ملح بطعم السكر ج2

اجابته عديلة بأندفاع”
يعني مخبرش يا واد عمي ايه صاير لكبيرنا، انه بيتحدت حديت عشج لمرت خوه، اللي حمله امانتها جبل ما يسافر

تبسمت مريم وقالت اخيرا”
رياض قدها ولولا انها ممكن تتعرض لصدمة اوانتكاسة تكون السبب في فقد حملها كنت بدأت معها العلاج فوراً، لكن الضروريات تبيح المحظورات ، واللي بيعمله رياض مع ورد منتهي النبل علي الاقل بيحافظ علي ابن اخوه،وبيحافظ علي ورد من الانهيار ولا ايه يا شيخنا !

يهز راسه بايمائه خفيفه واردف بحسم”
حديتك زين يا دكتورة كل اللي جولتيه صوح وسليم ، بس الخوف لو حدا اكتشف جواز رياض من ورد جبل جاد ،الكل هيعيب فينا وفي الكبير وهيعيبو علي جاد ان اتجوز مرت خوه وهو حي ،
ينظر فجاة الي ساعته ويقول علي عجل”
انا اتاخرت جوي ،اعذروني ههملكم اروح اصلي العشا انتو خابرين اني امام الجامع وانا اللي بجيم الصلاه ،تحب تجي معايا يا صهيب تصلي العشا ، وسويلم يحصلنا لما يجيب الدكتورة ازاد ، ولا هتستني مع مرتك لاجل تروح معاها بعد ما تطمن علي ورد

هب صهيب واقفآ ليدنو منه وقال باسماً ببشاشة”
لاه هجي معاك فرض ربنا اولي وكمان هجعد مع الحريم اعمل اية، يلا هم بينا ياشيخ ياسين نجضي فرض ربنا وندعيلهم

ياخذ الشيخ ياسين وسويلم ويغادرون الي المسجد لتدخل مريم الي ورد لتطمئن عليها ،لكنها لم تستطيع مساعدتها وتطلب منهم انتظار الدكتورة ازاد

بعد دلفت علي رياض غرفته بصحبة امه لتطمئن عليه وكانت المفاجاة بانتظارهم اذا رات رياض مستيقظًا،وبخير حال وقد سألها بلهفة لدى رؤيتها”
طمنيني يا دكتورة مريم
ورد فاجت ولا لستها مغمي عليها ؟
دنت منه امه وحضنته بقوة وصاحت بفرح”
حمدلله بالسلامه يا ولدى انت زين وبخير خلعت جلبي عليك يا ضنايا ، ايه اللي حوصل ليك؟

يربت رياض علي ظهرها بحنان وابتسم لها برضي”
حجك عليا يا اماي انا خلعت جلبك، بس انا دلوج بخير كي ما انتي ناضرة ،بس بعد اذنك رايدك تهمليني لحالي مع الدكتورة مريم رايدها في موضوع واعر جوي

تؤمي امه اليه بالموافقة وتطالع مريم بريبة”
حاضر يا ولدى اللي تجوله هروح اعملك حاجه دافية لحد ما تخلص حديتك مع الدكتورة

تخرج عديله لتجلس مريم امامه وتساله بشك”
في ايه يارياض وانت فعلا تعبان ولا اية الحكاية؟!!

ياخذ رياض نفس عميق يعقبها تنهيدة قوية ويقول”
النزيف ربنا انجدني بيها، لولاه انا كنت أذيت نفسي او عنفت ورد وياعالم كان هيجري ليها اية وانت السبب يا دكتورة!