نفوس قاسية ج3

ابتسم لها آدم وقال:
– هاتي رشدي وعمران ومحمد وهاتي كل الاسامي اللي تحبيها بس الاول ادعي تكوني حامل فبنت أنا بتمنى يبقى أول فرحتي بنوتة اعشقها زي ما بعشقك.

أحست سهر بقلبها ينبض حبا لآدم فحدقت بعيناه وقالت تشاكسه:
– عارف يا آدم لما بتضحك بتبقى حلو أوي وبحس عنيك بتشدني وبنسى الدنيا كلها.

اقترب منها آدم وقال:
– وأنا لما بتضحكي ببقى عايز.

صمت آدم وعيناه تحدق بشفاه سهر فسألته سهر وقالت:
– عايز أيه يا آدم.

ازدرد آدم لعابه وقال بصوت اجش:
– تعالي ندخل جوا وأنا هقولك على كل حاجة.

أحست سهر بوجهها يشتعل بسبب تحديق آدم بها وقالت:
– لا ما أنا جعانة ومش هتحرك من هنا ألا لما تقوم وتحضر لي أكل حلو كده من إيديك وبعدين أدخل.

اقترب آدم منها فنظرت سهر حوالها بسرعة وقالت:
– آدم أعقل احنا فالجنينة والحرس بتوعك موجودين بلاش جنان لو سمحت.

وقف آدم فجأة ومد يده لسهر فوضعت يدها وتمسكت بكفه فجذبها آدم لتقف وسار بجانبها يحاول تمالك نفسه فأحساسه بحاجته إليها جعلت اعصابه مستفزة وما أن أغلق الباب خلفهما حتى ابتعد عنها وقال:
– على ما تاخدي شاور هكون حضرت لنا حاجة خفيفة.

ابتسمت له سهر وقالت:
– لا خليك أنت يا آدم أنا نفسي أحضر لنا الأكل.

احتضنها آدم بحب وقال:
– طيب أيد على أيد تساعد نحضر سوا يلا بينا يا قلبي.

جلس آدم وسهر يتناولان الطعام في صمت، فحاول آدم قطع الصمت حاول أن يتحدث ولكن الكلمات هربت منه، فهو يشعر وكأنها الليلة الأولى التى يجمعهما بيت واحد فيه أحس بغرابه تفكيره فحاول إبعاد عيناه عن شفتاها الوردية، فحدق بعينيها ليجدها تحدق به فوقع أسير جنتها الخضراء فترك ملعقته واسند ذقنه على يده وتنفس ببطء مثبتا نظراته عليها، ابتلعت سهر طعامها ببطء وهي تفكر بآدم فهي تشعر بالجو حولها مشحون فنظرات آدم لها تصيبها بالقشعريرة خاصة أنه يحدق بها بطريقة غامضة، أحست بضربات قلبها تزيد فتركت طعامها وغادرت مقعدها وسارت ببطء ووقفت أمام آدم وتنفست ببطء وجلست على قدميه وحدقت في عينيه وقالت بهمس:
– سرحان فأيه يا آدم.

أحاطها آدم بذراعيه وقال وهو يقرب وجهها منه:
– سرحان فيكِ وفجنة عيونك اللي كل ما ابص لهم ابقى عايز اسكن جواهم.

رفعت سهر أصبعها ومررته بتهور على شفتي آدم وقالت لتزيد الموقف اشتعالًا وهو تحدق بهما:
– ما أنا كمان لما بشوف عيونك مش بقدر أبعد عنهم بغرق فيهم.