عرفته واحببته وزوجته في يوم واحد ج2

روني حبيبتي… أرجوكي كلميني ما تسكتيش… قومي وعاقبيني بأي طريقة بس ما تسكتيش… أنا عارف أنك زعلانة… وكمان مخصماني ومش عايزه تكلميني… وده حقك… وعارف أنى غلطان قوي كمان وبعترف بكده… روني… مش عارف أقولك إيه أو اعتذر إزاي… روني أنا عارف أنك طيبة وهاتسمحي… صح يا حبيبتي… هتسامحيني يا روني… وبكي وليد زي الطفل الصغير وقال : روني والله أنا غلطان…. أعملى فيا أي حاجة تعجبك بس ما تسكتيش كده وتخاصميني… روني عشان خاطري ردي عليا… أنتي عارفة أني مش بتحمل سكاتك وخصامك… أنا مليش غيرك… روني طيب عاقبيني براحتك بس ما تسكتيش كده بالله عليكي… طيب قومى عشان تاخدى شور… أنتي بتنزفي من كل حته… حقك عليا يا حبيبتى سامحينى…

وقرب منها أكتر وهمس قريب من وشها بحنان : تحبى أساعدك يا عمرى؟ هساعدك بالراحة خالص صدقيني مش هوجعك تاني…

ولما لقاها مش بترد ابتسم بوجع وقال بمشاغبة متصنعة : طيب مش
مكسوفة منى وأنتي كده قدامى؟… إيه عايزانى ابص عليكي؟… أنتي عارفة ما هصدق وهقول ده حقي… طيب مش هتخبي وشك بإيدك وتتحرجي مني… طيب قومى اضربيني زي ما بتعملي وإنتي مكسوفة مني…

ولما مالقاش في رد… قال في نفسه أكيد بتتألم بشدة عشان كده مش قادرة ترد عليه… وقام شد مفرش السرير وغطاها بالراحة عشان ما يوجعهاش…
وقعد جنبها ومسح علي شعرها بهدوء شديد وقال بهمس وحنان : شايفة… اهه غطيتك عشان ما تقوليش أنى قليل الأدب وما بصدق… بس عشان خاطري حاولي تقومي عشان تلبسى هدوم غير دى… وأنا هرمي الهدوم دي… خلاص بقيت مش بحبها… وشها وحش علينا… أنتي معاكي حق… هدوم العرايس دي وحشة… روني عشان خاطري قومي بقي.. والله مش قادر أشوفك مبهدلة كده… ومش عايز المسك فتتوجعي وتزعلي مني…

ورن تليفون وليد وكان خالد صاحبه… ففتح وليد الخط وهمس لروني بتحذير مشاغب وحنان : هتردى عليا ولا اقول لخالد يجى عشان نمثل عليكي وتصالحيني… دي أخر فرصة عشان تصالحيني من نفسك قبل ما أعرفه…
ولما ماردتش غمض عنيه بوجع ونزلت منه دمعة يائسة… وقال : ايوه يا خالد…
فقال خالد بمرح : وليد باشا… معلش لو كنت غلست عليك في شهر العسل المتاخر ده… بس بطمن عليكم وصلتوا ولا لسه؟
فرد وليد وقال بضياع : خالد… روني مخصماني… ومش راضية تكلمني… تعالى بقا صالحنا تانى…
فضحك خالد وقال : إيه ده؟… أنتوا لحقتوا؟ عملت إيه زعلها يا كبير… أحكيلي بالتفصيل…
فقال وليد وهو كان زى التايه وعنيه زايغة في كل مكان : مش عارف… كنت في البسين وسمعت الجرس… فطلعت أشوف مين… ولقيت محمود علوي واقف مع روني وبيكلمها كلام… كلام مش عارف… شكلي فهمت غلط… هي… هي… ايوة فهمت غلط…