روايه جديده ج2

صمتت تبتلع ريقها و تتنفس بـهدوء مكملة :
_ عشان انت حتة من قلبي

تنهدت بـثقل و هي تلتفت نحو خزانة الملابس لـ تبدل ملابسها الا ان صوت الهاتف اعلن عن اتصال جديد لها توجهت نحو الهاتف ابتسمت حين وجدت زينة هي من تهاتفها فتحت الاتصال و جلست علي الفراش واضعة الهاتف علي اذنها و هي تقول :
_ انتي يا حيوانة ياللي سيباني لوحدي و انتي عارفة ان كتب الكتاب بكرا

ردت زينة عليها بـهدوء تام عكس المعتاد حتي انها ايقنت فيروز انها ليست بخير :
_ معلش يا فيروز حقك عليا هجيلك بكرا من الصبح

عقدت فيروز حاجبيها بـاستغراب و هي تقول متسائلة :
_ مالك يا زينة في حاجة

صمتت لـ وهلة ظنتها فيروز انها اغلقت الخط حتي تحدثت من جديد قائلة :
_ بابا جوزني حسام غصب عني يا فيروز و حسام رفع عليا قضية طاعة

ارتفع حاجبي فيروز بـذهول مما تتفوه به زينة و لكن قطع فترة صدمتها حين استمعت الي صوت زينة الباكية :
_ انا مش عارفة هما عملوا كدا لية

مررت فيروز اناملها بـخصلات شعرها بعدما فاقت من صدمتها لـ تتحدث مهدئ من روعها قائلة بـهدوء :
_ طب بتعيطي لية انتي مش بتحبي حسام هتفرق معاكي في اية طريقة جوازكوا

شهقت زينة بـبكاء متحدثة :
_ لا هتفرق معايا يا فيروز انا مش عايزاه غصب و من غير ما اعرف مش عايزاه و هو بيتحدي امه مش عايزاه لان بابا مجوزني ليه احترام لوصية عمي بجوازي من حسام لو بيحبني كان اتقدملي و اتكلم معايا عشان يقنعني بيه مش فجأة القيه بيقولي انا هربيكي و يبعتلي القسيمة

بكت زينة اكثر لـ تتنهد فيروز و هي تتحدث بـهدوء مواسية :
_ انتي يا حبيبتي زعلانة عشان طريقته و بس انتي بتحبي حسام يا زينة و كان نفسك ياخد خطوة هو اخد خطوة بس انتي اللي مش متقبلة الطريقة ممكن تتفاهمي معاه يا زينة بدل المحاكم و الكلام دا انتوا اعقل من كدا

_ اتفاهم في اية يا فيروز دا بعتلي انذار بـالطاعة من المحكمة و علي ايد محضر و هو كان تحت و لما نزلتله عرفت ان امه متعرفش و بتقوله اتجوزتها لية هي مش عايزني

صرخت زينة بـغضب لـ تتحدث الاخيرة بـهدوء :
_ يا حبيبتي ابعدي مامته عن تفكيرك دلوقتي انتي مش فاكرة لما بعدتوا عن بعض كان عامل ازاي هو ملوش دعوة بـامه يا زينة انتي كدا بتظلميه و عايزة اقولك انك بتظلمي نفسك كمان انتي بتحبيه يا زينة انتي ناسية انه حسام و لو كانت طريقة جوازكوا غلط حاولي معاه عشان تصلحه علاقتكوا مع بعض عشان انتي بتتضحكي علي نفسك