روايه جديده ج2

اخيراً استطاعت هناء ان تبعدها عنها و هي تقول بـحدة و قسوة لم تخرج من هناء ابداً :
_ انتي اللي عملتي في نفسك و فينا كدا اخس عليكي دي اخرت تربيتي فيكي دا انا لو كنت زي اي ام مهملة سايباكي متعرفيش عن التربية حاجة كنت قولت اه لكن انا سهرت عليكي و حافظت عليكي ربيتك برموش عيني تعملي معايا كدا

صوت هناء الحاد و الباكي بـ ان واحد كان يخترق مسامع ياسمين بـقسوة مسحت هناء يدها محل قبلات ياسمين و هي تقول بـاشمئزاز :
_ الحمد لله ان ابوكي لسة مجاش و شافك كان راح فيها المرة دي

نظرت الي والدتها بتمعن و هي تسأل بـقلق :
_ هو بابا جراله حاجة

صكت هناء علي أسنانها و هي تقول بـحدة :
_ كان لازم تفكري في دا قبل ما تعملي اللي عملتيه دا

_ حصل اية لبابا ؟

تسألت ياسمين لـ تتركها والدتها و تدلف الي الداخل غير مهتمة بها لـ تركض ياسمين خلفها تقدمت منها تمسك بـيدها و هي تقول بـتوسل :
_ عشان خاطري يا ماما هليكي جنبي انا مليش حد غيركوا ابوس ايدك

دفعتها والدتها بـقوة عنها و هي ترفع سبابتها امام وجهها متحدثة بـحدة :
_ روحي عننا كملي باللي انتي فيه لو مكنتيش حامل كان ابوكي موتك غوري من هنا ياريتك موتي قبل ما تتولدي حتي و ارتحنا منك

شهقت ياسمين بـبكاء و هي تصرخ بـقهر :
_ مانا بموت فعلاً انا بموت

سقطت علي الارض تضم قدمها الي صدرها و تضع يدها علي وجهها و هي تقول :
_ انا عندي كانسر و المفروض اعمل عملية هجهض الجنين و هستئصل الرحم و شهاب رافض يعملي العملية دي قالي هيشوفلي دكتور كويس يعملي العملية

انطلقت بـالحديث دفعة واحدة و هي تبكي لـ تسقط دموع هناء رغماً عنها و هي تنظر إليها بـصدمة لـ تسقط علي الارض الي جوارها غير قادرة علي التماسك و السيطرة علي نفسها تضع يد علي صدرها و يد علي فمها و هي تستمع الي صوت ابنتها تهتف :
_ خليكي جنبي يا ماما ابوس ايدك انا مليش غيركوا

لم تستطع الرد عليها الا انها احتضنتها تمسد علي ظهرها بـحنان و هي تهمس :
_ يا حبيبتي يا بنتي يا حبيبتي

دفنت ياسمين نفسها في احضان والدتها التي تبكي بـحرقة و صوت شهقاتها مرتفع ابنتها التي جنت علي نفسها و اوقعت نفسها في بؤرة من الفساد و لكنها بـالاخير صغيرتها ام زوجها الملقي علي فراش المشفي لا حول ولا قوه له و يمكن ان يلحقه المرض مرة اخري بـاي لحظة