نفوس قاسية ج3

حدق بها فؤاد بغضب وقال:
– أنتِ بتاعتي يا سهر مراتي والمسك زي ما أنا عايز أنتِ اللي لازم تفهمي كده زي ما والدك فهم قبل ما يموت.
طعنه تلو الاخرى أدمى بها فؤاد قلب سهر فها هي تسمع ما كانت تخشاه، فحاولت التماسك ولكن جسدها أبى أن ينصاع لها فسقطت أرضًا وهي تبكي وقد اشتعل قلبها ألمًا يمزقها فقالت بصوت يكاد يسمع:
– أنت اللي ق\تلت بابا يا فؤاد مش كده.

أبتعد عنها فؤاد وجلس على مقعد بجانب نافذتها المغلقة وقال بصوت تائه:
– كان لازم أق\تله يا سهر أومال كنتِ عايزاني أسيبه يبيع البيت هنا ويخدك ويعزل لمكان معرفش طريقه، مقدرتش اسيبه يبعدك عني اتصلت بيه وكلمته أنك واقفة مع واحد فالشارع وهتركبي عربيته وقلت له لو مش مصدقني يجي يشوفك بنفسه، ونزل ودخل المصيده برجله خطفته ولما عرف أني كذبت عليه اتعارك معايا وقالي أنه خلاص هيرجع فاتفاقه مع محمود، قالي أن والدتك جات له فالمنام وقالت له أحمي سهر وأهرب بيها، ولما واجهته أنه مش عايز يجوزك لحد علشان بتفكريه بوالدتك، قال لي آه وفضل يعيط زي العيل الصغير أنه ندمان على قسوته عليكِ وحاسس أن ربنا هيعاقبه على كل حاجة عملها فيكِ وخصوصًا أنه دخلنِي البيت عنده، ساعتها قلت له أني مش هسمح له يطمع فيكِ محستش بنفسي إلا وأيدي غرقانة بدمه، أنا ق\تلته علشان أحميكِ منه دا إنسان طماع كان عايز يبيعك للي يدفع اكتر أنا أنقذتك من شره.

انهارت سهر بكاءًا فصاح بها فؤاد وقال:
– متعيطيش عليه دا ميستحقش دمعة منك ولا حتى محمود ولا آدم محدش فيهم يستحق تعيطي عليه.

نظرت سهر إليه بكراهية وقالت:
– وأظن أنت اللي تستحق صح يا فؤاد.

كاد فؤاد أن يجيبها ولكنه صمت فجأة وهو ينصت لصوت ما فوقف ينظر إليها ثم قال:
– قومي أطلعي على السرير علشان اكتفك تاني يلا أتحركي.

شعرت سهر بالذعر وقالت بضعف:
– مش أنت قولت مش هتكتفني تاني وأنك بتحبني بص أنا مش هتحرك أصلًا أنا تعبانة أصل مأكلتش لو هتقفل عليا الباب أقفل بس بلاش تكتفني يا فؤاد أرجوك.

جذبها فؤاد بحدة وقال:
– مش هتضحكي على فؤاد يا سهر عمرك ما هتضحكي على فؤاد.

تلوت سهر بين يديه وهو ترجوه أن يدعها ولكنه لم يستمع لها ف قيد يداها وقدميها مرة أخرى ووضع ذلك الشريط اللاصق على فمها وغادر الغرفة وأغلق الباب خلفه وتوجه إلى باب المنزل وطرق عليه ثلاث مرات ففتح الباب من الخارج، فاستقبل فؤاد أحد رجاله بترحاب وأخذ منه الحقيبة وأغلقه مرة أخرى ليسمع صوت إغلاق الباب من الخارج مرة أخرى.