للهوي رأي آخر ج2

ضيقت حاجبيها، امرأة، هناك امرأة في حكايته، ربما قصة حب غير ناجحة، مؤثرة به لدرجة تركه لبلد بأكملها!
_فضول البنات ده أنا عارفه، عينيك كلها أسئلة.

ابتسمت بحرج، ومسحت على شعرها القصير تهندمه، ونظرت البعيد قليلًا ثم وضعت ذلك الظرف أمامه على الطاولة، أخذه منها ياسين، وما أن رأى ما بداخله، ضحك بخفوت وهو يضعها أمامها وقال:
_عيب عليكي، ده أنتي حتى قولتلي أول مرة شوفتك ده أنا بنت بلدك، هاخد من بنت بلدي فلوس برضو.
_ده حقك، أنت مش ملزم تدفع المبلغ ده في المستشفى.
_رجعي فلوسك عيب.

كان يقولها بجديه، فامتثلت لأمره، ثم تساءل:
_انتي بتشتغلي؟
_لا، لكن بدور على شغل.

قال لها وهو يقف:
_لو حابة تشتغلي معايا ما عنديش مشكلة، كلميني وأعرف عنوان الشركة، مضطر أستأذن دلوقتي عندي اجتماع مهم.

رأته يتحرك أمام أنظارها، تتابعه بفضول وشغف لم يثيرها برجل من قبل، لكنها كاذبة، ولم تحتاج للعمل، ولكنها شعرت أنها فرصة للتقرب إليه، غير قادرة على التغلب على ذلك الشعور.

………………..

خرجت من السيارة أولًا، بعد ما توقفت أمام قصره، كانت تتحرك أشبه للركض، فاستوقفها بيده حتى توقفت أمامه و شهقت ببكاء كانت تكتمه طوال طريقهم وكان يعلم، وقف قاسم أمامها فانظرت إليه بعينين باكيتين:
_أنا مخنوقة.

بتردد مسك كتفيها وقال بخفوت:
_فيروز أنا عايزك قوية، بلاش أي موقف يضعفك، دي مريضة كلهم مرضي، نفوسهم جشعة مؤذية.

ثم بعزم أكمل:
_حقك والله ما هاسيبه، أنا لسه ما عملتش فيهم حاجة، أنا بس حبيت أوريكي إن أي حد أذيكي أو ظلمك مش هايعدي من تحت إيدي.

فابتلع غصة بحلقه وردد:
_حتى أنا، عمري ما هسامح نفسي على اللي عملته فيكي.

_أنا عمري ما أذيت حد، ولا اتمنيت شر لحد، ليه اتخبط في الدنيا بالشكل ده؟

انتبهت إليه وهو يخرج ورقة مطوية من جيب بنطاله، فتحها أمام أنظارها، ووضعها في يدها، قرأتها بفضول وترقب، ثم نظرت إليه بتفاجئ فقال وهي يحرك رأسه مؤكدًا:
_حقك رجع، أنا عارف إنه سرقه من والدتك، ده حقك، وقت ما تحبي تشوفيه في أي وقت قوليلي، ولو تحبي تغيّري فيه أي حاجة اعملي اللي أنتي عايزاه.

ببهوت قالت فيروز مصدومة:
_رجعت البيت، وبأسمي!
_حقك.

ضمت شفتيها، كانت آخر دمعتين تساقطتا، فمسحهم قاسم بأبهامه مبتسمًا لها، ولأول مرة بعد ما حدث بينهما، تبتسم له فيروز، له هو خصيصًا، وتحركت شفتيها بهمس التقطته قائلة:
_متشكرة.