نفوس قاسية ج3

وصل آدم إلى فيلته ووجد سهر بانتظاره فتقدم منها وهو يبتسم بهدوء وقال:
– جنتي عاملة ايه.

احتضنته سهر وقالت:
– جنتك بخير هتوديني عند ماما صفية زي ما وعدتني.

قبلها آدم ونظر لها باسف وقال:
– مش هينفع يا سهر يادوب نروح المستشفى وارجع على الشركة النهاردة يوم عالمي مينفعش اتأخر عليه.

تذمرت سهر وسارت بجانبه في صمت، قاد آدم سيارته ببطء ولكنه لم يدر لما شعر برغبة ملحة في أخبار سهر فأوقف سيارته ونظر إلى سهر وقال:
– سهر لو قلت لك أن في حد قدمتي له معروف وخانك تحكمي عليه بأيه.

التفتت سهر بدهشة وحدقت تحاول فهم قصده وقالت:
– مش فاهمة يا آدم.

نظر لها آدم بحدة وقال:
– معنى كلامي واضح تحكمي بأيه يا سهر.

حولت سهر وجهها عنه وقالت وهي تنظر من النافذة بجانبها:
– تبعد عنه بس مترجعش فالمعروف اللي عملته.

ضرب آدم مقود سيارته بعنف فانتفضت سهر وقالت:
– مالك يا آدم أنت سألت سؤال وأنا بجاوبك خلاص خان المعروف أبعد عنه بس متسحبش معروفك منه لأننا مش بنتعامل مع بعض يا آدم احنا بنعامل ربنا.

بهتت ملامح آدم ونظر إلى عينا سهر لتفاجئه بقولها:
– ربنا لما بيحط حد فطريقك علشان تساعده بيكون كاتب اللي جاي بعد كده هيبقى أيه، بس بيمتحنك أنت بموقفك معاه سواء كان يستحقه أو لا، المهم امتحانك أنت ساعدته وقفت جانبه عملت اللي عليك يبقى تمام، النتيجة حسابها عند ربنا رد فعل اللي ساعدته دا صان فدا امتحانه هو لو خان يتحمل عاقبه أعماله.

التقط آدم كف سهر وقبله وقال:
– طيب اسمعيني كويس وأتمنى تستوعبي اللي كان ممكن يحصل لو مكنتش أخدت حذري يوم لما داليا جت وصممتي أني أشغلها، كلفت مهندس عندي يحط فالمكتب كاميرات، ولما سافرنا تابعت المكتب من هناك وعرفت أن داليا بتفتش على ملفات معينة، كلمت إسماعيل وراقبها وعرف أن عمي للأسف بعتها تاخد ملفات معينة من مكتبي، ودلوقتي زمنها بتنسخ كل حاجة من على اللاب بتاعي علشان تبعتهم لعمي، طبعا للأسف بردوا أن عمي مافيش عليه أي إدانة قانونية لأن المحاثات كانت بينهم فالتليفون، وعلى ما نثبت هناخد وقت طويل وللأسف اللي هتيشيل الليلة هي داليا لوحدها، أنا آسف يا سهر أني خبيت عليكِ وآسف أني اضطريت أقولك دلوقتي بدل بالليل بجد مش عارف ليه قلت لك دلوقتي.

استمعت سهر لكلمات آدم وحاولت استيعاب مدى سذاجتها وشعرت بأن داليا استغلتها بطريقة مريعة فدمعت عيناها وقالت بحزن:
– أنا اسفة يا آدم أني كنت نقطة الضعف اللي استغلوها علشان يوصلوا ليك بس أنا فعلا لازم اتغير و.