أنت عمري ج٤
بقلم أمل مصطفى
نده بحب قلب عمتو انتي والله
تحدث خالد بغيرة نعم يا حجه أنت وهي بتحبوا بعض قدامي نخرج ونسيب الأوضه ولا اجبلكم شجرة واتنين ليمون
ندي وزينب في نفس واحد ياريت فراولة جذب خالد وساده من خلفه و قذفهم بها وهو يهتف في سيد خد مراتك وامشي
ضحك عليه الجميع لقد فقد صبره منذ ان فاق ويريد الزواج بأي شكل
********
في اليوم التالي
اليوم هو يوم خروجه من المستشفي أصر أيمن علي ذهاب خالد معه فيلاته
رفض خالد في أول الأمر لكنه وافق تحت اصرار أيمن الذي عزم زينب واهلها أيضا علي الغذاء عندهم من أجل عودة خالد
توجه الجميع وجلسوا يتحدثوا في مواضيع شتي حتي وضع الطعام وتناوله في جو هادي
وبعد الإنتهاء
طلب أيمن من خالد أن يتبعه لأنه يريده في موضوع مهم
تحرك خالد خلفه وجده يصعد للدور الثاني اتبعه في صمت
بينما في الأسفل هتفت فردوس بقلق تفتكروا خالد ممكن يرفض طلب أيمن أنا خايفه قوي أن خالد يرفض ويكسر
خاطر أيمن من غير قصد
اكملت بتوضيح ::
أنتم مش عارفين هو بيحبهم قد أيه أبوهم عمره ما حس بوجودهم ولا يعرف اكلوا ولا جاعوا لكن أيمن مختلف شاغل نفسه بكل صغيره تخصهم
هتف أنور بتأكيد كلنا شايفين أب بيعشق أولاده مش جوز امهم
أنا الدنيا خدت مني كتير واللي أنا شايفه قدامي أب حقيقي محب كل همه راحة اولاده وخالد ذكي واكيد شايف وحاسس بده خالد بيحبه وبيحترمه بشوف ده في عيونه
تدخلت سناء وهي تهتف هو فعلا بيحبه جدا بس خالد نفسه عزيزه وممكن ميقبلش
تحدثت فردوس بتنهيده ده دور زوبه تفهمه الموضوع وتقربه ليه أن دي امنية راجل أتحرم من نعمة الولاد وإحنا لأزم نجبر خاطره
*********
فوق عند ايمن فتح باب الجناح دخل خالد نظر للمكان بإعجاب شديد بل إنبهار لقد كان قمه الروعه والرقي
ليفينج جميل بشاشه كبيره
غرفة نوم أكبر من شقته مفروشه علي احدث طراز بها حمام خاص
وغرفه أخري للأطفال ومطبخ مجهز بكل الأجهزه وحمام آخر
فاق علي سؤال أيمن أيه رأيك يا خالد في ذوقي
هتف بصدق جميله جدا تتهني بيها يارب
نظر أيمن بعيونه ينتظر رد فعله وهو يهتف تتهني بيها أنت و عروستك يا حبيبي
نظر له خالد بعدم استيعاب قصد حضرتك أيه
ده الجناح اللي هتتجوز فيه
خالد بهدوء بس أنا عندي شقتي و بشطب فيها وإن شاء الله تخلص قريب بس حقيقي بشكرك علي اهتمامك
