متى تخضعين لقلبي ج3

عقد فريد حاجبيه معاً بعبوس متذكراً ميعاد مساعده والذى أغفل عنه بالفعل ، اخذ نفساً عميقاً يستعيد به اتزانه ثم وجهه حديثه لحياة قائلاً بصوته الاجش :
-كملى لبسك وانزلى افطرى .. وهاجى اتاكد بنفسى انك فطرتى .. ماشى ؟!..

سألته بلهفه واضحه وهى تحتضن كفه لتمتعه من التحرك :
-طب وانت ؟!..
حك ذقنه بيده الخاليه ثم اجابها بتفكير :
-مش عارف هخلص معاه امتى عشان منتأخرش بس انتى لازم تأكلى .. انتى مأكلتيش من امبارح ..

مطت شفتيها للامام ثم قالت بنبره رقيقه للغايه :
-هستناك ..
قلص المسافه التى ابتعدها مره اخرى وعاد ليلتصق بها مره اخرى قائلاً بحب شديد:
-لا ملكيش دعوه بيا .. اهم حاجه تاكلى انتى ..

وقفت على اصابع قدمها حتى يتسنى لها الوصول إليه ثم همست امام شفتيه بأغراء شديد :
-فرييييييييييد ..
اجابها بأشتياق بعدما اخفض رأسه قليلاً ليحك شفتيه بذقنها :
-عيون فريد ..
اجابته بنفس الهمس برقه بالغه :
-مش هاكل من غيرك ..
تتهد بأستسلام وقام بطبع قبله مطوله فوق جبهتها قائلاً بأستسلام :
-طيب .. استنينى تحت بعد ما تخلصى لبس مش هتأخر عليكى ..

حركت رأسها موافقه بسعاده وهى تعطيه ابتسامه حالمه جعلته يتوقف عن السير قليلاً يحاول التوصل لهدوئه قبل الهبوط للأسفل .

*************

فى مقر الشركه تحركت نجوى تغلق باب غرفتها جيداً حتى تتأكد من الامان وعدم استماع احد لهم ثم سألت سفيان بأستهجان ونبرتها منخفضة للغايه :
-يعنى ايه يا سفيااان !! بقالك كام يوم مفيش اى حاجه خالص !!!..
هتف سفيان بحنق شديد قائلاً من بين شفتيه :
-طب وانا هعملك ايه دى مش معبرانى خالص وبتتنفض لما تشوفى كأنها شافت عفريت !! ..

زفرت نجوى بأحباط قائله بعبوس :
-بقولك ايه الحوار ده شكله هيطول وشكلها بت اللذينه بتحبه بجد ومش هتميل معاك .. وبعدين اخاف تروح تقوله ونتفضح ويقلب عليك من قبل ما تعمل حاجه ..

سألها سفيان بترقب شديد :
-طب والحل ايه ؟!..
اجابته نجوى وهى تتحرك داخل غرفتها ذهاباً واياباً محاوله التوصل لحل لتلك المعضله هاتفه بأرتياح :
-بس لقيتها .. انت النهارده تروح مكتبها وقت استراحه الغدا عشان لو صرخت او حاجه محدش يسمعها وتحاول تقرب منها بأى شكل وتصورها بالفون وانت مقرب منها كأنك يعنى بتبوسها زى ما عملت قبل كده مع البت دى اللى كنت متراهن عليها مع صحابك .. وانا هورى الصور دى لفريد وهو يتعامل بقى .. انا عارفاه دمه حامى ومش هيتحمل .. بس اهم حاجه يا بطل تبان طبيعيه ومش مهم وشها كله يكون باين فاهمنى ؟!..