عرفته واحببته وزوجته في يوم واحد ج2
بقلم راندا عبد الحميد
وفعلا لبسوا وراحوا المكتب الأول…. واتفقوا معاهم… وبعدها كملوا على
الفندق واتفقوا على الأكل والمشروبات والحلويات… واتعشوا هناك…. وبعدها أخد وليد روني واتمشوا على الكورنيش… وكانت روني فرحانة بالجو والنيل والأضواء اللي ظاهرة بشكل لامع جذاب من المراكب والعبارات النهرية وبتبص علي كل العشاق بسعادة…
وساعدها وليد وقعدت علي السور وقعد جمبها وحاوط كتفها بذراعه وابتسم لبريق السعادة في عنيها .. وفضلوا يحكوا ويهزوا سوا… وكل شوية حد يعرف وليد يقرب منهم ويسلم عليه ويتصور معاه… فنزلوا وأشتروا درة أكلوها وهما بيتمشوا وبعدها رجعوا لعربيتهم وروحوا….
،،،،،،،،
تاني يوم … وصلت مهندسة الديكور واستقبلتها روني ووليد… وأتفرجت علي الشقة… واتفقوا علي الأماكن المتاحة عشان الضيوف …. وأعادوا ترتيب بعض الحجات لعمل توسعات في المكان…
واتفقوا علي الحجات اللي تشتريها المهندسة والإضافات واختاروا التصميمات من الكتالوج…. واتفقوا يعلقوا الزينة يوم الحفلة… وتوصل المهندسة يوم الحفلة مع فريق العمل الساعة11 الصبح… وهتصمم بعض الهدايا البسيطة مكتوب عليها أسم ((روني و وليد)) كهدايا للضيوف… ورفضت راندا يتكتب أسمها ((راندا))… وطلبت يكون ((روني)) زي ما وليد سماها…
وتاني يوم نزلت مع مرات خالد يشتروا فساتين سيواريه… وحجزت روني مع بيوتي سنتر عشان يبعتوا ليها حد من عندهم يعملها ماسكات ولفت طرحة بدون ميكب يوم الحفلة… وده بناءًا علي طلب وليد قبل ما تبلغه أن دي رغبتها برضوا… وهي كانت سعيدة بغيرته… مع أنها كانت متاكدة أن زوجات أصحابه هيبقوا عملين البدع… بس ما فرقش معاها لأن دي رغبتهم ومن قبلها رضا ربنا…
،،،،،،،،،
وجه يوم الحفلة… ووليد راح التدريب الصبح واخذ بدلته وكل احتياجاته وكان حاجز في ألفندق من قبلها بيوم…. وراح التدريب الصبح وبعدها على الفندق.. .
أما روني صحيت الساعة 10 الصبح… أخدت شور ووضبت الشقة وكان معاها مرآة البواب (هنية)…. ووصلت المهندسة وعمالها وبداوا الشغل…. وعلى الساعة أثنين طلبت روني غدا من المطعم القريب ليها وللعمال وكل اللي موجودين… وتغدوا وكملوا شغل… ووصل الجاتوه العصر عشان يكون فرش… ووصل العشا بعد المغرب على الساعة6…
وحضر وليد الساعة ستة ونص…. ومشى العمال ماعدا هنية وطقم السرفيس عشان يقدموا الأكل وكان كل حاجة جاهزة… وعجب وليد النظام والترتيبات…
ودخلت روني واخدت شور وكانت متفقة علي وصول عاملة ألبيوتي سنتر الساعة 7 عشان تلف الطرحة… وبالعافية بعد ما أتحايلت على وليد رسمت عنيها كحلة…. بس أشترط تفضل جنبه طول الحفلة…
،،،،،،،،،،،
