعه ليظهر أمام عيناها بوجه فؤاد، حاولت سهر تحرير يدها منه لتدفعه عنها وهو يغلق فمها بشفتيها وحاولت الصراخ حينها أحس محمود بحاجته إلى الهواء فأبعد وجهه إنشات قليلة عنها وهمس بصوتٍ أجش وهو مغيبا برغبته لإشباع أحتياجه منها: - سيبي لي نفسك يا سهر ومتخافيش مني صدقيني أنا بحبك وعمري ما هأذيكي. أحتل جسد سهر الرعب وتملك من نفسها الفزع، فمحمود لم يشعر بدموعها ورفضها وإنكسار ثقتها به لم يشعر إلا بحاجاته فقط يريد أن يرضي شهوته على حسابها ووجدت أنه استباح جسدها فبكت بشدة وصرخت بوجهه تتوسله: - لا بالله عليك ترحمني وبلاش تضيعني أنا والله محلتيش إلا شرفي أرجوك يا ابيه أبوس إيدك وحياة خالتي صفية عندك متحكمش عليا بالموت. وإنتاب سهر بكاء هستيرى اندمج مع جسدها الذي تلوى بشدة أسفله وهي تتحدث دون توقف تحاول إنقاذ نفسها منه قبل فوات الآوان: - بالله عليك يا ابيه بلاش بلاش اللي بتعمله ده وأبعد عني، حرام عليك يا ابيه أفتكر أنا سهر أختك، بقى معقول تعمل كده فأختك أنت ليه بتعمل معايا كده وأنا طول عمري بتحامى فيك، قولي هيبقى لي مين فالدنيا يحميني لما تضيعني، يا ابيه فوق وبلاش تبقى زي فؤاد. أحس محمود بكلمات سهر تصفعه بشده فتجمد جسده فوقها وعاد إليه أدراكه بعد سماعه صرخات تضرعها إليه، ليراها فجأة ويصدم أنها سجينه جسده فأبتعد عنها بسرعه وجلس غير مصدق ما وصل إليه من تهور، ليراها تزحف بعيدًا عنه بخوف تبكي دون توقف فنظر إليها لا يعرف ماذا يقول ولكن صوته خرج منه ينفي اتهامها إليه فهز رأسه وقال: - أنا مستحيل أكون زيه يا سهر أنا مش فؤاد أبدا أنا بحبك فاهمة يعني إيه بحبك يعني هتجوزك وهتعيشي معايا واحميكي وأعلمك الحب يبقى إزاي، أوعي تخافي مني أن كنت اتهورت فدا لإن حبك جوايا كبير وإحساسي بيكِ خلاني عملت كدا بحاول أوصل لك حبي قد إيه. وتملك من محمود الغضب منها لأنها لا تقدر مشاعر الحب بداخله نحوها ولا تفهم احساسه بها وغضب أكثر لأنها شبهته بفؤاد فقال لها بانفعال: - أنتِ إزاي مش حاسه بحبي وإزاي اصلآ تشوفيني فؤاد أو تشبهينى بيه، بصي لي هنا أنا محمود يا سهر اللي بيحبك أنا أمانك وظهرك أنا اغطيكي بجلدي واحميكي من عيون الناس، ولا علشان أنا أكبر منك يبقى مش من حقي أحبك. صمت محمود حينما وجدها لا تتوقف عن البكاء وجسدها الذي حمته بيدها ينتفض بخوف فشعر بالندم لأنه اوصلها إلى تلك الحالة فأردف بصوتٍ هادئ نسبيًا: - يا سهر أنا اللي بارجوكِ تحسيني، وصدقيني غصب عني اللي عملته طيب أعمل أيه واحتياجي ليكِ كبير أوي لدرجة مش هتقدري تتصوريها، أنتِ متعرفيش يعني إيه راجل يحب واللي بيحبها تبقى بين ايديه كأنه ملك الدنيا بحالها فاللحظة دي وأنا فعلا ملكت الدنيا لأنك معايا، بصي أنا منكرش أن اللي حصل مني غلط بس بين العشاق وطالما هتجوزك مافيش غلط في أني اوصلك حبي ليكِ واتمنى إن تبادليني الحب دا. حدقت به سهر بصدمة وعقبت على قوله بانهيار تنفي قوله: - مافيش حد بيحب حد يكسره بالشكل دا، ولو الحب إنك تسرق مني إحساسي وتسرق حقي وتاخد حاجة غصب عني وتفرض نفسك عليا وتقول بحبك وبعلمك الحب يبقى أنا مش عاوز أحب، أنا بكره الحب اللي بتبرروا بيه لنفسكم تغتصبوني بالشكل دا، أنت مفكرتش أزاي هقدر أرفع عيني أدام نفسي ولا هقدر أزاي أرفع عيني فعين أبويا ولا خالتي صفية ولا حتى أرفع عيني فيك أنت، قولي أزاي عاوز تأخد مني شرفي بالحرام وتقول بحبك، أنا مش عاوزة الحب ولا عاوزة اعرفه طالما هو بالشكل دا، ولو على المبرر ما فؤاد قال نفس الكلام يا ابيه أنا مش عاوزة اتجوز لا فؤاد ولا حضرتك، أنا عوزاكم تسيبوني فحالي أنا تعبت تعبت، أنتم ليه بصين لي كدا أنا مش رخيصة والله مش رخيصة علشان كل واحد ينهش فيا شوية وميراعيش أني رفضاه، أنتم ليه مش بتحسوا بيا وباللي بتعملوه فيا أنا بقيت بخاف من أي واحد يبص لي بقيت بخاف أنام بالليل لحد يهجم عليا، بس هقول إيه عمر ما حد هيحس بيا لان أبويا السبب هو اللي طمعكم فيا بعمايله معايا، خلاني فنظركم سهلة ماليش ظهر يحميني أنا بكره كلمة أنتِ جميلة وبكره نفسي حرام عليكم بقى. تبدل إحساس محمود لشعور بالخزي من نفسه لمواجه سهر له بكلامها الذي أحسه خناجر حقيقة تصلب روحه بداخله، فكيف له أن يستبيح برائتها هكذا معللًا شهوته بحب، كيف له أن يدمر ثقتها به بتلك الطريقة؟ كيف سينظر في عيناها بعدما سقط منها فقال: - سهر أنا لأول مرة استصغر نفسي أوي بس ارجوكِ اوعي تنزليني من نظرك أو تشوفيني صغير، أنا معنديش سبب للعملته إلا أني فعلًا بحبك وبتمناكِ تكوني مراتي أنا مش قادر استغنى عنك، لما بكون معاكِ بنسى نفسي وبنسى الدنيا كلها اوعي يا سهر تساويني بفؤاد اللي عمره ما حبك أنا مستحيل أأذيكي وأنتِ عرفاني وعارفة أمى وأبويا وعارفة بيحبوكي قد إيه وعارفة كويس أني هحافظ عليكِ بحياتي. كفكفت سهر دموعها وأردفت بخزي: - يا خسارة يا ابيه أنت كنت حاجة كبيرة في حياتي، كنت أخ وأب وصديق بس دلوقتي مبقتش حتى قادرة أشوفك أخويا. حدق محمود إليها بهلع وصدمه مما سمعه منها فقال يرجوها: - لا يا سهر متقوليش كدا أرجوكِ متحكوميش عليا بالإعدام أنا مقدرش أعيش من غيرك اديني فرصة يا سهر وشوفيني بقلبك حسي بحبي ليكِ أنا بحلم بيكِ ليل نهار، بحلم باليوم اللي تكوني فيه فبيتي حلالي بحلم باللحظة اللي أسمع منك كلمة بحبك وحبيبي. - يا سهر يا محمود انتو كل دا فوق. انتفض كلاهما حينما سمعا صوت صفية يأتي من الأسفل، فوقف محمود ومد يده لسهر فنظرت ليده ولكنها خافت أن يلمسها مرة أخرى فوقفت رافضة مساعدته لها، وهبطت لتسألها صفية بابتسامة حانية: - خلصتوا يا بنتي. هزت سهر رأسها وهي تخفى وجهها بالنظر أرضا وقالت: - أيوة يا خالتي أنا هنزل بقى علشان بابا ميزعقش. وأكملت طريقها دون أن تنظر إليها أو لمحمود الذي تبعها ببطء، وحاول محمود أن يبدو طبيعيا أمام والدته فرسم ابتسم باهته على وجهه يحاول أن يخفي احساسه بالذنب وقال: - أنا هنزل شوية يا أمى هتحتاجي حاجة من تحت اجيبهالك. أجابته صفية وهي تنظر له بحيرة: - لا يا حبيبي ربنا يحفظك ابقى عدي بس على أبوك شوفه علشان كان تعبان الصبح. أجابها محمود وهو يكمل خطواته: - حاضر يا أمي. وقف محمود أمام باب المنزل يفكر فيما حدث بينه وبين سهر وأنب نفسه لفقدانه السيطرة بهذا الشكل، فهو كاد يسلبها عفتها بل كاد يغتصبها ولم يراعي صغر سنها وبرائتها وعدم خبرتها، كيف يفعل بها ما فعله فؤاد مهما كان حبه لها، كان الصراع بين قلبه وعقله مؤلم له فلم يسمع نداء والده في بداية الأمر حتى وضع والده يده على كتفه لينتفض ذعرا خائفًا أن يكون والده استمع إلى أفكاره، فسمع صوته يقول: - مالك يابني بنادي عليك من بدري تعالى اقفل معايا المحل أنا عاوز اطلع أريح. قبل محمود يد والده وقال: - أطلع أنت يا حج وأنا هقفل مكانك. وتركه قاصدا المحل، في حين تجمدت سهر أمام نظرات فؤاد الطامعة فيها حين تابع صياح والدها عليها دون تدخل منه، وابتسم بخبث ووالدها يضغط فوق ساعدها بقوة ويسألها: - ما تردي عليا وتقوليلي اتأخرتي ليه؟ هو أنتِ كل يوم دايرة على حل شعرك كدا ايه ملكيش حاكم يحكمك، ولا خلاص عيارك فلت ومش لاقيه اللي يلمك، لا فوقي يا بت أنا اجيبك تحت رجلي ولا أنتِ وحشك الضرب. كانت سهر تستمع لكلمات والدها تشعر أنها فارقت الحياة، لم تدر كيف تقف أمامه ولا تخشى تهديده ووعيده لها رفعت عيناها تنظر له بنظرات فارغة، فلمحت ابتسامة السخرية والرضى على وجه فؤاد فقالت بصوت خال من الشعور: - كان في شغل زيادة يا بابا وبعدين خالتي صفية نادت عليا وافتكرتها كانت قايلة لحضرتك معلش يا بابا حقك عليا معدتش اتأخر تاني. نظر لها رشدي يقاوم رغبته بصفعها ونظر إلى فؤاد، فهز فؤاد رأسه نفيا مانعًا رشدي من ضربها فاستلم الحديث بدلا منه وقال: - معلش يا سهر أصل أبو الرشد قلق عليكِ مش كدا يا رشدي. سايره رشدي وقال: - وماله خليه كدا عمومًا يلا خشي المطبخ هتلاقي حاجات جيبها فؤاد كتر خيره حضري لنا العشا يلا متتلكعيش. دخلت سهر المطبخ تتحرك بخواء روح وتبعها فؤاد وحاصرها كما يفعل دائما وقال: - شوفتي اهو عملت باصلي ومنعت أبو الرشد عنك، ها قوليلي أنتِ لسه معاندة بردوا ومنشفة دماغك، أنا مش فاهم عجبك فأيه التعب والبهدلة اللي أنتِ فيها ولا عجبك المرواح والمجي مع محمود ولا وقفة الأرصفة والعربيات. حدقت به سهر بخوف فقد صدق إحساسها أن هناك من يراقبها فقالت: - أي بهدلة وتعب فالدنيا ولو هتعب اكتر من كدا أحسن منك وأشرف مليون مرة من وجودك، وبعدين بلاش تلقح كلام محمود دا ظفره برقبتك واللي بتتكلم عنه دا إنسان محترم وأنا مش هبرر لك حاجة خليك كدا ظن وصدق ظنك. قبض فؤاد على شعر سهر بيده وقربها منه وقال: - هندمك على كل حرف يا سهر هندمك وبكرة تيجي زاحفة تبوسي رجلي وتترجيني أني أنام معاكِ برضاكِ. دفعته سهر ولم تدر كيف التقطت السكين لتلوح به في وجه فؤاد فهي اكتفت من احساس الضعف الذي جرأ الجميع عليها ومن تهديده الدائم لها فقالت بغضب: - أنت عارف لو مبعدتش عني أنا هقت\لك أنت إيه شيطان ما تغور بقى وتحل عني، واطمن لو السما انطبقت على الأرض عمري ما هجيلك حتى ولو فيها موتي. هجم عليها فؤاد مرة أخرى وقبض على يدها يسحب السكين وقال وهو يلوي ذراعها خلف ظهرها: - أنتِ مفكرة أني هخاف من السك\ينة اللي فايديك يا شاطرة تبقي متعرفيش مين هو فؤاد أنا إن كنت صابر عليكِ فأنا صابر علشان مش عاوز أأذيكي، إنما هتسوقي فيها هتشوفي وش عمرك ما تحبيه أنا متخلقتش اللي تقولى لاء يا سهر، وأنتِ بتاعتي واللي عايزه هاخده أنا غلطان أن عملت بأصلي ومش عايز لك الفضيحة وقلت اتجوزك واستر عليكِ بدل ما تتبهدلي، فاعقلي كدا وفكري بمصلحتك ومصلحة والدك، هو التقل حلو بس لما بيزيد بيخنق ويضايق ويزعل وأنا زعلي بموته وهطولك مهما عملتي فاهمة، أنتِ روحك فايدي وهتبقي ليا حطي الكلام دا فراسك علشان متندميش وتجني على روحك. و اقترب بوجهه منها فابعدت وجهها عنه ودفعته بيدها الأخرى وهتفت بقوة: - نجوم السما اقربلك أنا أموت نفسي ولا تلمسني أبدا. ضحك فؤاد وقال ساخرًا: - ما أنتِ النجوم يا حياتي. ومد يده يتحسس جسدها، فصرخت سهر ونادت والدها فابتعد فؤاد عنها وقال: - أنا هسيبك بمزاجي بس افتكري روح أبو الرشد فايدي فلو خايفة عليه ليني دماغك دي وألا هيدفع هو تمن عنادك. و تركها وغادر وهو يبتسم بخبث وسأل رشدي المغيب بين طبقات دخانه: - سهر كانت بتسأل عايز تشرب حاجة. بكت سهر وجلست أرضًا ولطمت وجهها قائلة: - يارب خدني أنا تعبت أنت شاهد على اللي بيحصل فيا يرضيك كدا، سامحني يارب لو كنت عملت حاجة غلط سامحني أن لما اتولدت كنت السبب ـن أمي ماتت بس متسبنيش يارب ليهم يبهدلوا فيا قويني يا رب عليهم وانصرني. الخامسة .أحاسيس مسروقة. ----------------------------------- تملل محمود في فراشه فهو لم يستطع النوم بعدما حاول كثيرا الاتصال بسهر دون جدوى لإغلاقها هاتفها، فترك فراشه عازما على إنهاء الأمر وتصحيحه فطرق باب غرفة والديه ووقف أمامهما يشعر بأنه عاد مراهقًا من جديد، لم يعرف لما هربت منه الكلمات ولكنه استجمع شتات نفسه مرة أخرى وحسم أمره وفاتحهما بطلب زواجه من سهر، كان محمود يخشى أن يرفض والده لفرق السنوات بينهما ولكنه تفاجىء بترحبيه الشديد، فسهر بالنسبة له الابنة التي حرم منها ولكن والده زرع فيه خوف رفض والدها فهو يشعر بتغيره معه منذ اقتحم فؤاد حياته، فعاد محمود لغرفته يشعر بالقلق يزداد بداخله لرفض رشدي له ومن وجود فؤاد الذي أصبح يتحكم في رشدي بكل سهولة كما اوضحت له سهر نفسها، فتنهد شاعرًا بأنه أخذ الخطوة الصحيحة والوحيدة ليستحق سهر. أما سهر فبعدما أنهت تحضير العشاء لوالدها لاذت الفرار لغرفتها وحركت مقعدها ووضعته أسفل مقبض بابها ولم يغمض لها جفن، فكان عقلها يخوض صراعًا مع نفسها يقاوم أن تستلم لشيطانها وتنهي حياتها فما قاله فؤاد دق أجراس الخطر أن وجودها فِي منزل أبيها لم يعد أمن، كذلك ما حدث بينها وبين محمود كان صادمًا، حاولت أن تتقبل وجهة نظره وكلمات اعتذاره لها، فهِي لا تنكر أنها أحست صدق اعتذاره ولكنها لا تشعر تجاهه بمشاعر غير الأخوه فكيف تتقبل منه مشاعر حب وزواج، كانت في صراع نتيجته الوحيدة أنها ظُلمت ظلم أحدث شرخا بداخلها فهي حقا كرهت الحب. وفي الصباح بعدما صلى محمود الفجر هو ووالده استئذان أن يبقى بالأسفل حتى يحين موعد عمله فِي السابعة، ولكنه أراد أن ينتظر سهر فهو على يقين أنها لن تنتظره وستحاول أن تتحاشاه. في حين ما أن سمعت سهر الأذان تحركت وغادرت غرفتها وتوضأت وصلت الفجر وقد عزمت على التسلل دون انتظار محمود، ولكنها تفاجأت به ينتظرها فخفضت وجهها أرضًا وتحركت مبتعدة عنه ليتبع خطواتها وقد أحس بخوفها منه وألمه كثيرا ما تسبب به ولكنه أنتظر أن يبتعدا عن شارعهما حتى قال: - سهر أنا كلمت الحج أني عاوز اتجوزك ومتتخيليش سعادته هو وأمي كانت قد أيه وإن شاء الله هننزل لكم النهاردة وأطلبك من عمي رشدي. توقفت سهر مكانها ونظرت إليه فغامت صورته أمامها لتتخيله فؤاد فحركت رأسها وتحركت مرة آخرى تسير ولم تستطع أن تعلق على ما قاله، فعقلها عاد يخوض نقاشا حادا مع نفسها: - وبعدين يا سهر كملت ابيه محمود بيحطني أدام الأمر الواقع ومفكرش حتى يسأل إن كنت موافقة ولا مش موافقة، تقدري تقوليلي هتعملي إيه بعد ما سمعتي اللي قاله فؤاد إمبارح، طب والحل يعني يا نار فؤاد يا اتجوز واحد مش حساه ومش شيفاه غير أخ، بس يا سهر ابيه ممكن يقدر يحميكي من فؤاد، أنتِ شوفتي قولتي إيه قولتي ابيه يبقى هتتجوزيه أزاي وأنتِ شيفاه ابيه، مش مهم كفاية خالتي صفية بتحبني زي بنتها وبتعاملني كويس وعمي خميس كمان وأنتِ عارفة مينفعش تفضلي فالبيت مع بابا اللي نايم على ودانه إيه هتستني لما فؤاد ينفذ تهديه ويضيعك، طيب ما محمود كمان كان هيضيعك وخان ثقتك فيه، أنا عارفة بس هو برر إنه بيحبني وهيحميني، بس يا سهر دا مش حب افرضي مكنتيش قدرتي تمنعيه كان حالك هيبقى أيه، بس هو أعتذر واهو بيقول جاي يتقدم، يعني هتتجوزي واحد مش بتحبيه هتعرفي تعيشي مع راجل مافيش فقلبك له أي إحساس هتتجوزي أخوكي أزاي هتقبلى أنه يلمسك وأنتِ امبارح جسمك كان رافض حتى أنفاسه تقرب منك أزاي يا سهر لما يطلب حقوقه هتديهاله وأنتِ مش حساه، يوة طب أعمل أيه أسيب نفسي لفؤاد دا مستحيل وبعدين يعني كان في حد تاني وأنا قولت لا أساسًا مين هيتقدم لي بشهادة الدبلوم بتاعتي وحالي دا إلا ناس من الشارع والشارع كله مفيهوش حد كويس إلا ابيه، آه يا ربي أنا عمري ما عملت حاجة غلط فحياتي ليه كل دا بيحصل لي هو أنا مش بني ادمة من حقي اختار حياتى واختار اللي أحبه ويحبني. وعلى حين غرة هاجمتها عينا آدم وابتسامته التي أسرتها فهزت رأسها وسمعت صوت عقلها ينهرها بقوله: - فوقي لنفسك وبلاش تبصي لفوق أنتِ فين وهو فين. تنهدت بحزن وأكملت سيرها، فسألها محمود بعدما لاحظ حيرتها وعذابها: - مردتيش عليا يا سهر. همست سهر وهي تشعر بأن حياتها تسلب منها: - اللي تشوفه يا ابيه. اختطف محمود كفها واحتضنه ليسير بجانبها قائلا غير مصدق ما سمعه منها: - بجد يا سهر موافقة ياه متتخيليش أنا فرحان قد أيه بس بلاش ابيه دي، سهر أنا عاوز اسمع اسمي منك من غير ابيه. نظرت له سهر بروح منطفئة وقالت: - حاضر يا محمود. رفع محمود كفها إلى فمه وقبله وقال: - عمرك ما هتندمي يا سهر أنا هسعدك وهعمل كل حاجة تفرحك. وصلا إلى الفندق واستئذنته سهر لتذهب إلى عملها وأمضت اغلب يومها تعمل حتى لا تترك وقتا تفكر فيه بشىء، حتى أنها أخذت عمل داليا بدلا منها هربا من التفكير، وحينما اقترب موعد انصرافها ناداها عصام قائلًا: - تعالي يا سهر. تتبعت سهر خطاه لا تشعر بشىء غير ثقل قلبها فسمعته يطلب منها أن تذهب لتنظيف جناح آدم، وللمرة الأولى منذ الصباح نبض قلب سهر سريعًا فاسرعت إلى جناحه ودخلت تبحث بعيناها عنه، ولكنها لم تجده فشعرت بالحزن يقت\ل روحها وبإحباط يحتلها فنظفت الغرفة وهي تبكي وبعدما انتهت اخرجت عطر الياسمين وعطرت الغرفة، وما أن همت بالانصراف حتى سمعت صوته يسألها: - بتعيطي ليه يا سهر. لم تدر من أين ظهر ولا كيف أنهارت أرضًا أمام مقعده تبكي بقوة كأن دموعها التي ذرفتها طوال الليل لم تكن دموع، تألم قلبها على حالها فربت رأسها وقال: - مين ضايقك معقول العيون دي تبكي دي اتخلقت علشان تضحك وبس قومي اغسلى وشك وتعالي. ابتعدت عنه سهر تشعر بالخجل فقالت: - أنا أنا اسفة. ابتسم آدم وقال: - تعالي نقعد فالبلكونة الجو حلو برا واحكي لي ايه مضايق سهري. خفق قلبها بقوة حينما سمعت اسمها منه وقامت تدفع مقعده نحو الشرفة وجلست أرضًا أمامه فقال لها: - مكانك عمره ما كان الأرض أنتِ مكانك عالي لازم تعرفي كدا. تاهت سهر في عين آدم فابتسم لها وسألها: - ها كنتِ بتعيطي ليه. تنهدت سهر فكيف ستحكي له عن حياتها التي تخجل منها بسبب ما يحدث لها وأجابته: - عادي يا أستاذ آدم متشغلش بال حضرتك. نظر لها آدم وعقب: - مش عاوزة تحكي عمومًا مش هضغط عليكِ وأي وقت تحسي أنك عاوزة تتكلمي هتلاقيني المهم أنك دلوقتي تنسي أي حاجة تضايقك. كان آدم يقاوم نفسه من أن يسألها عن محمود ولكنه لم يستطع منع نفسه فسألها بغيرة: - سهر مين محمود دا اللي كان معاكِ إمبارح ورفض أني اوصلكم. أشاحت سهر بعيناها بعيدا عنه وأجابته بتردد: - دا جاري وو. استنكر آدم أجابتها فهتف بضيق: - جارك وهو عادي يوصلك مش مفروض في حدود فالاختلاط ولا أنا غلطان أنا آسف لو كلامي ضايقك. أجابته سهر بحزن: - هقول لحضرتك أنا والدتي اتوفت بعد ما ولدتني بأسبوع ومعنديش قرايب خالص ووالدة ابيه محمود هي اللي ربتني دي طيبة أوي عاملتني زي بنتها حسستني أني مفقدتش أمي علشان كدا بروح واجي مع ابيه عادي. حاول آدم أن يتقبل توضيح سهر ولكنه لم يستطع فقال: - ولو يا سهر مش مبرر إن طول الوقت تبقي معاه لازم تحافظي على الحدود بينكم حتى معايا متستغربيش كلامي أنا مش بتعامل بوشين، بصي يا سهر أنا اتربيت فالجبل حياة للاسف كانت جافة معيارها الصح والغلط ومافيش مفر من العقاب لو غلطت. صمت آدم حين لاحظ التساؤل في عين سهر فأبتسم وأوضح: - عاوزة تسئلي جبل إيه اللي اتربيت فيه أنا عشت معظم حياتي فمدينة عالية فلبنان. سألته سهر بدهشة: - هو حضرتك مش مصري. هز آدم رأسه وقد لون الحزن ملامحه وقال: - لبناني مصري يا سهر والدي لبناني ووالدتي مصرية. علقت سهر على كلماته بقولها: - أنا كنت بحسب حضرتك مصري أصلك بتتكلم زينا عادي. أشاح آدم بصره عنها وتنهد وقال: - علشان بعتبر نفسي مصري اكتر مني لبناني، المهم أنا عاوزك تعملي حدود فتعاملك مع أي حد ومتسمحيش لأيًا كان إنه يتخطى الحد دا معاكِ. فاجأته سهر بتغيير اتجاه الحوار وسألته: - هو حضرتك يعني بقيت كدا أزاي أنا آسفة للفضول. اغمض آدم عيناه يخفي ما شعر به عن سهر وقال بهدوء: - بسبب حادثة. وتنفس بحدة وقال بشرود: - حادثة هزار زي المقلب اللي شوفتيني فيه أول مرة. عبست سهر ووقفت تشعر بدهشة وقالت مستنكرة: - هزار يعني أيه هو في هزار وضحك فأنك تقعد على كرسي أو أنك تتحبس فالحمام. قبض آدم على مقبض كرسيه يتمالك نفسه وقال: - معلش يا سهر لو سمحتي بلاش نتكلم فالموضوع دا ممكن. ورسم أبتسامه على وجهه وأضاف: - تعرفي أني نفسي أخرج معاكِ تيجي نخرج دلوقتي. ابتسمت سهر بحرج وقالت: - طب وبالنسبة للكلام بتاع حضرتك عن الحدود و. شعر آدم بالحرج لطلبه وشعر انه يبيح لنفسه ما يحرمه على غيره فقال معتذرا: - أنا أسف معاكِ حق مش مفروض أنسي كلامي أنتِ صح. شعرت سهر أنها احرجته وأنها ستضيع منها وقتا ترغب بقضائه برفقته وحثها قلبها أن تنقذ الموقف لأنها أيضا ترغب بالخروج معه فقالت برجاء: - طيب ينفع استثناء المرة دي بس واخرج معاك. تحرك آدم وتبعته سهر خلفه كأنها منومة مغناطيسيا وفوجئت به يتخذ مصعد مخالف عن مصعد الجناح وكان يبتسم إليها وهو يحدق بعيناها حتى وصلا إلى جراج الفندق، فأسرع سائق سيارته وساعدته ليجلس في مقعد السياره وطوى مقعده المتحرك وأشار آدم لسهر لتصعد فجلست بجانبه وأشار آدم لسائقه أن يتحرك وغادرا الفندق، أخذها آدم إلى جبل المقطم فخرج السائق وتركهما في السيارة وحدهما، انتبهت سهر لما هي فيه وقالت: - إحنا جينا إزاي أنا مأخدتش بالي خالص. ابتسم لها آدم بمحبه وقال: - تلاقيكِ كنتِ سرحانة فحاجة مهمة أوي ها مش ناوية تقولي لي إيه ضيقك وخلاكِ تعيطي. تنهدت سهر بضيق وقالت: - لو ينفع متكلمش يبقى شكرًا ليك بجد. نظر لها آدم وهمس فجأة: - سهر هو ينفع أمسك أيديك. مدت سهر كفها لآدم لا تعي غير تنفيذ طلبه تشعر باطمئنان معه، فاحتضن آدم كفها فسرت قشعريرة في جسد سهر جعلت نبضات قلبها تسرع وحدقت بعين آدم فوجدته يغمض عيناه براحة وضغط آدم على كفها وسألها: - سهر أنتِ عمرك حبيتي. اضطربت سهر من سؤاله فتذكرت محمود وطلبه الزواج وموافقتها فقالت بحزن: - أنا عمري ما حبيت. و صمتت ليحتلها الحزن بالكامل وأكملت: - ومش عاوزة أحب. عبس آدم من أجابتها وسألها مستفسرا: - ليه يا سهر مش عاوزة تحبي على فكرة الحب شيء جميل. هزت سهر رأسها وقالت: - جميل أو العكس أنا مش عوزاه أبدا أنا بخاف منه. سألها أدم باستغراب: - بتخافي من الحب غريبة يا سهر أنتِ سنك أصلآ صغير، يعني لسه بتتعرفي على الحب يبقى بتخافي منه أزاي وأنتِ بتقولي أنك مش بتحبي. أحست سهر أنها على وشك البكاء فقالت: - هو ينفع نرجع أنا مش عارفة هقول أيه للاستاذ عصام ولا لمحمود لما يسألني اتأخرت ليه. زفر آدم بحدة وقال: - طالما معايا يبقى متخافيش وعصام مش هيقولك أي حاجة ولو على الأستاذ اللي رايحة جاية معاه فياريت تبطلي تمشي معاه تاني ومتخافيش عصام هيتصرف لو سأل محدش هيعرف أصلآ أننا خرجنا. وصمت وأخرج هاتفه واتصل على سائقه الذي ظهر كما اختفى وعاد بهما إلى الفندق، كانت سهر تشعر في بادئ الأمر بالحزن ولكنها لم تستطع التغاضي عن كونها تشعر بأنها تحلق في السماء لا تعرف لما تشعر بالسعادة كلما تواجدت مع آدم ولما قلبها يخفق بقوة حين ينظر إليها أو يضحك، أحست أنها تريد البقاء برفقته لوقت أطول لتعترف أنها تنتظر كل يوم أن يطلب منها عصام أن تصعد إلى جناحه، انتبهت سهر إلى عين داليا تلاحقها فزفرت بضيق وابدلت ملابسها وغادرت مسرعة متحاشية الحديث معها، فوجدت محمود بانتظارها فشعرت أنها محاصرة ومقيدة فنظرت إلى محمود وكانت تود أن تصرخ فيه تعلن رفضه ولكنها لم تستطع فقد ذكرتها عيناه بوالدته التي تدين لها بالكثير وتعاملها كأبنتها هي وزوجها الحج خميس وارتباطها لمحمود سيرد جزء من دينها لهم كذلك سيحميها من فؤاد، فحاولت رسم ابتسامة مبعده تفكيرها عن آدم بعيدًا فما تفكر به لمستحيل واقتربت من محمود وقالت: - معلش أسفة يا محمود كان معايا شغل إضافي. اتسعت ابتسامة محمود والتقط كفها يقبله وقال: - احلى محمود سمعتها فالدنيا يلا بينا علشان نلحق ميعادنا مع عمي رشدي. وقفت داليا تحدق بهما بغيرة وألم فقالت لنفسها: - بقى كدا يا سهر بتكذبي عليا وتفهميني إن مافيش حاجة بينكم، وماله مبقاش داليا أما رديت لك خبثك معايا. وصلت سهر وشعرت أنها لم تعد تحتمل رسم تلك الابتسامة فتنهدت وقالت لمحمود الذي كان يلاحقها بنظراته بحب: - هو أنا لازم أكون موجودة معاكم أصل أنا تعبانة أوي ومحتاجة أنام. أجابها محمود بلهفة غافلا عم حالتها قائلا: - يعني نقرأ الفاتحة لوحدنا أومال هلبس دبلتي لمين لعمي رشدي. خفضت سهر عيناها وتنهدت قائلة: - طيب متتأخروش ينفع. صعدت سهر أمامه فأوقفها محمود وجذبها إليه وقال: - استني اطلعي أنتِ فوق عندنا وأنا هدخل لو لاقيت فؤاد جوا هحاول امشيه علشان نبقى براحتنا المهم متنزليش إلا لما ارنلك. هزت سهر رأسها بتعب واكملت صعودها ليرن محمود جرس الباب، ففتح له فؤاد فنظر له محمود باشمئزاز وتجاوزه ودخل وجلس بجانب رشدي ومال عليه وقال: - عاوزين نبقى لوحدنا يا عمي ولا حضرتك نسيت. و نظر إلى فؤاد بكراهية وقال: - شرفت يا أستاذ فؤاد. نظر له فؤاد بحقد وقال: - وأنت كمان شرفت يا أستاذ محمود. و جلس أمامه بتحدي واضعا ساق فوق ساق، كانت سهر تسند رأسها على ساق صفية تقرأ لها القرآن ف بعدما صعدت سهر أنهارت بين ذراعي صفية وحين هدأت سهر سألتها صفية: - مالك يا بنتي بس. جلست سهر وقالت: - مافيش صدقيني يا خالتي أنا بس مخنوقة من الحال اللي أنا فيه. نظرت لها صفية تحاول تصديق كلامها فقالت: - وهو في حد يبقى مخنوق وهو هيتخطب أنتِ مفروض تبقى فرحانة عارفة يا سهر طول عمري كنت بدعي تكوني من نصيب محمود ابني أنتِ غالية أوي عندي يا سهر أنا الود ودي يبقى جواز على طول وتنوري بيتك عارفة الواد محمود رفض تسكونوا هنا ما تكلميه وتعيشوا معانا ولا أنتِ مش حابة. رسمت سهر ابتسامة على وجهها وقالت: - حاضر يا خالتي أنا هقوله أنا كمان حابة اعيش معاكم. قبلتها صفية وقالت: - ربنا يسعدك يا سهر ويريح بالك زي ما فرحتيني إنما محمود فين. أجابتها سهر: - تحت مع بابا هو قالي اطلع ومنزلش إلا لما يرن علشان لو لو فؤاد تحت. و قطع عليها كلامها رنين هاتفها اكملت: - اهو شوفتي يبقى فؤاد مشي أنا هنزل بقى يا خالتي هتنزلي معايا. قالت صفية: - طبعا يا سهر هنزل معاكِ مش أنا أمك بردوا ولازم اكون معاكِ فوقت زي دا أنا من النهاردة أمك أنت مش أم محمود. وافق رشدي على طلب محمود بعد معاناة لإقناعه حينما وضح له خميس أنه سيتحمل كافة مصاريف سهر وزواجها، فاحتضنت صفية سهر بعدما ألبسها محمود دبلته وهو يشعر بأنه يحلق عاليا من السعادة، راقبت سهر وجوه الجميع فشاهدت السعادة تحيا على وجوههم حتى وجه أبيها غمرته فرحة أنه أخيرًا سيتخلص منها، فأغمضت عيناها تفكر أن ثمن تلك السعادة أخذ منها حياتها ونفضت أفكارها حين سمعت خميس يقول: - أحنا نكتب الكتاب على أخر الشهر علشان يقدروا يروحوا ويجوا مع بعض ويبقوا براحتهم وعلشان لما تطلع تقعد مع الحجة محدش يتكلم لحد ما نجدد لهم الشقة ويتجوزوا ومتشيلش هم أي حاجة يا أبو سهر محمود ابني هيتكفل بكل حاجة كفايا أنك مدينا أجمل هدية. وربت على يد سهر بحنو، أستئذنهم محمود أن يجلس مع سهر وحدهم، فأخذته سهر وجلست في بلكونة الصالة وأسندت رأسها على سورها، بعدما جلست نظر لها محمود وقال: - مبروك يا سهر. نظرت نحوه وقالت: - مبروك عليك يا محمود هو أنا ينفع أقوم اريح أنا فعلا تعبانة وكمان علشان أقدر أصحى بدري للشغل. منعها محمود من المغادرة بقوله: - شغل أيه يا سهر دا كان زمان أنا حبيبتي متشتغلش أبدًا أنتِ تقعدى معززة مكرمة وأنا كفيل بكل حاجة. رفعت سهر رأسها واعتدلت وقالت: - بس أنا عاوزة أكمل شغل حتى لحد قرب الفرح علشان خاطري يا محمود كمان علشان مفضلش فالبيت وفؤاد بيبقى هنا. فكر في كلامها وقال: - خلاص هي كلها كام شهر ويعدوا المهم تبقي بعيد عن فؤاد دا ماشي. حاولت سهر الابتسام ولكنها فشلت فتهربت من نظراته إليها وقالت: - شكرا أنك وافقت يا محمود أنا هقوم أنام بقى أشوفك بكرة. مال محمود نحوها وقال: - طيب ما فيش أي حاجة حلوة منك. نظرت له سهر بعدم فهم وسألته: - اجيبلك أيه تحب تاكل كيك ولا. اقترب منها محمود فتراجعت سهر خائفة وقالت: - محمود أحنا فالبلكونة مالك بتبص لي كدا ليه. ابتعد محمود يكبح نفسه عنها وقال: - أصل أنا عاوزك أنتِ يا سهر أنتِ احلى من احلى حاجة حلوة. تنهدت سهر بضيق وقالت: - تاني الكلام دا هو مش أنت وعدتني متلمسنيش بجد مينفعش اللي بتقوله دا يا محمود أنا هدخل. ولجت سهر إلى غرفتها واحكمت غلقها خلفها ووضعت المقعد تحت المقبض وأرتمت على فراشها تحتضن صورة والدتها وقالت: - شوفتي يا أمي حال بنتك وصل لايه ياريتك عايشة كانت حاجات كتير اتغيرت كنتِ هتسمعيني وتفهميني كنتِ هتعرفيني أختار صح أنا حتى معرفتش طعم حضنك ليا أيه معرفتش صوتك كان أزاي أنا نفسي تضميني يا أمي ولو هموت بعدها يمكن أحس براحة فحياتي اللي مفيهاش أي راحة سبتيني ليه مع واحد غريب عني يادوب صلته بيا اسم فالشهادة جنب اسمي بيسموه أب وأنا معرفش يعني ايه أب آه يا أمي كنت بتحرق لما اشوف صحابي فالمدرسة واهلهم معاهم وأنا محرومة منك ومن ابويا اللي كان كل همه أن أنزل اشوف شغل أب حملني ذنب موتك وذنب رجله اللي فقدها فحادثة شغله، آه يا أمي هو ليه محدش حاسس بيا هو أنا هفضل كدا لعبة فايد اللي طمعان واللي جعان حتى اللي بحلم بيه مستحيل يكون ليا يا أمي أنا ليه شوفته وقابلته ليه لما أنا مكتوب لي محمود اقابل آدم وأحس بقلبي بيتخطف وأنا معاه ليه مكتوب اتعذب كدا، تفتكري يا أمي أني بظلم نفسي وبظلم محمود معايا علشان مش بحبه أنا بقيت شايفة نفسي وحشة أوي لاني بستغله وبستغل حبه ليا علشان يخلصني من فؤاد وحشة لأني هبقى معاه وعقلي بيفكر فواحد تاني بس غصب عني قلبي دا أول مرة يدق أول مرة أحس أن ليا قلب لما شوفته مرمي فالأرض خطف دقة مني لما بص لي بس أنا لازم أبعد عنه أنا سمعاكِ بتقولي أبعدي عنه يا سهر علشان حرام أنتِ صح أنا هبعد مش هروح الشغل تاني ومش هشوفه تاني ومش هفكر فيه طب لو قعدت فؤاد مش هيسبني فحالي أنا بحلم بكوابيس بسببه بحسه جن لابسني ساعديني يا أمي متيبنيش فحيرة كدا أحميني من الضياع يا أمي. لم تدر سهر متى غفت عيناها ولكنها استيقظت على رنين هاتفها فوجدته محمود فأجابته لتسمع صوته يقول: - يلا يا سهر قومي صلى الفجر يا قلبي. همست سهر بصوت غافي: - حاضر هقوم اصلي شكرا أنك صحتني. وضعت سهر الإفطار لابيها ونزلت مسرعة لمحمود وذهبا معا إلى العمل وحين وصلا قرب الفندق نظرت سهر إلى محمود تفكر هل سيعلن عن خطوبتهما للجميع فقالت تسأله: - محمود هو أنت هتعرف حد من اللي فالفندق أننا يعني أنك خطبتني. أجابها محمود وقال: - عادي يا سهر أنا بتشرف بيكِ يا حبيبتي وعاوز العالم كله يعرف. هزت سهر رأسها وقالت: - زي ما تحب بس أصل أنا مكنتش حابة حد يعرف دلوقتي خصوصا البنات إلى معايا أصل يعني داليا بتفضل تسئلني كتير وأنا مش بحب اتكلم زي ما أنت نبهتني ولا أنت رأيك أيه. ابتسم لها محمود بحب وقال: - خلاص زي ما تحبي شوفتي بقا أنا مش برفض لك حاجة أزاي يلا علشان اتأخرنا واستنيني نروح سوا. خلعت سهر دبلتها قبل أن تدخل إلى الغرفة وتبدل ملابسها وانهمكت في عملها لتشرد بتفكيرها بآدم فشعرت بانها تريد رؤيته ولكنها لم تعرف كيف فتسللت دون أن يراها أحد أو هكذا ظنت وصعدت إلى أعلى، خرجت داليا من خلف أحد الأعمدة تبتسم بخبث حينما شاهدت سهر تصعد بأحد المصاعد الخاصة فقالت: - شكلك هتقعي فأيدي يا حلوة واكيد هعرف بتطلعي لمين من أصحاب الفندق. طرقت سهر بيد مرتعشة الباب فسمعت صوته يأذن لها بالدخول فدخلت وهي تنظر إلى الأرض خجلا رفع آدم رأسه فشاهدها تقف ووجهها مصبوغ باللون الأحمر فأقترب منها ونظر إليها بلهفة وقال: - تخيلي كنت لسه هبعتلك. ابتسمت له سهر بخجل وقالت: - أنا يعني قلت اطلع أسألك لو محتاج حاجة قبل ما أروح. بادلها آدم الابتسامة وقال: - اكيد عايز طبعا. نظرت له سهر وسألته قائلة: - حضرتك محتاج أيه أعمله أؤمرني. هز آدم رأسه بنفي وقال: - مافيش أوامر في أنك وحشتيني وكنت عاوز اشوف الجنة اللي فعيونك. حدقت به سهر وقلبها يدق بشدة فجذبها آدم لتجلس على مقعد أمامه ونظر إلى عيناها وقال: - هو أنا ينفع اسألك سؤال ومتهربيش من أجابته. هزت سهر رأسها ولم تستطع الرد فأكمل آدم وقال: - مغيرتيش رأيك فأنك متخافيش من الحب وتحبي. ارتبكت سهر ووقفت وقالت: - أنا أنا هنزل أنا مبلغتش أني هطلع ولو حد شافني ممكن. همس آدم وهو ينظر لعيناها: - جاوبيني يا سهر لو سمحتي ومتخافيش من حد عصام مش هيضايقك وأي وقت تبقي معايا عصام هيتصرف متخافيش ها مغيرتيش رأيك. كانت سهر على حالها تحدق بآدم فأجابته سهر بشرود وقالت: - مش عارفة اللي بحس بيه دا اسمه أيه بس لو حب يبقى أنا بحب أوي كمان. شعر آدم بالغيرة فقبض على معصمها وقال بحدة: - بتحبي مين؟ لم تشعر سهر بألم معصمها فلمسة آدم لها جعلتها دون وعي تمد كفها وتربت على يده وتهمس وهي تنظر له بحب: - بحب واحد زي نجمة السما بالنسبة ليا اشوفها واتمناها بس عمر النجمة ما هتكون ليا. و فرت دمعة من عينها فابعدت وجهها عنه وانتبهت لحالها وهي تشعر بارتكابها غلطة بحق محمود الذي أصبح له حقوق عليها وقالت: - مكنش مفروض أطلع خالص أنا غلطت غلطة كبيرة أوي. حال آدم بينها وبين الباب بمقعده المتحرك وقال يسألها: - غلطة أيه يا سهر الحب عمره ما كان غلط أنا كمان بحبك من أول ما فتحت عيني ولاقيتك خايفة عليا، سهر معرفش أزاي بس فعلا بحبك وأتمنى فعلا أننا نبقى لبعض سيبي الشغل واشتغلي معايا أنا سبق وطلبت منك صدقيني أنا مش بلعب بيكِ ولا بتسلى أنا بحبك وحاسس أنك بتحبيني. تنهدت سهر وقالت: - معدش ينفع خلاص. جذبها آدم إليه فجلست أمام كرسيه تبكي لتنتفض وتبتعد عنه قائلة: - ياريتك ظهرت فحياتي من زمان. السادسة. حب محكوم بالفشل. ------------------------------------- تركت سهر آدم في حالة من الحيرة والغموض، فحاول أن يفهم معنى كلمتها المبهمة ولكنه لم يستطع أن يصل لشىء، ليقطع عليه شروده وتفكيره دخول مازن المفاجىء يسأله: - قولي بسرعة مين الوجه الحسن اللي لسه خارجة من عندك، إيه يا آدم إنت بتلعب بديلك من ورانا ولا إيه. اشتعل غضب آدم لتعقيب مازن فرماه بنظرات نارية سببها إحساسه بالغيرة وقال بحدة يُنذره: - ملكش دعوة بيها يا مازن أنا بحذرك. ضحك مازن ساخرًا ورفع حاجبه بتحدي وأردف: - طالما بتحذرني يبقى الموضوع مهم وجدًا عندك، عمومًا حذرني براحتك يا ابن عمي وأعتبر تحذيرك وصل بس أبقى وضح تحذيرك دا الموضوع دا وصل لهايدي. حرك آدم مقعدة بعصبية بعيدًا عن مازن وقال: - أنا مش بتهدد يا مازن وأنت عارف كويس أني رافض موضوع هايدي ومش هيحصل، فبلاش أسلوبك دا معايا علشان أنت عارف أن مش أنا اللي أخاف. اضطرب مازن وحاول أن يتمسك بسخريته وقال: - ميبقاش قلبك أسود بقى أنا كنت بهزر معاك إنما بجد قولي مين الصاروخ اللي خرج من عندك بس مش ملاحظ أنها صغيرة شوية، بصراحة هي صغيرة بس إيه طلقة. استدار آدم بعنف وصاح بغضب أعمى: - مازن قلت لك ملكش دعوة بيها فاهم سهر خط أحمر ليك. ابتسم مازن بخبث لإنه استطاع إخراج آدم عن حذره وعقب: - اسمها حلو زي شكلها وماله بس يعني لما تزهق منها إبقى بلغني، أنت عارفني مبيهمنيش أخد اللي يفضل منك. ازداد هياج آدم وغضبه وارتفع صوته وهو يدفع بمقعده نحو مازن يقول: - ازهق من مين يا مجنون سهر دي لو فكرت بس فيها أنا همحيك من على وش الدنيا، وخليك عارف أن أنا لو كنت مردتش على اللي عملته معايا زمان ومن كام يوم، فأنا سايبك بمزاجي إنما لو فكرت بس تهوب ناحيتها فأنا هنسفك. عقد مازن حاجبيه وقال تحدي: - دا الموضوع جد بقى وتفتكر بتحبك وأنت مشلول كدا لله فالله ولا شفقة ولا طمعانة فاللي عندك. زفر آدم لوقاحة مازن معه ووجد نفسه يقول برجاء مُهتز: - سهر متعرفش حاجة عني ولو سمحت لمرة واحدة خليك بني آدم. جلس مازن بهدوء وقال: - اممم وماله هسيبهالك بس هتعمل إيه لو هايدي عرفت. أغمض آدم عيناه بيأس وأجابه: - هايدي ملهاش حاجة عندي، وبعدين اللي كان بيني وبينها انتهى من سنين بس هي اللي لسه عايشة الوهم ولو كنتم اتعاملتم معاها على الأساس دا كان زمانها عايشة حياتها بعيد عني، انتم اللي فارضينها على حياتي أنا مش عارف أنتم ليه مش عاوزين تسيبوني فحالي أنا سبت لكم كل حاجة فلبنان عاوزين إيه تاني. أجابه مازن بصدق: - أنا عن نفسي مش عاوز بس أنت عارف عمك بقى لو عرف هتبقى فخبر كان. شعر آدم بالخوف على سهر من حديث مازن المبطن بالتهديد، فهو لم يفكر في عمه وهايدي ويعلم مدى خطورتهم إن علموا أنها فقط تتحدث معه، فما ستكون ردة فعلهم إن علموا أنه يشعر بحب لها فقال يحاول أن يراجع مازن عن أفكاره: - ما أنت لو مقولتش محدش هيعرف حاجة عنها. وقف مازن ومال صوب آدم وسأله بقلق: - أنت بتحبها ولا إيه يا آدم. أجابه آدم هامسًا: - أيوة يا مازن أنا بحبها وفعلا خايف عليها منكم، علشان أنتم شر ماشي على الأرض دا أنا اللي منكم مسلمتش من شركم، فبلاش يا مازن أرجوك شيلها من دماغك وانسى أنك شوفتها. عاد مازن إلى مقعده وفكر قليلا وأردف: - خلاص يا آدم أوعدك وعد شرف مش هجيب سيرة عنها بس أنت خلي بالك كويس أنا المرة دي اللي بحذرك لو حد عرف بيها ذنبها هيبقى فرقبتك أنت وبس وأحمد الرب إن أنا اللي جيت النهاردة، لإن هايدي اللي كانت جيالك ودلوقتي أنا همشي أشوف حالي وعلى فكرة أنا مسافر عالية على آخر الإسبوع مش محتاج حاجة مني. هز آدم رأسه بعدما غمره القلق وقال: - لا مش عاوز بس لو ينفع تاخد هايدي معاك يبقى معروف مش هنسهولك. ضحك مازن ساخرًا لطلب آدم وقال: - أنا أخد هايدي يبقى أنت نسيت هايدي لما يبقى في حاجة بتعبرها ملكها بتبقى عاملة أزاي. سمعا الاثنان صوتً يقول: - جايبين فسيرتي ليه يا شباب إيه شغل النم دا مش عيب عليكم ولا إيه. التفت الاثنان نحو باب الغرفة وقد علت الدهشة والقلق وجهيهما فقال مازن: - مافيش يا هايدي بنقول أني مسافر عالية وآدم قال أشوفك لو محتاجة حاجة من هناك اجيبهالك. توجهت هايدي صوب آدم وجلست فوق ساقيه واحتضنته قائلة: - مش محتاجة حاجة خلاص أنا معايا اللي أنا عوزاه كله. رفع مازم حاجبه لآدم وغادر في صمت لترفع هايدي يدها وتُدير وجه آدم نحوها وقالت: - ممكن اعرف أنت ليه مسألتش عليا طول الفترة اللي فاتت دي، على فكرة أنت وحشتني كتير يا آدم وحشتني لدرجة لا يمكن تتخيلها. أبعد آدم وجهه عن هايدي وقد امتعضت ملامحه وأردف بحدة: - مليون مرة أقولك بلاش طريقتك دي معايا وأفهمي أن مافيش بينا حاجة تسمح لك تقربي مني بالشكل دا، يا هايدي أنتِ بنت ولازم تبقي خجولة عن كدا. ضحكت هايدي وهي تطبع قبلة فوق وجنته وأردفت: - يا حبيبي أحنا فحكم المخطوبين وبنحب بعض، وبعدين أنت عارف أن دي طريقتي مع اللي بحبهم ومش أول مرة. نظر لها آدم وشرد في خجل سهر وعفويتها وبرائتها وقال: - اتمنى تكون أخر مرة وتحترمي رغبتي وبعدين أنا فهمتك أحنا أصدقاء وبس ومافيش بيني وبينك أي حب وعمر ما هيحصل ارتباط بينا وأنتِ فاهمة كدا كويس. ابتعدت هايدي عنه بغضب ووقفت تتطلع نحوه وصاحت قائلة: - لا يا آدم أنا اللي أعرفه وفهماه أننا لبعض وأنت اللي لازم تفهم كدا كويس أنت ليا أنا وبس يا آدم خليك عارف كدا كويس. حدق فيها آدم بأسف وقال: - خسارة أنك مش قادرة تحترمي كونك بنت وتقدري نفسك. صاحت به هايدي بغضب مستنكرة قوله: - آدم مش ملاحظ أنك بالشكل دا بتهين فيا وأنا مقبلش أبدا أنك تكلمني كدا. انفجر آدم غاضبا بها لتجاوزها حدودها معه وقال: - وأنا مقبلش إنك ترمي بنفسك بالشكل دا عليا أنا فهمتك مليون مرة شيليني من دماغك أنا عمري ما هكون ليكِ مهما عملتي، وعلى فكرة أنتِ لازم تفهمني أن تصرفاتك دي بتقللك من نظري أكتر، وإن كنت ساكت ومش بتكلم وسايب كل واحد يعمل اللي هو عاوزه، فدا علشان أنا عاوز أعيش فهدوء إنما لو فاكرين إن سكوتي ضعف يبقى أنتو اللي هتخلوني أقلب وحقيقي محدش فيكم هيتحمل لو آدم عمران صفى حسابه مع كل واحد أذاه. ابتلعت هايدي غصة خوفها من غضب آدم فهو لم يصل لحالة الثورة هذا من قبل فتراجعت عنه وقالت: - أنا مش قصدي أي حاجة صدقني وعمومًا أنا هسيبك ترتاح شوية تحب اوصلك لسريرك. أدار آدم مقعده بعيدًا عنها وقال: - لا يا هايدي واتفضلي أمشي لو سمحتي. غادرت هايدي وهي تكاد تجن فهي لم تتخيل أن يتحول آدم بتلك الطريقة فقررت أن تعود إليه في اليوم التالي لتحاول إرضاءه ومراضاته. وحين حل المساء كان الندم قد تملك من سهر ونهشها نهشًا فجلست فوق فراشها تبكي وتلوم نفسها لزيارتها لآدم وقد أزداد يقينها أنها خانت محمود وثقته بها، فهي حتى وإن لم تكن تحبه فعليها احترامه والحفاظ على غيبته، فعزمت على عدم تكرار زيارتها لآدم أو الصعود إلى جناحه مرة أخرى. ولكن ليس كل ما يتمناه المرء يدركه فهي ما أن خطت بقدميها الفندق بعدما ودعها محمود، وجدت عصام يقف بانتظارها فأشار إليها أن لتتبعه إلى مكتبه وما أن ولجت خلفه حتى التفت لها قائلًا: - سيبي أي حاجة يا سهر واطلعي لآدم لإنه مشدد أنك أول ما توصلي تطلعي له. خفضت سهر رأسها بحرج وأردفت بصوتٍ مرتبك: - هو يعني مينفعش أي حد غيري يطلع يا أستاذ عصام أنا مش. لم تكمل سهر حديثها فقد تعال رنين هاتف عصام وأجاب وهو يشير لسهر أن تنتظره فوقفت باضطراب ليلفت انتباهها قوله: - أيوة سهر جت وهي واقفة أدامي حاضر ممكن تهدى شوية خلاص هخليها تطلع لك بس خلي بالك كدا الموضوع بقى مبالغ فيه خلاص خلاص سلام. انهى عصام الأتصال والتفت إليها وقال: - معلش يا سهر أنتِ فعلًا لإن آدم حالته وحشة من إمبارح لدرجة إنه كان عاوز عنوانك. شهقت سهر بذعر وأردفت بتوسل وخوف: - لا أرجوك يا أستاذ عصام أوعى تديله العنوان وعمومًا أنا هطلع له عن إذنك. تحركت سهر باتجاه المصعد ولم تلحظ داليا التي وقفت تراقبها وتحك ذقنها بخبث، وما أن وصلت سهر حتى طرقت باب الغرفة ليصل إليها صوت آدم يقول: - أدخلي يا سهر. ولجت سهر ووقفت بجوار الباب وهي تحدق أرضًا ولم تتحرك فسمعت صوت آدم يسألها بعصبية: - واقفة عندك ليه بقلك تعالي هنا إيه مبتسمعيش. رفعت سهر عيناها ونظرت إليه بشيءٍ من الحزن وتحركت لتقف على مسافة قليلة منه وقالت بلهجة رسمية: - حضرتك تؤمر بحاجة يا أستاذ آدم. تطلع آدم نحوها وقد ملأ الضيق نفسه لأنفعاله عليها فقلص المسافة بينهما وأردف متوسلًا: - حضرتي عاوزك تخرجي معايا ممكن وقبل ما تقوليها أيوة أنا بتجاوز الحد معاكِ وهنخرج لإني مخنوق هنا ولو فضلت ممكن ارتكب جر\يمة ومتخافيش عصام هيرتب شغلك ومحدش هيعرف اتفضلي يلا أدامي أظنك عارفة الطريق خلاص. تبعته سهر خلف آدم كالمنومة وما أن غادرت المصعد برفقته حتى استقبلهم سائقه وتولى مساعدة لآدم ليتخذ مكانه، وجاورته سهر باضطراب لتنطلق السيارة بهما سريعًا، وكلما أبتعدت السيارة ازداد إحساس سهر بالقلق والخوف، حينها تذكرت أمر دبلتها فتحسست يدها بفزع وزفرت بارتياح للحظات لتذكرها نزعها إياها كالسابق، ولكنها سرعان ما أحست بالذنب تجاه محمود، لتنتبه سهر على هزة آدم لها قوله: - ممكن أعرف أنتِ بتفكري فأيه لدرجة أنه سرقك مني بالشكل دا، قوليلي يا سهر كنتِ بتفكري فمين وسيباني. التفتت سهر نحوه وحدقت به للحظات لتخفض رأسها وتسأله بحزن: - أستاذ آدم ممكن أعرف حضرتك عاوز مني إيه، وليه الأستاذ عصام بيساعدك وبيسمع كلامك ومش بيرفض لك أي طلب لو سمحت قولي حضرتك تبقى مين علشان مُدير فندق زيه يداري على غيابي وخروجي معاك. لم يكن آدم على أستعداد لكشف أمره في الوقت الراهن ولكن عليه أن يوضح لها حقيقة الأمر فأشاح وجهه عنها وأجابها بتردد: - أنا أبقى واحد من مستثمرين الفندق يا سهر وأعتبر شريك فيه، عرفتى ليه عصام مش بيرفض لي طلب علشان كده أنا عايش فالجناح اللي بتطعي لي فيه لإني بعتبره بيتي. اتسعت عينا سهر وهي تحدق بوجهه لا تصدق أنه على هذا القدر من الغنى، لتُخفض رأسها في نهاية الأمر ما أن وعت أن الفجوة بينهما أتسعت على نحوٍ مُخيف فأردفت بصوتٍ مُنكسر: - لو سمحت أنا عاوزة أرجع شغلي أنا أصلًا مكنش ينفع أطاوعك وأخرج معاك، حضرتك طلعت غير ما كنت متوقعة، أنا كنت فكراك نزيل عادي إنما تبقى واحد من أصحاب الفندق اللي بشتغل فيه روم سيرفيز فدا يبقى كتير ومينفعش أبدًا. سألها آدم عن معنى حديثها: - يعنى إيه كتير ومينفعش وبعدين تفرق إيه إن كنت صاحب فندق أو واحد فقير أو حتى موظف، طالما اللي جوايا ليكِ أنا صادق فيه يا سهر. أجابته بحزن: - تفرق كتير لإن أنا يا دوب واحدة بشتغل فالفندق واحدة بتنضف اوض النزلاء، وحضرتك صاحب الفندق مينفعش أصلآ تنزل بمستواك لواحدة زيي ولا حضرتك حابب تتسلى شوية. قبض آدم بغضب على يدها وصاح بحدة ينهرها: - أنتِ أزاي تفكري فيا وفيكِ بالطريقة دي، أزاي تظني أني بتسلى معاكِ وأنا كنت واضح وصادق معاكِ بأحساسي، أنا مخبتش عنك أعجابي بيكِ يا سهر وبعدين أنتِ ليه بتحبي تهيني حالك وتقللي من نفسك كده، أزاي بتبصي لنفسك على أنك قليلة وأنتِ كبيرة أوي يا سهر وبعدين أنا مش عايزك تفكري فيا على أني غني لأ أنا عايزك تفكري فيا أن أنا آدم اللي أنتِ أنقذتي حياته وهو ووقع فحبك. مدت سهر يدها تخفف ضغط يد آدم على معصمها فنظر لها وترك معصمها وهو يعتذر منها: - أنا أسف حقيقي أسف مكنش قصدي أبدًا أني أنفعل عليكِ بس فعلًا أنا مش حابب أبدًا أنك تشوفيى نفسك بالشكل دا، أنا نفسي تشوفي نفسك بعيوني وبإحساسي لإنك وقتها هتعرفي أنك غالية جدا وغنية بأخلاقك وبرائتك ورقتك. خجلت سهر من مديحه لها وحاولت أن تتحدث ولكن الكلمات أبت الخروج منها حين نظرت لعيناه فتاهت مرة آخرى في عيناه ليصرعها بأعترافه الهامس: - سهر أنا بحبك. انهمرت دموع سهر بلا توقف وهزت رأسها بحزن وعقلها يُخبرها بألم: - النجمة اللي كنت فاكرة أنها مستحيل تكون ليكِ وقعت فحبك وطلعتي ساكنة قلبها. زادت دموع سهر من حيرة آدم وتمنى لو كان بإمكانه أحتوائها بين ذراعيه لينزع عنها ما تحمله من ثقل فوق كاهلها، ولكنه شعر بالعجز فضرب المقعد أمامه مانعًا نفسه من فرضه لنفسه عليها فالتفتت سهر نحوه وهتفت بألم: - أرجوك بلاش تعمل فنفسك كده وصدقني أنا أسفة لو كنت ضيقتك. رفع آدم يده ومررها فوق شعره وقال: - أنا مش مضايق منك أنا مضايق من نفسيى لأني للحظة نسيت نفسي كنت عاوز. لم يستطع آدم إكمال حديثه لشعوره بالخجل منها، فمدت سهر يدها ولمست يده وسألته: - كنت عاوز إيه. زفر آدم بألم وأجابها: - اللي عاوزه مش من حقي يا سهر ومقدرش أعمله. لم يضف آدم المزيد من الكلمات وأشاح بوجهه عنها وأشار لسائقه بالعودة وأخبره بصرامة: - أرجع بينا على الفندق لو سمحت. ما أن صف السائق سيارة آدم بمكانها حتى غادرتها سهر وقبل أن تلوذ بالفرار من أمامه استوقفها آدم بقوله: - كلامي معاكِ لسه مخلصش فلو سمحتي اطلعي معايا. رفضت سهر في باديء الأمر ولكن لهجة آدم الصارمة وحدتها جعلتها تتبعه إلى غرفته ووقفت سهر بعيدًا عنه تلزم الصمت بانتظار بدأه في الحديث، وحين طال صمته سألته بحيرة: - ممكن أفهم حضرتك طلبت مني أخرج معاك ليه، ولما رجعنا صممت أني أطلع معاك وقولت أنك عايز تكمل كلامك معايا، وليه دلوقتي حضرتك ساكت وبتبص لي كأني عملت حاجة غلط ضايقتك بيها. أشار آدم إليها لتجلس أمامه وأردف: - سهر هو أنا لو مدت لك إيدي هتقبلي تمسكيها. حدقت به بحيرة وسألته عن قصده ليمد آدم يده إليها وحدق بها بصمت، فحدقت سهر به وقلبها يخفق بقوة لتمد يدها على استحياء منها وتلمس يده ليغلق عليها آدم كفيه معًا وجذبها نحوه فكادت سهر تتعثر وظنته يُريد منها الجلوس أرضًا وقبل أن تفعلها منعها آدم وأجلسها على مقربه منه وقال: - قلت لك مكانك مش على الأرض أبدًا. ابتسمت له مسلوبة الإرادة ويده تحتضن يدها وقالت: - تعرف أني معرفش سبب أني حابة أقعد أدامك على الأرض وأنا معاك. همس آدم وهو مأخوذ تمامًا بعيناها: - هقولك السبب للمرة التانية رغم أني عارف ومتأكد أنك مش عايزة تعترفي بيه، السبب يا سهر هو أنك بتبادليني نفس المشاعر وبتحبيني زي ما أنا بحبك والأكتر أنك حاسة بكل حاجة أنا حاسس بيها. ازدرد آدم لعابه وهو يحدق بها بوله وسألها بترقب: - بتحبيني يا سهر. تنهدت سهر ووجدت نفسها تجيبه بهدوء نابذة مقاومة عقلها وحثها لها على الصمت: - أيوة بحبك يا آدم. تسارعت أنفاس آدم وارتفع نبض قلبه آدم ما أن سمع اعترافها، فحدق بها بحب وتنهد بسعادة وقد عزم على طلب يدها للزواج، ولكنه انتفض حين صدح صوت هايدي في الغرفة يسأل بصخبِ غاضب: - مين دي يا آدم وأيه القعدة اللي أنت وهي قعدينها دي، بقى معقول يا آدم تنزل بمستواك لحد للدرجة دي أنا مش مصدقة بقى آدم عمران يوصل بيه الحال أنه يقعد يحب فخدامة. نزعت سهر يدها من بين كفيه وهبت عن مقعدها بعدما طعنتها إهانة هايدي، فالتفتت نحوه بانكسار واعتذرت منه لتغادر، لتمنعها هايدي بقبضها على ساعد سهر وغرزت أظافرها فيه متعمدة إيلامها وحدقت بوجه آدم باستفزاز ليصيح بها بحدة قائلًا: - سيبيها يا هايدي. رغعت هايدي حاجبها بتحدي وعقبت بقولها: - اسيبها يعني إيه وبعدين دي تطلع مين عمومًا أنا هفتشها لتكون سرقت حاجة منك وهي قاعدة تسبل لك. نهرها آدم وقد أستولى عليه الغضب: - قلت سيبيها وإلا صدقيني هتصرف معاكِ تصرف مش هيعجبك. ابتعدت هايدى واتجهت لتجلس فوق ساقه رُغمًا عنه وأحاطت عنقه بساعدها وقبلته أمام سهر وأردفت بدلال: - خلاص متزعلش يا آدم أنت عارف أنا بغير عليك قد أزاي. وتعمدت هايدي النظر باتجاه سهر بتعالي وكِبر وقالت بلهجة آمرة: - أنتِ يا... مش مهم اسمك بقلك تعالي خدي جزمتيأمسحيها كويس وخلي بالك منها لإنها غالية وتمنها يساوي ضعف مرتبك فسنة. تجمدت سهر بمكانها تقاوم رغبتها في البكاء في حين اتسعت ابتسامة هايدي الشامتة لتُشيح سهر بوجهها عنها وتُردف بصوتٍ مهتز: - أسفة أنا مش بس دا مش شغلي. ألقت سهر كلماتها وغادرت جناح آدم ولكنها لم تستطع الابتعاد فوقفت تحتضن جسدها المرتعش وأستندت إلى الحائط، تشعر بأهانة هايدي تؤلمها بقوة فكتمت صوت بكاؤها حتى احست أن طاقتها نفذت منها، لتستمر بأداء عملها كدمية بلا روح لتنتبه قبيل مغادرتها لصوت محمود يسألها: - خلصتِ شغلك يا سهر ولا لسه. أجابته سهر بآلية: - لا أنا خلصت ثواني هغير هدومي وأجي. وقفت سهر تُبدل ثوبها غافلة عن نظرات داليا إليها وحين استدارت لمحت ابتسامة داليا الساخرة منها فلم تعرها أدنى أهتمام وغادرت غرفة الأستراحة لتتبع خطى محمود إلى الخارج وقبيل بلوغهما المنزل التفتت سهر نحوه وقالت بصوتٍ فاتر: - محمود كنت عاوزة أقولك أن أنا فكرت فكلامك عن الشغل وناويت اسيبه. اتسعت ابتسامة محمود وأردف بسعادة: - أحبك لما تسمعي كلامي وتعملي الحاجة اللي ترضيني وعمومًا مش عايزك تقلقي ولا تخافي من اللي اسمه فؤاد، علشان أنتِ مش هتقعدي فالبيت مع والدك أنا هتكلم مع بابا يتفق مع عمي خميس أنك تقضى طول الوقت مع والدتي علشان ترتبي الحاجات اللي عيزاها، والحمد لله أنه أصلًا بطل يجي زي الأول، وبعدين أهي خلاص هانت كلها أسبوع ونكتب الكتاب ويبقى قعادك معانا فوق عادي وتخلصي من فؤاد وقعدته مع والدك. لم تستطع سهر النوم فعقلها لم يكف عن التفكير في إهانة هايدي لها، فأهانتها فاقت كل ألم تشعر به وفكرت أن تركها العمل هو قرار سليم، فعليها قبل أي شيء أن تحترم دبلة محمود التي وافقت على ارتدائها، وحديثها مع آدم لن يؤدي إلا لألم الجميع، قطع عليها تسلسل أفكارها رنين هاتفها فنظرت إلى اسم محمود وتنهدت بعمق أكثر وسألته بقولها: - منمتش ليه يا محمود أيه مسهرك. أجابها محمود بسعادة: - بفكر فحبيبة قلبي وبعد الساعات اللي باقية علشان تبقى على اسمي وليا إنما بقى حبيبة قلبى سهرانه ليه. تنهدت سهر وأجابته: - مش جايلى نوم فكنت هقرا شوية لحد ما أحس أني عايزة أنام. همس محمود بتهور قائلًا: - سهر طيب ما تيجي نطلع السطوح نقعد شوية مع بعض براحتنا وأهو خلاص زي ما قولت لك هو أسبوع وتبقي مراتي يعني مفيهاش حاجــ... صاحت سهر باستنكار ومنعته من أكمال حديثه بقولها: - أنت بتقول أيه يا محمود بردوا كده يعني أنا بحمد ربنا أن فؤاد له كام يوم مختفي وأنت تقول الكلام دا، يا محمود أنا قولت لك أني مقدرش أعمل حاجة حرام فبلاش تحسسني أني سهلة وقليلة فنظرك. أسرع محمود معتذرا: - مش قصدي يا سهر بس أنا قولت لك أنها هانت وتبقي مراتي وبعدين لو حصل حاجة بينا أنتِ عارفة أني مش هسيبك لإني بعشقك. زفرت سهر بحنق لأصراره على تفكيره وهتفت تقول: - محمود لو سمحت بلاش الكلام دا تاني لو فعلًا بتحبني وبتحترمني. اعتذر لها محمود بتذمر: - خلاص حقك عليا ولو عليا فأنا هتحمل بعدك عني وربنا بصبرني. همست سهر لتُنهى المحادثة بعدما أحست بالسقم: - تصبح على خير يا محمود يلا علشان تعرف تصحى تصلي الفجر سلام. ------------------- في صباح اليوم التالي اتجهت هايدي إلى مكتب عصام وجلست محله فوقف عصام ينظر نحوها بضيق وهي تعبث بمحتويات مكتبه فالتفتت له ونظرت إليه بتعال وقالت: - عاوزة أشوف كل البنات اللي شغالة هنا يا أستاذ عصام. أجابها عصام بتذمر: - هو في حاجة يا انسة هايدي. حدقت هايدي به بضيق وهتفت بصوتٍ حاد قائلة: - اللي بقوله يتنفذ من غير ما تسأل اتفضل أجمع لي البنات. بعد مرور دقائق وقفت الفتيات أمامها فحدقت هايدي بهم بتذمر والتفتت بغضب نحو عصام وسألته بهجوم: - دول مش كل البنات أنا عايزة أعرف مين اللي مجتش فميعادها ولا حضرتك يا أستاذ عصام سايب كل واحدة تيجي على مزاجها. أجابها عصام بسخط: - لأ طبعًا مافيش الكلام دا ولو في حد من البنات مجاش فدا بيبقى لأسباب وعمومًا اللي مجتش هي سهر. أشارت هايدي للفتيات بالمغادرة وأردفت: - يتخصم لها أسبوع على التأخير يا أستاذ عصام. غادر عصام يتابع سير عمله وبعدما تأكدت داليا من ابتعاده طرقت الباب وولجت فنظرت إليها هايدى وسألتها بتبرم: - عايزة أيه أنتِ كمان. أجابتها داليا بخبث: - كنت عاوزة أقول لحضرتك على حاجة عن سهر. أراحت هايدى ظهرها على مقعدها ونظرت لداليا بتمعن وقالت: - أنتِ اسمك أيه. أجابتها داليا: - أنا اسمي داليا يا فندم. أشارت هايدي لها بالجلوس وقالت: - أنا هديكي مكافأة حلوة لو نفذتي اللي هقولك عليه ها أيه رأيك يا داليا. لمعت عينا داليا ما أن أحست أن كلمات هايدي ستجعلها تثأر لنفسها من سهر فأجابتها بعيون لامعة: - أنا تحت أمرك ومن أيديك دي لأيدك دي. ابتسمت هايدي بخبث وقالت: - طيب اسمعيني كويس بقى ومش عاوزة أي غلطة منك فاهمة. ولجت سهر إلى مكتب عصام دون أن تُبدل ثوبها فرفع نظره عن أوراقه وسألها بدهشة: - أنتِ ملبستيش اليونفورم ليه يا سهر لحد دلوقتي. تنهدت سهر بحزن وأجابته: - أستاذ عصام أنا كنت عايزة حضرتك في موضوع. زم عصام شفتيه وأردف: - قبل ما تقولي أي حاجة أنا عايز أقولك أن للأسف بسبب تأخيرك النهاردة أتخصم لك أسبوع. أومأت سهر وهتفت بلامبالاة: - مش مهم يا أستاذ عصام أساسًا أنا جاية علشان أقول لحضرتك أني هسيب الشغل، أصل أنا اتخطبت ومش هينفع أكمل فالشغل. حدق بها عصام بحيرة وقال: - بس يا سهر أنتِ كان المفروض تبلغيني قبل تسيبي الشغل بوقت علشان أعمل لك إخلاء طرف، معلش لكلامي بس أنا أسف أنتِ مضطرة تفضلي فالشغل معانا أسبوع على الأقل علشان تسلمي أي عهدة كانت معاكِ، أصل دي إجراءات معروفة. تنفست سهر بهدوء وقالت: - زي ما تحب يا أستاذ عصام ولو جت على أسبوع فانا هكمله عمومًا أنا هروح أغير على ماحضرتك تحضر لي جدول الشغل بتاع النهاردة. ابتسم لها عصام بحرج وقال: - ما أنتِ عارفة المطلوب. نظرت له سهر بتردد وقالت: - هو يعني مينفعش حد غيري يطلع يا أستاذ عصام. أجابها عصام وقال: - معلش يا سهر اطلعي واتحملي هو أسبوع وخلاص ماشي. صعدت سهر تجر قدميها تجبرهما على الوقوف أمام باب الجناح وطرقت الباب وفوجئت بأدم يفتح الباب لها وأفسح لها الطريق لتلج إلى الداخل فلزمت سهر مكانها وسألته برسمية: - حضرتك هتفضل هنا علشان اشوف هبدأ منين يا أستاذ أدم ولا هتخرج. أجابها أدم بسخط: - أدخلي يا سهر أنتِ مش هتعملي حاجة أنا عاوز اتكلم معاكِ ولا أقولك تعالي ننزل نقعد فأي مكان. خفضت سهر عيناها وقالت: - مش هينفع حضرتك أنا هنا علشان أرتب الجناح ومقدرش أسيب شغلي وأخرج فلو حضرتك مش عاوزني أعمل حاجة فأنا هنزل علشان ورايا شغل تاني. لم يستحسن آدم لهجتها بالحديث معه فصاح بها بغضب: - على فكرة كلامي اللي اقوله أمر يا سهر وبعدين أنا مش باخد رأيك. انهى آدم قوله وغادر الغرفة أمامها والتفت إليها ليراها تقف بمكانها فرفع حاجبه وأدرف بصرامة: - واقفة كدا ليه مش قلت لك يلا. هزت سهر رأسها بالرفض وهتفت: - أنا أسفة مش هقدر أخرج معاك. تنهد آدم بإرهاق فهو لم تغمض له عين بسبب ما حدث لسهر من هايدي وشعر بالألم كونه لم يتمكن من الدافع عنها كما يجب فعاد ليقف بجانبها وقال: - طيب ممكن تقعدي معايا جوا أرجوكِ يا سهر أنا عايز اتكلم معاكِ فحاجة مهمة. جلست سهر تشعر باضطراب مشاعرها وحين حاول آدم أن يلتقط يدها رفضت سهر وشبكت كفيها معًا ليزفر آدم بحزن ويقول: - أنا أسف على اللي حصل من هايدي إمبارح واوعدك أنه مش هيتكرر تاني. أجابته سهر وهي تستعيد إهانة هايدي لها وقالت بانكسار: - عادي يا أستاذ آدم أنا متعودة على كده ولا يهمك. حدق بها آدم وهو يشعر بحرجها ومد يده والتقط يدها رُغمًا عنها وقال: - سهر بصي لي لو سمحتي أنا عايزك تبصي فعيني وتسمعي كلامي كويس علشان أنا محتاج فعلًا أنك تحسيه وتصدقيه. رفعت سهر عيناها لتغرق بعيناه فأغمضت عينيها وقالت تهرب من حديثه الذي أحدث اضطرابا في قلبها: - مفتكرش إن هيبقى في بينا أي نوع من الكلام. حاولت سهر سحب يدها منه فمدت كفها الأيمن ليخفض آدم نظره وحدق مصدومًا بيدها وقبض عليها ورفعها لتنظر إلى دبلتها ففرت دمعتها فسألها آدم وهو لا يصدق ما يراه: - إيه اللي فأيدك دا يا سهر. جذبت يدها تشعر بخجل وأدارت وجهها عنه وبكت، فمد آدم يده وأدار وجهها إليه وهتف بحدة: - بصي لي هنا وجاوبيني أنتِ اتخطبتي امته ولمين وليه. أجابته ببكاء: - اتخطبت من كام يوم لمحمود. اتسعت عيما آدم لا يصدق خداعها له وتجهم وجهه وأظلم وهو يصيح بها: - أزاي يعني تتخطبي لمحمود وهو دا ينفع يا سهر فهميني أزاي والدك وافق على حاجة زي كده وهي متنفعش أصلًا. أجابته سهر بألم وحسرة: - عادي ينفع أو مينفعش أهو حصل وبقيت خطيبته. أشاح آدم ببصره عنها وسألها: - وأنا يا سهر وأحساسي اللي كنت فاكرك حساه من أول مرة شوفتك فيها وبعدين أزاي امبارح اعترفتي لي بحبك وأنتِ مخطوبة، فهميني أزاي وافقتي وخرجتي معايا وسبتيني أقولك بحبك انطقي وقوليلي ليه سمحتي لنفسك أنك تخدعيني بالشكل دا. ازداد نحيبها ودفنت وجهها بين كفيها فهي لم تعد تتحمل أن ترى نظرات الأتهام بعيناه وأردفت بصوتٍ مهتز: - غصب عني أنا وافقت على الخطوبة غصب عني ومتسألش ليه لأني مش هقدر أقولك أي حاجة أنا أسفة أني خبيت عليك بس صدقني أنا مكنش قصدي لا أخدعك ولا أكذب عليك. تعاظم إحساس آدم بالألم وأحس بأنه بات على مشارف الموت، فها هي الفتاة التي أحبها سُلبت منه هي الآخرى كما سُلبت منه حياته من قبل فقال يسألها بألم: - بتحبيه يا سهر ماهو الحب هو الحاجة الوحيدة اللي تخليكي تقبلي وضع زي دا. وقفت سهر وهي تهز رأسها بالنفي وهتفت: - هتصدقني لو قلت لك أني معرفتش يعني أيه حب إلا لما عرفتك، آدم أنا مكذبتش عليك لما قلت لك أني خايفة من الحب ومحبتش قبل كدا. استدار عنها آدم وقال: - أومال وافقتي ليه على محمود اللي مينفعكيش بكل المقاييس أنه يرتبط بيكِ. ودت سهر أن تحكى لآدم كل شيء عنها ولكنها خافت أن تسقط من نظره أكثر فهمست: - أنا أسفة وأتمنى أنك تسامحني. أعاد آدم سؤاله إليها بصوت أكثر حدة: - مجاوبتيش عليا يا سهر أنتِ بتحبى محمود. توسلته همسًا: - أرجوك اعفيني من الإجابة. أثارت إجابتها غيرته فصاح وهو يستدير إليها: - تبقي بتحبيه صح أنتِ بتحبيه يا سهر ومش بتحبيني وكذبتي عليا لما قولتي إنك بتحبيني. أنهارت سهر أرضا وصرخت بلوعة: - لا مش بحبه مش بحبه أنا بحبك أنت والله بحبك أنت وصدقني أن عمرى ما هحب غيرك فحياتى لحد ما أموت. اقترب آدم منها وجذبها بقوة لتسقط أمامه وهتف: - خلاص سيبي محمود ونتجوز أنا وأنتِ حالًا. شهقت سهر وسألته بصدمة: - أنت بتقول أيه نتجوز أنا وأنت طب ومحمود وخالتي صفية وبابا. عقد آدم حاجبيه وأردف بحنق: - ولا حد منهم مهم لأن المهم أنا وأنتِ وبس، يا سهر أنا مش مراهق ولا بتسلى، يمكن أنتِ متعرفيش عني كل حاجة بس لما نتجوز أنا هعرفك على حياتي واحدة واحدة وهفهمك طباعي وحياتي ماشية أزاي وهتبقي شريكة حياتي طول العمر و... قطع على آدم إكمال حديثه رنين هاتفه فنظر إلى الرقم بضيق ليجده رقم عصام فعبس وأجابه وسمع كلمات عصام لتتسع عيناه بغضب وهو يقول: - مصيبة يا أدم هايدي اتهمت سهر إنها سرقتها وطلبت لها الشرطة لما فتشت شنطتها وطلعت الأسورة بتاعتها من الشنطة والشرطة والبنات حتى محمود الكل طالع الجناح عندك. السابعة. رويدًا يا صدمات فأنا بشر. ------------------------------------------- جلس محمود فوق سطح منزله يشعر بأحاسيس مختلطة فما حدث اليوم أفقده اتزانه حاول أن يهدأ ويتمالك أعصابه ولكنه فشل، ففضل الابتعاد عن الجميع وأغلق هاتفه حتى لا يتحدث مع أحد فالغضب بداخله يتزايد ولا يهدأ، وغيرته على حبيبته الصغيرة التي شعر بأن هناك من يتسلل إلى قلبها تنهشه وتستعر بداخله براكين خاف أن تنفجر فيها، فأنزوى بعيدا ولكن ذكرى ما حدث صباحا لا تريد أن تدعه يهدأ فهي تهاجمه بضراوة كأنها تطالبه بأن يثأر منها ولا يدع الأمر يمر مرور الكرام... فقد كان يجلس في مكتبه يدخل بيانات الاجتماع الأخير على الحاسب حينما سمع جلبة وأصوات عالية بالخارج ليتفاجأ بداليا تقتحم مكتبه وتقول: - ألحق يا محمود قصدي يا أستاذ محمود الآنسة هايدي أتسرقت أسورتها وهي صممت تفتش كل اللي شغالين فالفندق وو... حدق محمود بملامحها بحيرة وسألها قائلًا: - وأيه يا آنسة داليا ما تكملي كلامك. تصنعت داليا الأسف وأجابته بصوتٍ حزين: - الآنسة هايدي فتشت شنطة سهر وطلعت الأسورة بتاعتها منها. هب محمود عن مقعده واقفا وصاح غير مصدق: - إيه الكلام الفارغ دا يا آنسة داليا مستحيل سهر تعمل كدا وأنا لا يمكن أصدق طبعا. كتمت داليا غيرتها التي أثارتها كلماته ونظرت إليه باستمتاع لرؤيته مرتبك عاجز هكذا وأردفت: - لو حضرتك مش مصدق تعالى مكتب الأستاذ عصام الآنسة هايدي لما لقت الأسورة بلغت الشرطة وهما على وصول. غادر محمود مكتبه وأسرع نحو مكتب عصام وولج بوجه مُشتعل غاضبًا وصاح باستنكار: - إيه الكلام اللي سمعته دا يا عصام سرقة إيه اللي بتتهموا بيها سهر ما تفهمني وبعدين هي فين سهر أصلًا. أجابته هايدي التي أحتلت المقعد الرئيسي مكتب عصام بهدوء مستفز: - وأنت تطلع مين أنت كمان علشان تتكلم بالطريقة دي، وبعدين مالك محموق عليها كدا ليه هو أنا يعني كنت بتبلى عليها دا أنا طلعت الأسورة بتاعتي من شنطتها الحرامية اللي مشغلها الأستاذ عصام علشان تدخل أجنحة الفندق وتنضفها وتسرق براحتها أدام البنات كلها، دا غير أن مافيش غيرها اللي بيطلع ينضف جناح آدم خطيبي وأنا كنت سايبة الأسورة أمبارح فوق وملاقتهاش لما رجعت. أنفعل محمود بحدة أمام لهجتها المبطنة بمعاني خفيه وتفجر غضبه منها: - وأنتِ بأي حق تفتشي شنطتها أساسا كان مفروض تستني لما الشرطة تيجي علشان أنتِ مش من حقك تفتشي أي حد. صاحت هايدي بغضب: - من حقي أعمل أي حاجة لأني صاحبة الفندق اللي سيادتك بتشتغل فيه ومن حقي أدخل مكتبك نفسه وافتشه وقت ما أحب الظاهر كدا إن ليها شركا هنا وإلا مكنتش تبقى خايف بالشكل دا. حاول عصام أن يهدأ من حدة الحوار بعدما لاحظ ثوران محمود وانفعاله وقال: - الأستاذ محمود من اكفأ الموظفين هنا يا آنسة هايدي و. صرخت هايدي وقاطعته وقالت: - مش مهم لازم الأستاذ يعرف هو بيتكلم مع مين ودلوقتي شوف الهانم دا فين أحسن تكون بتسرق من أوض النزلاء. ضرب محمود سطح المكتب بانفعال وقال: - أنا مسمحش لحد يتهم سهر بأي حاجة سهر دي خطيبتي واللي يمسها يمسني وأكيد حد حطها فشنطتها، فين كاميرات المراقبة اللي فكل مكان هي اللي هتبين الحقيقة. شهقت داليا لسماعها قول محمود فتجهم وجهها وأحست بنيران الحقد تشتعل بقلبها وازدادت رغبتها في التخلص من سهر كونها سلبتها الإنسان الذي تحبه والذي تغافلت داليا أنه لا يشعر بها نهائيًا، وفي خضم أفكارها انتبهت داليا لمحاولة منال لفت أنظار عصام فاقتربت منها وضغطت على ذراعها وهمست بصوت كفحيح الأفعى: - هتحصليها لو قولتي كلمة واحدة أنتِ فاهمة. ازدردت منال لعابها بخوف ولزمت الصمت فهي تحتاج إلى عملها بشدة ولا تستطيع تحمل أن تطرد منه، لتنتفض كلتاهما حين ارتفع صوت صياح محمود وهو يسأل: - فين تسجيل الكاميرات يا عصام. اضطرب عصام وأجابه بأسف: - للأسف يا محمود الكاميرات مسجلتش حاجة غير دخول سهر اوضة البنات وخروجها و. قاطع عصام دخول أحد الضباط فوقفت هايدي وقالت: - فين سهر يا عصام ولا هربت. لم يعرف عصام ماذا يفعل ولكن نظرات الاتهام لاحقته فقال مرغمًا: - سهر فجناح الأستاذ آدم. كتمت هايدي غيرتها وضحكت بتهكم وأردفت: - يبقى أكيد طلعت تكمل سرقة من الجناح فوق. القت قولها بوجه محمود واستدارت نحو ضابط الشرطة وأشارت له أن يتبعها لأعلى والتفتت بشماتة وأمرت الفتيات بالصعود أيضًا، ومع مغادرة أخر فتاة أسرع عصام وأبلغ آدم هاتفيًا بما حدث وما هي إلا لحظات حتى وصل الجميع إلى جناح آدم، فشاهدوا سهر وهي تقف بجانب آدم تبكي فأسرع إليها محمود يضمها بين ذراعيه ويقول: - اهدي يا حبيبتي متخافيش أنا عارف أنك مستحيل تعملي حاجة زي دي. أجابه آدم بهدوء وقال ليصدم الجميع حتى سهر نفسها بقوله: - سهر فعلا معملتش حاجة ووجودها هنا أمر عادي لإنها المساعدة الشخصية ليا والأسورة أنا مقدمها هدية ليها لما عرفت بخطوبتها، دا غير أنها من أكفأ الناس اللي بتشتغل فالفندق. انهى آدم قوله والتفت إلى الضابط وأضاف موجهًا حديثه إليه: - أنا حقيقي أسف لسوء الفهم اللي حصل واللي خلى الآنسة هايدي تبلغ وعمومًا هي هتعتذر عن اتهامها بالغلط لسهر وأظن أن سهر هتتنازل عن رد الأتهام وعلشان كدا اتمنى أن حضرتك تتفهم الموقف ومتعتبرش بلاغ الآنسة هايدي ازعاج للسلطات وبلاغها كيدي. أومأ الضابط بتفهم والتفت نحو هايدي وقال: - حضرتك مفروض تشكري الأستاذ آدم والآنسة سهر لإني فعلًا كنت هوجه لك تهمة أزعاج السلطات عن أذنكم. تابع آدم مغادرة الضابط والتفت بمقعده وحدق بوجه هايدي المحتقن غضبًا وأردف ساخرًا منها: - مسمعتش اعتذارك يا هايدي. صاحت هايدى بغضب: - أنت اتجننت يا آدم بقى عايزني أنا أعتذر للبتاعة دي، دا مستحيل طبعًا أنا مش هعتذر لخدامة بتشتغل عندي. فجرت هايدي بكلماتها غضب آدم فصاح بها بصوت أرهب الجميع: - هايدي أنا مش هسمح لك تهيني سهر أبدا لا هي ولا أي واحدة من اللي بيشتغلوا فالفندق ولعلمك سهر مش خدامة دي سكرتيرة آدم عمران وأنتِ فاهمة كويس مين هو آدم عمران أكبر مستثمري الفندق وعلى فكرة أنتِ لو معتذرتيش لسهر مرتين على أهانتك أنا هيبقى لي تصرف تاني معاكِ. حدجته هايدي بكراهية شديدة ورمت سهر بنظراتٍ نارية وغادرت المكان بوجه مشتعل وسط صمت الجميع فزفر آدم أنفاسه بحدة وأردف: - سهر أنا بعتذر لك عن أي أهانة أتوجهت لك وأوعدك أني هرد لك أعتبارك أدام الكل وكمان بعتذر لمحمود على الموقف البايخ اللي حصل. وأشاح بوجهه عن رؤية محمود وهو يشدد احتضانه لسهر ووجه كلماته إلى عصام وقال بضيق: - عصام لو سمحت خد البنات وانزلوا. ازداد انهيار سهر حين استغل محمود انشغال آدم بالحديث إلى عصام وضغط على خصرها بقوة وحدق بها بغضب كامن ومال نحوها وهمس بصوتٍ خافت: - الهانم كانت ناوية تبلغني أمته بشغلها الجديد، عمومًا دا مش وقته ودلوقتي اشكريه واعتذري عن شغلك معاه خلينا نمشي. لم تقو سهر على النظر إلى محمود لخوفها بسبب لهجة التهديد التي غلفت كلماته فسارعت بالدفاع عن نفسها بكلماتٍ مهتزة هامسة: - أنا موافقتش على عرض الأستاذ آدم وكنت هقولك وأخد رأيك والله يا محمود أنا كنت هقـــ... أنذرها محمود بنظراته الغاضبة لتصمت وحفرت أصابعه بغضب خصرها فكافحت لتخفي تألمها حين أردف بحدة وهو يستدير بها ليغادر: - على فكرة سهر مستقيلة هي لا هتشتغل فالفندق ولا هتبقى مساعدة حضرتك الشخصية عن أذنك. أغمض آدم عيناه حتى لا يظهر حزنه وغيرته واقتربه منه وأردف: - لحظة يا أستاذ محمود لو سمحت بص أنا عارف إن اللي حصل مهين لسهر، بس صدقنى شغلها سكرتيرة معايا ولو لفترة مش هيخلي أي حد يظن فيها حاجة وهيحفظ لها كرامتها دا غير أن محدش هيقدر يمسها بكلمة. تنهدت سهر لتخفف عن نفسها ما تشعر به من ألم وادارت وجهها وهي تدعو أن ينتهي عذابها ذاك، واختطفت نظرة نحو آدم لتُدمي قلبها ملامح الحزن والغيرة التي سكنت عيناه ووجهه، ليزيد محمود من حدة الموقف بقوله: - لعلمك سهر هي اللي مش عايزة تشتغل لإنها هتبقى مشغولة بتجهيز بيتنا أصلنا خلاص هنتجوز كمان شهر، وأنا بالنيابة عنها بشكرك لموقفك النبيل، وبالنسبة للهدية فأنا أسف مضطر أرفضها لإننا مش هنقدر نرد لك حاجة بنفس قيمتها عن أذنك. تجمدت ملامح آدم وتابع مغادرة محمود الذي استحوذ على سهر أمامه دون أن يترك لها أي فرصة للنظر نحوه للمرة الأخيرة، فخفض رأسه وصرخ بألم لفقدانه سهر. وما أن غادرا الفندق حتى حاولت سهر أن تتحدث إلى محمود ليمنعها بنظراته القاتمة ولجهته الآمرة حين قال: - مش عايز أسمع صوتك فياريت تكتمي نهائي ولما نوصل البيت تاخدي بعضك وتدخلي بيتكم من غير ولا كلمة ودا رحمة مني بيكِ، علشان لو خالفتي كلامي وأصريتي فساعتها مش عارف أنا ممكن أعمل فيكِ أيه فاهمة. لزمت الصمت طوال الطريق وتابعته وهو يتبع خطاه إلى الأعلى لا تعلم ما عليها فعله أتلحق به وتتحدث إليه أم تنفذ ما أمرها به، لم تدر سهر لما صعدت لتُخبرها صفية عن وجوده بالأعلى فاستكملت خطاها وصعدت إليه، ووقفت تحدق بظهره المتصلب وتقدمت منه باضطراب ولمست كتفه لينتفض محمود أثر لمستها فالتفت إليها وحدق بها بغضب وأشاح بوجهه عنها مرة أخرى، زادتها نظراته ندمًا فاستسلمت لدموعها ليأتيها صوته يسألها بصوتٍ غاضب: - كنتِ عند آدم بتعملي إيه يا سهر وكنتِ بتعيطي ليه وقت ما دخلنا عليكم، عايز أعرف وافهم بأي حق يديكي هدية غالية زي دي، وهو مين أصلًا علشان تقبلي حاجة منه وكنتِ هترديهاله إزاي يا آنسة يا محترمة ولا أنتِ مش عارفة أن هدية غالية كده لازم تترد ويدفع تمنها. لم تدر سهر بما تجيب فخفصت عيناها أرضًا لتزيد بتصرفها من غضبه ليصرخ بوجهها قائلًا: - ردي عليا يا سهر أيه بينك وبينه علشان يقدملك الهدية دا غير موضوع الشغل اللي ظهر وأنا نايم على وداني. تراجعت عنه خطوة بفزع وهزت رأسها بالنفي وأجابته: - مافيش أي حاجة بيني وبينه وموضوع الشغل هو قال أتكلم عنه علشان ينقذني من الموقف اللي اتحطيت فيه. أثارت غيرته عليها بدفاع آدم عنها فقبض محمود على ساعدها بقوة سألها بحدة: - يعني أيه ينقذك وهو عرف أزاي أننا طلعين، أتكلمي متخلنيش أطلع عليكِ جناني وغضبي وصدقيني هزعلك. أجابته سهر على مضض: - الأستاذ عصام اتصل وقال للأستاذ آدم على اللي حصل وهو طلب مني أني اسكت وهو اللي هيتصرف، والله يا محمود هو مدنيش حاجة أنا طلعت علشان علشان أرتب الجناح. رفع محمود حاجبه ساخطًا وأردف ساخرًا: - سمعيني تاني كدا طلعتي ليه علشان ترتبي الجناح، طيب قولي سبب مقنع شوية يا سهر ولا أنتِ شيفاني مغفل وهصدق أي كلام منك، دا غير أنك كنتِ معاه ومكنش في أي أدوات معاكِ يبقى هترتبي أزاي. وقبض على كتفيها غارسًا أصابعه بقوة ألمتها أكثر وسألها: - كنتِ معاه ليه يا سهر اتكلمي بدل ما أقت\لك. بكت سهر وقالت: - والله مافيش بيني وبينه حاجة أنا طلعت أبلغه أني هسيب الشغل ومش هشتغل معاه زي ما طلب، وعيطت لما عرفت أنهم بيتهموني بالسرقة وخوفت يظن أني بسيب الشغل علشان سرقت، بس هو مصدقش وقال اللي قاله أنا والله ما أخدت هدايا منه ولا عمري أقبل بحاجة مقدرش على تمنها. سألها محمود وقد خف غضبه قليلًا: - ولما هو الموضوع كده بتكذبي عليا ليه، أقولك كذبتي ليه علشان عارفة أنك بتعملي حاجة غلط. ترك محمود كتفيها بعدما أحس أنه يؤلمها من دموعها وملامحها وقال وهو يشعر بالألم: - للأسف أنا ثقتي فيكِ اتهزت يا سهر وياريتك أصلًا حاسة بيا، لعلمك أنا جوايا نار قايدة من اللي حصل، وعايز أفهم ليه آدم يدافع عنك وليه مش مصدق إن مافيش بينكم حاجة. حدقت سهر بوجهه بشرود وودت لو تخبره: - هقول إيه يا محمود هقولك أني بحب آدم وهو بيحبني وأنه طلب يتجوزني وأنا قلت له لاء، علشان خاطرك أنت وخالتي صفية اللي لو سبتك هتقول عني نكرة الجميل ومطمرش فيا الخير اللي عملته، ولا هقولك أنك مش حاسس بعذابي ووجع قلبي اللي خسرته مع آدم وأني هعيش معاك من غير روح ولا قلب، أنت ليه مش حاسس بيا ليه مش حاسس أني صغيرة على كل دا ومفروض أني أبدأ أعيش حياتي اللي مش لقيالها حياة أساسًا، بس أنت ملكش ذنب أنت بتحب وأنا عذراك لأني عارفة يعني أيه تحب وقلبك يوجعك بسبب اللي بتحبه. زفر محمود بحدة لملاحظته شرودها عنه فاقترب منها وأردف وهو يلاحقها بنظراته: - خلاص يا سهر أنا هنسى اللي حصل دا كله ومش عاوز أسمع أي حاجة عنه تاني وموضوع شغلك مع اللي اسمه آدم تنسيه، علشان أنا مش هسمح لك تبقى معاه لوحدك تاني وأتمنى أنك تحترمي أنك مرتبطة براجل مش عيل، وأنا هراعي أنك صغيرة ومش فاهمة الدنيا كويس ومش هحاسبك بس مش هسمح لك تغلطي تاني أنتِ فاهمة. لم تدر لما شعرت سهر بإنقباض قلبها والخوف الذي هجم عليها فجأة وقلقها من نظرات محمود فهزت رأسها موافقة وهي تفرك كفيها ورددت بحزن: - اوعدك أني مش هغلط تاني. استدارت سهر لتغادر ولكنها تجمدت ما أن ضمها محمود إليه وهمس بالقرب من أذنها: - رايحة فين خليكِ قاعدة معايا شوية أنا ماصدقت أننا سوا، وبعدين أنتِ مصلحتنيش على اللي عملتيه. ازداد انهمار دموعها حزنًا وودت لو تعود إلى غرفتها لتبكي قلبها المعذب، ليزيد محمود من لمساته إليها فدفعته عنه وهي تخبره بتيه: - متزعلش مني يا ابيه. بدت وكأنها صفعته بقولها وزاده غضب رفضها قربه منها وملاطفته لها فصاح محمود وهو يعيدها إليه: - هو أنتِ مش هتنسي كلمة ابيه دي ما تفهمي بقى يا سهر أن أنا حبيبك وخطيبك وهبقى خلاص جوزك وأعرفي بقى أنك بقيتي بتاعتي وملكي. رفضت كلماته التي أحستها تُبخسها حقها وهزت رأسها بالرفض لتضرم برفضاها نيران غضبه عليها فهاجمها محمود وقبلها عنوة لترتعد سهر ذعرًا بين ذراعيه، لتُفجر بضعفها وخوفها رغبته بأن يثبت لها أنه صاحب الكلمة العليا في حياتها وأنه وحده يمتلك كامل الحق فيها، وأن عليها تقبل عقابها لها على تعاملها سرًا مع آدم، وزاده تفكيره بآدم عنفًا عليها ليبتعد عنها ما أن تذوق دمائها بعد أن مزق شفتيها. تضرعت إليه بأن يتركها فقست ملامحه لرغبته بالمزيد منها ولكنه تمالك نفسه وأردف: - أعملي حسابك أن كتب كتابنا هيبقى بكرة لإني مش هستنى عليكِ أكتر من كدا. --------------------- وبداخل مسكن غسان جلست هايدي بجانبه تشعر بالغضب لدفاع آدم عن تلك الفتاة واحراجه لها أمام الجميع وزفرت بقوة وهتفت: - عجبك اللي آدم عمله معايا يا عمي بقى أنا هايدي يحرجني ويقولي أنتِ ملكيش مكان فأي حاجة أملكها إلا لو اعتذرتي ومش كده لأ دا عيزني اعتذر لها أدام الكل، أنا خلاص مش عارفة البنت دي لحق يعرفها أمته ويتعلق بيها علشان يرفضني. لاحقت هايدي وجه غسان وزمت شفتيها لصمته لتسأله بضيق: - أيه يا عمي هو حضرتك هتسكت على حصل من آدم، معقول هتسيبه يتصرف على مزاجه كده. نفى غسان وربت يدها وأردف مُبتسمًا: - اطمني يا هايدي أنا مش هسكت وهرد رد يرجع لك حقك ويكسر آدم والبنت دي. ألقى غسان قوله ثم التفت ببصره نحو مازن وأردف بلهجة غامضة: - واللي هينفذ هو مازن. انتفض مازن ذعرًا وحدق بوجه والده بصدمة وأردف بحدة: - أنا مش هنفذ أي حاجة وياريت متعملش حسابي أنا خلاص خرجت نفسي برا لعبك أنت وهايدي وكفايه اللي حصل لآدم لحد كده ولعلمك المرة دى مش هتقدر تجبرني زي ما عملت المرة اللي فاتت حتى لو هتق\تلني. دفع غسان بمقعده ليسقط أرضًا وصاح بصوتٍ جهوري: - مازن أنا مش باخد رأيك وكلامي هيتنفذ وأنت اللي هتنفذ فاهم ودلوقتي اتفضل على اوضتك أنت لسه ليك حساب معايا لأنك كنت عارف بموضوع البنت اللي دخلت حياته ومبلغتنيش. التفت مازن ورمى هايدي بنظراتٍ نارية وأردف: - أنا مش عارف أنتم هتفضلوا تموتوا فآدم كل شوية لحد أمته ما تسيبوه يعيش حياته هو مش اداك كل حاجة. سحب غسان نفسا من سيجارته وأجابه بحقد: - آدم مدنيش ألا حق الإدارة إنما مش حق البيع يا مازن، يعني أنا مأخدتش أي حاجة لسه ولحد ما أوصل للي أنا عاوزه هتفضل تنفذ اللي أأمرك بيه، وبكرة هتنفذ اللي هقول عليه أنت فاهم. انهى غسان قوله وغادر المكان وتابعه مازن وهو يشعر بالخيبة كون والده يطمع بمال ابن اخيه ويريد وضع يده عليه بأي ثمن، زفر مازن واستدار بجسده لتصطدم عيناه بعينا هايدي ليقول لها بكراهيه: - مرتاحة أنتِ كده أنا مش عارف أنتِ أزاي تقبلي تهيني نفسك بالشكل ده مع واحد رافضك فحياته، عارفة أنتِ خسارة أصلًا أن الواحد يتكلم معاكِ من الأساس عن أذنك. لم تهتم هايدي بكلمات مازن وابتسمت قائلة: - مش هايدي اللي تخسر حاجة عوزاها أنا بس اللي أرمي واسيب لما ازهق وحتى لما أزهق اللي ارميه ميروحش لغيري أبدًا. ------------------ جلست سهر تبكي في غرفتها فقد عانت كثيرا ليتركها محمود بعدما عذبها بقبلاته العنيفة التي أجبرها على تقبلها منه، وتذكرت قراره بعقد قرانه عليها في الغد واقترابه منها مرة أخرى، ليزداد خوفها منه أكثر حين همس لها برغبته في أن تسلم نفسها له وحينما رفضت وأبعدته عنها فوجئت به يصفعها بقسوة ويقول: - بترفضيني ليه مليون مرة أقولك حسي بيا وباحتياجي ليكِ أحنا خلاص هنبقى متجوزين بكرة، وأنتِ متأكدة أن مش هسيبك ولا هتنزلي من نظري لو ادتيني اللي أنا عايزه، أنا عايزك يا سهر ومبقتش قادر أتحمل بعدك عني أكتر من كده. صرخت سهر بوجهه لجرأته عليها وأنانيته فهو لا يرى إلا رغباته وغايته وأحتياجه دون أن يرى ما تريده هي وهتفت بصوتٍ رافض غاضب: - وأنت ليه عايز تغصبني على حاجة أنا مش عيزاها ليه مش حاسس أني خايفة منك، خايفة من اللي أنت بتطلبه خايفة من الحاجات اللي أنت حاسس بيها وأنا مش فهماها، ليه مش مقدر أنك أكبر مني وإن في كتير حاجات مش عرفاه ليه يا محمود مش شايف إلا نفسك وبس. حدق بها للحظات وجذبها مرة أخرى نحوه وأحاطها بذراعيه وقال بصوتٍ هامس: - أنا هعلمك يا سهر هعلمك وأعرفك يعني إيه حب وجواز واخليكِ تعشقي الحب معايا، حبيبتي أنا مش عايزك رغبة ولا نزوة أنا عايز أعيشك الحب، عايز أسعدك وأسعد نفسي معاكِ، عمومًا أنتِ معاكِ حق أنا فعلا ناسي فرق السن بينا بس ده لإن وأنا معاكِ بحس أني مراهق محتاج لك أوي. مرر محمود شفتيه فوق جبهتها وانخفض ليقبل وجنتها وهمس باعتذارٍ مهتز: - حقك عليا أني ضربتك صدقيني غصب عني أول ما سمعت منك كلمة لأ فوقت احتياجي ده خلاني فقدت أعصابي متزعليش مني ممكن. عادت سهر إلى واقعها وكفكفت دموعها لتنتفض بخوف حين تعال رنين هاتفها رمت هاتفها بنظرة رفض وأشاحت ببصرها عنه وحين عاود الرنين مدت يدها وهي تشعر بالأختناق وأجابت بصوت باكي دون أن تقرأ اسم المتصل لظنها المتصل محمود وقالت: - نعم يا محمود في حاجة تاني. ضرب سمعها صوت تنفس غاضب أصابها برعشة لأدراكها هوية المتصل فهمست بصوتٍ مهتز وقلبها ينبض بقوة: - آ د م. أجابها آدم بغيرة واضحة: - أيوة آدم يا سهر مش محمود عمومًا أنا بتصل اطمن عليكِ وبعتذر أن أخدت رقمك من عصام، عصام اللي فهمت أنك طلبتِ منه أنه يرفض يديني ملفك أو أي بيانات عنك خصوصًا عنوانك، ودلوقتي طمنيني محمود ضيقك أو زعلك لما روحتي. أجابته سهر وهي تحاول أن تبدو طبيعية وقالت: - أنا كويسة اطمن يا أستاذ آدم. يدرك كذبتها فصوتها يخبره بكل شيء قلبه المنتفض بين ضلوع صدره يخبره أنها ليست بخير فزفر بقوة وأردف: - بلاش تكذبي عليا يا سهر أنتِ مش كويسة ومعيطة قوليلي اللي اسمه محمود عملك أيه مد أيده عليكِ اتكلمي. تنهدت سهر بحزن ووضعت يدها فوق قلبها وأردفت تنفي بقولها: - مافيش حاجة هو بس كان مضايق من اللي حصل وبعدين رجع طبيعي تاني لما فهم الموضوع. نيران مشتعل بصدره ترفض أن تكون لغيره فهمس برجاء: - سهر أرجوكِ غيري رأيك وسيبي محمود وأنا هتجوزك وهحميكِ منه صدقيني ارتباطك بمحمود أصلًا غلط ومينفعش. توسلته سهر ببكاء: - مينفعش يا آدم اسيبه صدقني مش هقدر وأرجوك تنساني وتسامحني. زاده بكاءها غضب فصاح يقول: - أنا مستحيل اسمح لك ترتبطي بمحمود أنا ممكن أقوم الدنيا عليه لو نزلت خبر ارتباطك بمحمود على النت هخلي الناس تهاجمه دا غير أني ممكن استغل العصبية اللي فمصر وامنع جوازكم. كادت تسأله عن قصده ولكنها تراجعت فهي لا تريد أن تعطيه أمل زائف بنقاشها معه فبعد قرار محمود لم يعد هناك فرصة لتجمعهما سويًا وعليها تأكيد ذلك فقالت: - لو سمحت يا آدم بلاش تكلمني تاني وأنساني وبلاش مشكلات أنا مش حمل أي مشكلات أرجوك لو بتحبني أبعد عني وأنساني. انهت سهر الاتصال بقلبٍ منفطر وهمست باختناق: - سامحني يا آدم دا اللي لازم يحصل أنك تنساني. ------------------------ شعر مازن بأن عليه أن يحذر آدم بما خطط له والده فأستيقظ مبكرا وغادر منزله قبل أن يراه والده وتوجه إلى الفندق، زلج مازن إلى جناح آدم ليصدمه رؤيته له ممدد فوق الأرض فاسرع نحوه بقلق وسأله وهو يجلس إلى جواره: - آدم أنت إيه اللي مقعدك كده، أنت وقعت ولا أيه. حدق آدم به بحزن وعيون حمراء من أثر دموعه وعدم نومه وقال: - وقعت واتكسر قلبي يا مازن، أنا أول مرة أحس بالوجع دا حتى لما عرفت أني مش همشي على رجليا تاني متوجعتش قد ما اتوجعت لما سهر اختارت محمود ورفضتني. ساعده مازن لينام فوق فراشه وقال: - طيب ما تحاول مرة تانية معاها يمكن تغير رأيها بعدين أنت بتقول اختارت مين محمود وأهلها وافقوا عادي كده عمومًا أنت لو فعلًا بتحبها حاول معاها مرة تانية اتصل بيها وكلمها وأطلب منها تقابلك واول تقنعها. تنهد آدم بألم وعقب بانهزام: - حاولت يا مازن بس هي قافلة موبايلها وعصام حسيته اتغير فكلامه معايا فجأة ومش راضي يديني الملف بتاعها. ربت مازن يد آدم وأردف: - ولا يهمك خمس دقايق واجيبلك الملف تعرف عنوانها وتروح تفاجئها. حدق آدم بمازن بريبه وتفرس بملامحه وسأله: - غريبة بقى أنت اللي هتساعدني أنا يا مازن. زم مازن شفتيه وزفر بقوة وأجابه: - صدقني يا آدم أنا لو كنت غلطت فحقك فكان غصب عني، عمومًا أنا هثبت لك أني أتغيرت وهنزل اجيب لك الملف وو. بتر مازن حديثه ما أن تذكر هايدي ومخطط والده ليسأله آدم بحيرة: - وأيه مالك متنح كده. سحب مازن نفسًا وأشاح بوجهه مُجيبًا إياه: - آدم أنا مش عايزك تقابل هايدي خالص النهاردة مهما حصل ممكن. أشاح آدم ببصره عنه وقال: - أنا أصلًا مش قابل وجودها ومش عايز اشوفها بعد اللي عملته المهم سيبك من الكلام عنها وانزل بقى ومتتأخرش. لم يمضي وقتٍ طويل إلا وظهر مازن وعلى وجهه إمارات الحزن كأن هناك كارثة حدثت معه، فأحس آدم بالقلق مما أرتسم على وجه مازن من صدمه وسأله بقلق: - في إيه يا مازن وفين الملف هو في حاجة حصلت لسهر مالك ساكت ليه مازن. أغمض مازن عيناه واستدار عن آدم وأجابه بحزن: - أنساها يا آدم سهر مستحيل تكون ليك أبدًا. رفض آدم تقبل كلمات مازن وأحس بأن هناك خضبٌ ما فصاح بحدة: - يعني أيه ما تفهمني أنت نزلت تجيب الملف أيه يخليك تقول الكلام ده، بص لي يا مازن وأتكلم ليه مستحيل. تحرك مازن وجلس بجانب آدم وقال: - آدم أنت تعرف أيه عن سهر. كاد صبر آدم ينفذ فأجابه وهو يحاول أن يجذب مقعده: - أعرف إنها بتحبني وأنا بحبها وده كفايا لينا. مد مازن يده ليمنع آدم من التحرك وأردف: - سهر كتب كتابها النهاردة يا آدم. حدق آدم بصدمة في مازن وصرخ: - مستحيل يحصل مش هسيبها ساعدني أقوم أنا لازم أمنعها. صرخ مازن بوجه آدم هاتفًا: - أنت مفهمتش معنى كلامي، بقلك كتب كتابها فاهم يعني أيه كتب كتاب يعني سهر مسلمة يا آدم. الثامنة. ضربات متتالية. ----------------------------- استيقظت سهر من نومها تشعر بالحزن يحتل قلبها ويغرقها فحاولت أن تهرب إليه مرة أخرى ولكنها لم تستطع كأن النوم يعاندها ككل شيء في حياتها، تركت غرفتها تبحث بعينيها عن والدها فلم تجده فعلمت أنه ما زال نائمًا فلم تقترب من غرفته حتى لا يغضب عليها، وأخذت تجول ببصرها في أنحاء المنزل لتتنهد وتبدأ بتنظيفه فكيف سيمر الوقت معها أن لم تشغل عقلها عن التفكير به، حين انتهت سهر من ترتيب الشقة تعجبت لتأخر والدها بالنوم كل هذا الوقت فطرقت باب غرفته لتُفاجأ بخلو الغرفة منه وأنه لم ينم في فراشه، عبست وتساءلت كيف غادر ولم تشعر به، واغلقت باب غرفته وقبل أن تلج إلى غرفتها اوقفها رنين جرس الباب فأسرعت تفتح ظننا منها أنه والدها، ولكنها وقفت تحدق بتلك التي تنظر إليها وتبتسم ابتسامه مبهمة فسألتها سهر بتهكم: - حضرتك جاية هنا ليه إيه يا ترى في حاجة اتسرقت تاني وجاية تتهميني بيها. خفضت هايدي بصرها وأجابتها بصوتٍ منكسر: - لا أنا جاية اعتذر لك واخدك معايا الفندق علشان اعتذر لك أدام كل البنات. اتسعت عينا سهر وسألتها بحيرة: - جاية تعتذري ليا أنا. تنهدت هايدي بحزن وأجابتها: - ايوة يا سهر علشان لو أنتِ مجتيش آدم هيفسخ خطوبته معايا علشانك. اجهشت هايدي بالبكاء وأستأنفت حديثها: - يرضيكِ بعد خمس سنين خطوبة آدم يسيبني، للأسف هو مصمم أن لو معتذرتش أدام الكل فالفندق هيفسخ الخطوبة. صفعتها هايدي بقولها فحدقت بها بصدمة وسألتها بصوتٍ مهتز: - هو آدم خطيبك. كفكفت هايدي دموعها وأردفت: - ايوة أنا وآدم مخطوبين من قبل ما تحصل له الحادثة، واللي عرفت بعدها أنه كان يعرف بنات كتير وحتى بعد الحادثة كل يوم والتاني يدخل فعلاقة مع واحدة شكل، وأنا ساكته لإني بحبه وأمبارح بعد اللي حصل صمم أني أعتذر لك ورهن اعتذاري ليكِ باستمرار علاقتي بيه، فأرجوكِ يا سهر تعالي معايا الفندق وساعديني أنقذ خطوبتي أنا مقدرش أعيش من غير آدم وصدقيني لو سابني أنا ممكن انتحر. توقف عقل سهر عن التفكير فكلمات هايدي حطمت قلبها وآمالها وبدت لها وكأنها تتحدث عن شخص مختلف عن آدم، فكيف له أن يخدعها ويوهمها حبه وهو يحب أخرى وعلى علاقة معها، زفرت سهر بحزن وحدقت بهايدي التي دفنت وجهها بين كفيها تبكي وازدادت شفقتها نحوها فأردفت بانكسار: - حاضر يا آنسة هايدي أنا هاجي معاكِ اتفضلي ارتاحي على ما ألبس وننزل. لم تدر كيف وصلت إلى الفندق بعقلها الشارد الغارق بأحزان قلبها وحبها المغدور، وانتشلها من حالتها البائسة صوت داليا تقول: - كل حاجة جهزت زي ما حضرتك أمرتي تحبي اجمع البنات. هزت هايدي رأسها بالنفي وأجابتها: - مش دلوقتي يا داليا معلش أديني نص ساعة وهتصل أبلغك لإني دلوقتي هاخد سهر واعتذر لها أدام آدم الأول وبعدين ننزل كلنا. ثم التفتت نحو سهر وقالت: - يلا بينا يا سهر. رافقتها سهر إلى الأعلى لا تدر كيف ستنظر في عينا آدم بعد كذبه عليها لتنتبه لصوت هايدي تقول: - اتفضلي يا سهر أنا هدخل أبلغ آدم أنك هنا مش هغيب عليكِ. جلست سهر تشعر بالارتباك وأرادت أن تغادر ولكن رجاء هايدي سبب لها الألم خاصة أنها شعرت بالذنب كونها إحدى الفتيات التي أوهمهم آدم بالحب، وبعد دقائق غادرت هايدي وهي تبتسم وتقول: - آدم مش مصدق أنك جيتي حقيقي أنا بشكرك يا سهر أنتِ متعرفيش المعروف اللي هتعمليه معايا النهاردة دا هينقذني أزاي. أجابتها سهر بحزن: - دا واجبي يا آنسة هايدي. اتسعت ابتسامة هايدي وقالت: - طيب على ما يخرج آدم خلينا نشرب عصير سوا أنا وأنتِ. ----------------------- مساءًا بمنزل صفية.. جلست صفية بجوار سهر تقرأ بمصحفها وعيناها تترقرق بالدموع، وحين وصل إليه صوت طرقات خافت أذنت للطارق بالدخول، فولج محمود وعلى وجهه أمارات الخوف والقلق، ليسألها وهو يقترب من الفراش: - هي لسه نايمة يا أمي. هزت صفية رأسها بالإيجاب وتحركت بهدوء لتغادر مصطحبه محمود برفقتها وأغلقت الباب بهدوء وقالت: - أنا قلقانة عليها يابني دي ليها سبع ساعات نايمة طمني معلش هو الدكتور قال إن نومها دا طبيعي. جلس محمود على معقد قريب من باب الغرفة وأجابها وهو يحاول السيطرة على حركة قدميه التي أهتزت بتوتر: - الدكتور قال نسيبها تفوق لوحدها علشان الجرعة اللي وخداها كبيرة وهتاخد وقت على ما تفوق، والحمد لله أنها بخير يا أمي حقيقي أنا مش مصدق لحد دلوقتي اللي حصل. فرت الدموع من عينا صفية وأردفت بغضب: - منهم لله يا بني حسبنا الله ونعم الوكيل فيهم على كانوا عاوزين يعملوه فالغلبانة دي، أنا مش عارفة هي الناس دي جابت الجبروت ده منين. تنهد محمود وشرد عن والدته بما حدث سابقًا صباحًا، فهو كان كعادته يجلس بمكتبه يفكر جديا بتقديم استقالته لشعوره بالغيرة لوجود آدم أمامه فتوجه إلى مكتب عصام وسأله: - فاضي شوية يا عصام. وضع عصام الأوراق التي بين يديه فوق مكتبه وأجابه: - وحتى لو مش فاضي هفضالك تعالى يا محمود مالك شكلك عامل كدا ليه. تنهد محمود بضيق وأردف: - أنا مخنوق أوي يا عصام وبفكر اسيب الشغل هنا بصراحة أنا مبقتش قادر أكمل. اعتدل عصام وهتف مستنكرًا: - لا طبعًا أزاي تفكر تسيب الشغل بعد المكانة اللي وصلت لها، حرام عليك يا اخي ولو على حصل فالكل عرف أن سهر بريئة. ازداد تجهم وجهه وأجابه وعقله يفكر بأمر آدم: - أنا عارف بس خايف حد يتكلم عليها أنت عارف الناس اللي شغالة هنا لو حد بس قال كلمة عليها ما هيصدقوا وهيخوضوا فسيرتها، تعرف الموضوع يبقى عادي أمته لما نعرف مين اللي حط لها الاسورة. - أنا هقول لحضرتك. التفت عصام ومحمود إلى باب المكتب وحدقا بوجه منال المحتقن فسألها عصام: - أنتِ عارفة حاجة يا منال وساكتة. تلفتت منال حولها بخوف وولجت ووقفت أمام محمود وقالت: - داليا هددتني أني هلبس قض\ية زي سهر لو قلت أنها هي اللي حطت الاسورة فشنطة سهر، بصراحة أنا خوفت لأني محتاجة الشغل أوي بس بعد ما شوفت قد أيه كسرتها قولت ربنا هو اللي بيرزق فمقدرتش اسيب حد يظن فيها حاجة وحشة لأنها طيبة ومتستحقش اللي حصل. ازداد غضب محمود وهم بمغادرة المكتب ليمنعه عصام بقوله: - اقعد وأهدى وبعدين أنت مينفعش تعمل حاجة دلوقتي ولازم نفكر بالعقل. ثم التفت إلى منال وقال: - روحي يا منال ومتخافيش من حاجة. انصرفت منال تشعر براحة ضميرها لترتطم بمازن الذي كان يسرع نحو مكتب محمود فنادته بقولها: - - يا أستاذ مازن على فكرة الأستاذ محمود موجود فمكتب الأستاذ عصام لو عايزه. أسرع مازن إلى مكتب عصام واقتحم المكتب وحدق بمحمود وقال باضطراب: - محمود قوم تعالى معايا مافيش وقت. وقف محمود ونظر لمازن بدهشة وقال: - اقوم معاك على فين وبعدين أنت مين أصلًا. أجابه عصام موضحاً: - ده الأستاذ مازن ابن عم الأستاذ آدم. عبس محمود وحدق به بضيق وقال: - خير عاوزين تتهموا سهر بحاجة تانية. تفاجىء محمود وعصام بمازن يجذب محمود من يده ويقول بصوت مهتز: - لو مجتش معايا مش هتبقى سرقة هتبقى مصيبة أكبر. احس محمود بقلبه يهوى بين قدميه وهو يجرى خلف مازن وولج معه المصعد ليتفاجأ بمازن يقتحم جناح آدم، فتجمد محمود بمكانه ورفض التقدم فالتفت مازن نحوه وأردف: - متقفش يا محمود وتعالى معايا بس الأول أنا عايزك تمسك أعصابك ومتتهورش من اللي هتشوفه لإنه جر\يمة بتحصل فحق سهر وآدم، بس لازم تعرف أن آدم مظلوم هو وسهر. كاد محمود أن يصرخ بوجه مازن ولكن مازن أسرع ووضع يده فوق فمه وقال: - وطي صوتك علشان هايدي متخدش بالها. تسلل مازن ومحمود حتى باب غرفة نوم آدم وفتح مازن الباب ببطء فوقع بصر محمود على مشهد كاد يصيبه بالشلل، فأمامه مالت هايدي صوب سهر تنزع ثيابها عنها فلم يتمالك أعصابه واقتحم الغرفة وهو يصيح بصوت جهوري غاضب: - يا مجرمة يا حقيرة ابعدي ايديك عنها بدل ما اقطعهالك. صرخت هايدي برعب لرؤيتها محمود يهجم عليها صافعًا إياها بقوة ودفعها بعيدًا عن سهر وجذب الدثار ووضعه فوق جسد سهر يحميه عن العين ليكشف عن جسد آدم النائم على الطرف الآخر فاعتدل وسب هايدي: - مكنتش اتخيل إنك واطية للدرجة دي. ترك سهر من يده وجذب هايدي من شعرها وصفعها مرة أخرى ليُفاجئه مازن بحقن هايدي بعنقها لتتهاوى أرضًا فاقدة الوعي فحدق به بدهشة وسأله: - أنت بتعمل أيه يا مجنون. أشاح مازن ببصره بعيدًا وهتف: - غطي سهر الأول وبعدين هقولك. أعاد محمود ملابس سهر كما كانت وحملها للخارج ومددها فوق الاريكة وعاد للداخل ليرى مازن يحمل هايدي ويضعها مكان سهر فسأله بريبة: - أنت ناوي على ايه. نظر له مازن بغموض وقال: - هقلب الوضع ودلوقتي تعالى ساعدني نلبس آدم ونطلعه برا. ساعد محمود ومازن آدم على الجلوس بمقعده ليراه يفيق من نومه فالتفت وحدق بوجه سهر فوجدها كما هي غافية فابتعد وسأل مازن بخوف: - هي سهر مفقتش ليه زي آدم أنا عاوز افهم في ايه. كان جواب مازن على محمود جذبه إلى الغرفة من جديد وشروعه بنزع ثيابه وقوله: - طلع موبايلك وصورني مع هايدي. ختم مازن قوله واقترب من هايدى فأشاح محمود بنظره عنهم واستدار مستنكرًا ما يحدث وقال: - أنا مستحيل أعمل اللي بتقوله أنت مجنون دي مهما كان بنت أزاي عايزني اصورها معاك وأنتم بالشكل دا. صرخ مازن بغضب فيه قائلًا: - لعلمك هي مكنتش هترحم سهر كانت هتيجي وأنتم بتكتبوا الكتاب وترمي الصور اللي هتاخدها لسهر وأدم أدام الناس وتفضحها وتقول إنها على علاقة بخطيبها الـ.... صمت مازن حين صرخ به محمود بغضب يمنعه من إكمال حديثه هاتفًا: - أنتم ايه مش بني ادمين أنا مش عارف أنتم بتفكروا أزاي، للدرجة دي سمعة البنات ملهاش قيمة عندكم. أغمض مازن عيناه بأسف وأردف: - أنا عارف أن الموضوع صعب بس أنا مقدرتش اسيبها تعمل كده هي البنت اللى خدرت آدم، بص يا محمود أنا لازم أكسر هايدي علشان متجيش جنب سهر تاني والصور اللي هنتصورها هي الوسيلة اللي هتحمي بيها خطيبتك من أي فضيحة خصوصًا لما تعرف أنها كانت ناوية تستغل أننا أقباط وأن سهر مسلمة وتشوه سمعتها وسمعتك. جلس محمود وقد شعر بقدميه عاجزة عن حمله وكاد يبكي من التفكير الشيطاني الذي وصلت له هايدي للانتقام من سهر، والذي يجهل لما تريد بشدة تدمير سهر هكذا فوقف مرة أخرى وقال بكراهية: - خلص وأنا هصوركم وربنا يعينك على التعبان اللي بين ايديك. غادر محمود الغرفة ووقف يحدق بآدم الذي حرك مقعده ليواجه سهر النائمة والغافلة عما يحاك لها في الظلام، وحين شعر آدم بوجود محمود أبتعد معتذرًا: - أنا مش عارف اعتذر لك على أيه ولا أيه، الحقيقة مازن لما قالي متخيلتش أن أقع بالفخ رغم حذري ومكنتش أعرف أن ليها مساعدة هتخدرني أنا كمان، عمومًا أنا اوعدك أني هجيب لسهر حقها من هايدي على كل اللي عملته. أجابه محمود وهو يشعر بغيرة تنهش قلبه لأقترابه من حبيبته: - أنا عاوز أفهم ليه كل دا وليه سهر بالذات وسهر أيه اللي جبها هنا من الأساس. قص آدم ما يعرفه عن خطة هايدى وذهابها إلى منزلها والمجىء بها لغرفته وخداعها لسهر وتخديرها لها، فاخبره محمود عما علمه عن داليا ليقف حين ظهر مازن ليقول الأخير: - أنا أسف يا آدم مكنتش أعرف حاجة عن داليا أنا افتكرت أن هايدي هي اللي هتخدرك، المشكلة دلوقتي أن سهر لو عرفت ممكن نفسيتها تتأذى فأنا شايف إن من الأحسن أنها متعرفش أي حاجة، ولو يسمح لي محمود أننا ناخد سهر واوصلهم للبيت وارجع لك تاني، بس توعدني أنك تفضل بعيد عن هايدي وعمومًا هي هتفضل نايمة لحد ما ارجع ووقتها نفكر هنعمل أيه. أغمض آدم عيناه حينما حمل محمود سهر بين ذراعيه وهمهم بصوتٍ منكسر وهو يستدير بمقعده عنهم: - مبروك جوازكم يا محمود وخلي بالك من سهر لأنها تستحق الأحسن وأكيد أنت الأحسن ليها. ------------------- جلست سهر تضم جسدها بين يديها وهي تستمع لحديث محمود مع والدته وكتمت صوت بكائها بعدما علمت ما كانت تنويه هايدي لها، وشعرت بالخوف والذنب حين أوضح محمود حقيقة ديانة آدم، فأخذت تبكي وهي تستغفر الله على حبها المحرم لآدم، وبعد بعض الوقت ولج محمود ليطمئن عليها فأدرك مما رآه أنها علمت ما يخفيه عنها فجلس بجوارها وقال: - احمدي ربنا أنه حفظك وسلمك، لإن لو هايدي عملت اللي كانت عوزاه مش عارف وقتها كان هيحصل أيه. نظرت له سهر بحزن وقد تناست حبه لها وقالت بتيه: - هو ليه بيحصل لي كل دا ليه يا محمود حياتي مش زي كل الناس، ليه مش من حقي أي حاجة ليه الإنسان اللي قلبي دق له طلع متحرم عليا، وليه هايدي عاوزة تأذيني كده وداليا أنا معملتش ليها حاجة علشان تساعدها، أنا تعبت من حياتي ونفسي أموت وأرتاح من عذابي دا. اجهشت سهر في البكاء غافلة عن محمود الذي صدم باعترافها أمامه بحبها لآدمو حاول أن يتمالك غيرته ويهدأ من تصاعد غضبه ولكنه لم يستطع وسألها: - أنتِ بتحبي آدم. حدقت سهر به بصدمة لتدرك أنها أعترفت دون أن تدري وتنهدت بألم لإحساسها بأنها لا تستطيع إكمال خداعه فهي لن تستطيع منحه الحب الذي يريده، فنزعت دبلته من أصبعها ومدت يدها بها إليه، حدق بها محمود ليفاجئها بأعادتها إياها مرة أخرى قائلًا: - هنسى اللي سمعته وهنسى إنك خلعتي دبلتي وهنسى إنك خرجتي مع هايدي من غير ما تتصلي تبلغيني، وهنسى أنك مش بتحبيني وهنسى كل حاجة وهبدأ معاكِ من جديد لأني عارف أنك صغيرة وأكيد آدم شغلك وأنتِ معندكيش أي خبرة فالدنيا، علشان تعرفي أن أنا بحبك وبعشقك ومقدر أنك صغيرة ودلوقتي يلا قومي أغسلي وشك وأنسي أي حاجة حصلت ولا أنتِ عاوزة هايدي تنتصر عليكِ وتضيع مننا اليوم. صمت محمود للحظات وعيناه تجول فوق ملامحها الحزينة وأستأنف قوله متعمدًا: - أنا كان ممكن اسيبك لحد إمبارح إنما بعد اللي حصل واللي عرفته مينفعش اسيبك، لأن لو سيبتك هايدي هتحاول تأذيكي، بصي يا سهر حبي ليكِ هيكفينا سوا وأنا مش عايز منك غير أنك تقبلي بوجودي فحياتك وصدقيني مع الأيام أنا هقدر اخليكِ تحبيني اتفقنا ولا أنتِ عايزة تزعلي الست الطيبة اللي برا اللي ماصدقت أن ابنها خلاص هيتجوز. همست سهر وهي تكفكف دموعها: - لا طبعا ميرضنيش اكسر خاطر خالتي صفية. ------------------------- عاد مازن ليتفاجأ بإختفاء آدم فأسرع إلى غرفه نومه ليجد هايدي كما تركها فغادر الجناح وحاول الاتصال به ولكنه لم يجيب على اتصالاته، في حين جلس آدم داخل سيارته فوق جبل المقطم شارد الذهن يفكر فيما حدث والقى نظرة إلى اتصالات مازن به واهملها وطفرت عيناه بدمعة خانت تماسكه المزيف فمسحها وهو يهمس: - لازم اكلمها ولو لمرة أخيرة واللي يحصل يحصل.

نفوس قاسية ج1

بقلم منى احمد حافظ

اترك تعليقاً إلغاء الرد

مقالات ذات صلة

من غير ميعاد ج2

مصـ,ـرع طفلين شقيقين في حريـ,ـق مصنع مراتب بالمحلة (صور)

قاصر بين براثن ذئب

عمر خورشيد والجن الذي تنبأ بمۏته !

حكاية أدهم ووردة ج3

مهران وزينب

اترك تعليقاً إلغاء الرد