روايه جديده ج2

لكن لا رد و كأنه جثمان قد فارقته الروح للـتو بحث شريف بـعينه عن اي شئ يستطيع ان يجعله يفيق و لكن لم يجد شئ امسك بـيده من جديد يفركها بين يديه و هو ينادي بـاسمه حتي يستيقظ شعر بـالخوف الشديد عليه لـ يضع يده علي العرق النابض بـرقبته تنهد حين وجده ينبض دس يده بـجيب بنطاله و اخرج هاتفه يحادث شقيقه الاصغر (اياد) و حين اتاه الرد هتف شريف سريعاً :
_ الو اياد انت لسة في شقة شهاب .. كويس تعالي علي بيت حماه بسرعة شهاب اغمي عليه

اغلق الهاتف دون اي كلمة اخري حتي يتحرك شقيقه بـشكل اسرع و بـالفعل ما مرت سوا ثلاث دقائق و كان شادي بـالشقة يبحث عن شهاب لـ يخرج له شريف نحو شقيقه لـ يتحدث اليه بـسرعة قائلاً :
_ عايزين نخرجه من غير ما حد يشوفه ابعد الناس اللي هنا دي و تعالي

انصرف شريف الي شقيقه في حين اصطنع حجة لكي لا يبقي احد امام الباب الجانبي للشقة و ذهب لـ يحمل شقيقه الاكبر مع شريف نحو الاسفل سريعاً قبل ان يلاحظ احد …

وقفت زينة جوارها تربت علي كتفها حين وقفت فجأة مالت تهمس بـاذنها :
_ مالك يا فيروز

نظرت اليها فيروز بـتوتر جالي علي ملامحها و هي تقول :
_ قلبي اتقبض حاسة اني فيه حاجة

نظرت زينة حولها تتفحص الجميع حولها و من ثم همست لها :
_ طب اهدي مفيش حاجة انتي بس متوترة

اقترب احمد منها ينظر اليها بـابتسامة و هو يقول بـهدوء :
_ في حاجة يا فيروز

نظرت إليه مبتسمة و هي تهز رأسها بـنفي قائلة :
_ لا ابدا يا احمد مفيش حاجة صدعت شوية بس

_ لو عايزة نخلص الحفلة كفاية كدا

تحدث احمد بـجدية لـ تبتسم هي تقول بـاحراج :
_ لو مش هتضايق ياريت

هز رأسه بـنفي يقول بـهدوء :
_ لا ابدا مش هضايق و لا حاجة ثواني

ذهب لـ يتحدث مع اكرم لـ ينهي هذا الحفل لـ تنظر زينة الي فيروز موبخة إياها :
_ انتي غبية يا فيروز يا بنتي افرحي شوية بلاش نكد

تأففت فيروز و هي تنكزها قائلة :
_ افرح اية انتي كمان انا عايزة ارتاح و بعدين هفرح ازاي و قلبي مقبوض كدا خلينا نخلص الحفلة بدل ما تحصل حاجة تنكد علينا كلنا

_ ربنا يستر روحي بقي يا عروسة سلمي علي حماتك العزيزة

دفعتها زينة بعد جملتها لـ تتقدم من والدت احمد لـ مصافحتها و انتهي الحفل علي خير و ذهب الجميع حتي والدت احمد اصرت علي الرحيل جلس احمد جوار فيروز علي الاريكة في حين اشارت اليه بـالطعام الموجود اعلي الطاولة امامهم و هي تقول :
_ مبتكلش لية يا احمد الاكل مش عجبك