عرفته واحببته وزوجته في يوم واحد ج2

((الحلقة التاسعة))

تاني يوم صحي وليد وروني وبعد ما صلوا الفجر… طلبت روني أنها مش هتروح النادي غير لما يعرف وليد مواعيد تدريب الكابتن محمود أمتي… وهتروح في الأيام اللي مش هيكون فيها… لكن ما أتكلمتش برضوا في الحصل… لأنها لسه حاسة مضايق وبيفكر فمش عايزه تزود عليه بكلام ممكن يدايقه… وقالت كفاية عليها أنه ابتسم والمشاكل الكلام فيها بعدين…

وفضلت ثلاث ايام في البيت… وفي يوم الرابع الساعة عشرة الصبح خبط الباب ولما فتحت شافت هنية مرات البواب… فابتسمت وقالت : صباح الخير يا هنية…أزيك عامله إيه؟
فردت وقالت : صباح الورد والياسمين يا ست العرايس … الحمد لله بخير…
فقالت روني : تعالى ادخلي واقفة ليه ؟..
فقالت هنية : ربنا يخليكى يا ست الستات… أنا بس طلعت اديكى العلبة دي واحد جه دلوقت وقال أجيبهالك…
فأخدتها روني منها وقالت : أكيد عشان وليد… شكرًا يا هنية….
فردت هنية : لا يا هانم دا أكد عليه ادهالك أنتي مش الكابتن وليد…
فاستغربت روني وقالت : ليا أنا ؟
فقالت : ايوه دا مأكد عليا لو مش أنتي اللي فتحتي ما ادهاش لحد لغاية لما أشوفك لوحدك وادهالك…
فقالت روني بتفكير : طيب شكرا يا هنية بارك الله فيكي…
ومشيت هنية… واخدت روني الهدية ودخلت الصالون… وكانت عبارة عن علبة ملفوفة بطريقة شيك وراقية وعليها كارت مرسوم عليه قلب مطعون بسهم… وفتحت الكارت وكان مكتوب فيه:

إليك يا أجمل عيون ساحرة… اليك يا أحلى ابتسامة.. رأيتها على شفاه…اليك يا أميرة الجمال الهادئ…وملكة قلبي… قلبي الذى أسرتيه من أول نظرة بسهم من رموشك الاسيرة … أعتذر لو أسأت تصرفي معك ..ولكنها كانت غيرة نابعة من أعماق قلبي ..فأنتي من أحببتك من أول نظرة… وأردت أن تكون أول الهدايا بيننا هو من توقظك من ثباتك؛ وتكشف لكى الحقيقة… وتنير عينيك عليها ..وأعدك بعد انفصالك عن وليد سأتزوجك وهذا وعد كتابى منى بذلك… فأنا معك ولن أتركك. ..
كما تركتي قلبي وحيد بدونك..

إمضاء الكابتن العاشق : محمود علوي…

بعد ما قرأت روني الرسالة حست ببرودة في أطرافها وخافت منها ومن تأثيرها علي حياتها… وقعدت تبصلها بخوف وقهر… وخافت يكون فيها فعلا حاجة تخليها تنفصل عن وليد أو تبعدها عنه… وحست بقلبها بيتعصر وهي بتتخيل أي سبب يخرج وليد من حياتها… وفضلت فترة على حالها تبصل للهدية بخوف وقلق… واخيرًا قررت تفتحها… واتصدمت بمحتواها لما لقيت كلها صور لوليد مع بنات في أماكن مختلفة سواء في النادي أو وهو بيلعب كورة أو على حمام السباحة أو في بار وهو بيشرب وفي حضنه بنت سكرانة… وكلها بأوضاع مش محترمة وبعضها حجات أتكسفت روني تبص عليها من الأساس… ومناظر ما كنتش تتخيل نفسها معاه كده مش مع بنت غريبة عنه…