أنت عمري ج٤
بقلم أمل مصطفى
عشق بضحك والله قولتلها الكلام ده من فتره مصدقتنيش
فردوس بسعاده سيبوه ربنا يهنئ
تعب كتير يا قلب أمه وربنا أراد أن يعوضه
تمتمت عشق بفرحه
عندك حق يا طنط بعد الصبر جبر
وضعها علي كرسي الكوشه وجلس جوارها ممنوع تقومي من جنبي لا فيه رقص ولا غيره علشان ما ارتكبتش
جريمه النهاردة حتي لو صحباتك طلعوا برده لا
حاضر يا سي خالد اللي تأمر بيه
توقف عن اكمال أوامره وتحولت نظرته الغاضبه لأخري مصدومه وهو يسألها بذهول مالك يا زوبه لهجتك اتغيرت كده ليه
تتلاعب بمشاعره التي تتأجج أمامها
وهتفت بخبث أبدا يا حبيبي أنا زي مانا بس الوقت أنت بقيت جوزي وحبيبي وواجب عليا الطاعه
تحدث بهمس بت أنتي أنا أصلا مش علي بعضي مش ناقصه سهوكه
ضحكت وهي تداري وجهها بيدها
إبتسم علي تصرفها
واقترب منها وهو يهمس مين علمك الخبث ده يا روحي
نظرت له بغرام وهي تهتف أبدا يا حبيبي بدلع عليك شويه
خالد بخبث طب اثبت علي وضعك ده لحد ما يتقفل علينا باب واحد يا روح حبيبك
كادت ترد عندما صدعت موسيقي أغنية ( لعيونك ) إليسا
جذبها وقام يرقص علي نغماتها
في عيونك لغز وأسرار❤️ في عيونك رحله ومشوار
في عيونك حسيت بأمان ❤️ في عيونك قلبي أنا غرقان
علي كيفك وديني علي كيفك و ناديني و خليني في عيونك
تتحرك خطواتهم علي نغمات الموسيقي
حتي انتهت الرقصه لم يرد ابعادها عن احضانه لكنه اضطر أن يجلسها عندما
صعد أصدقائه للرقص معه فرحه كبيره القلوب يملؤها الحب و الفرحة
بعد انتهاء الزفاف ركب خالد السيارة وخلفه جميع السيارات حتي المطار
لقد حجز له أيمن تذاكر للإمارات حتي يقضي شهر العسل
في ڤيلته هناك
لا أحد يصدق أن خالد البادي جارد الذي لم يكن يملك ثمن شوز لأخيه أو درس أخته يعوضه الله بهذا الشكل
يقضي شهر العسل في دولة الإمارات ويعيش في فيلا
لكن الله وعد الصابرين بعوض يتعجب له أهل الأرض
والسماء كم أنت رحيم يا الله
(إن صبرتم أجرتم وأمر الله نافذ وإن ضجرتم كفرتم وأمر الله نافذ)
**********
#أنت _عمري
#بقلم _أمل _مصطفي
# البارت _42
***********
في الصباح
نزل زين وخلود يتناولوا طعام الفطار في الخارج قبل ان يذهب بها جامعتها
توجه بها لإحدى الكافيهات ورغم انهم من الاثرياء لكن كل شيء جذب اهتمامها دائما القاهرة بحياتها الصاخبه وشوارعها المزدحمة تخطف العيون
