نفوس قاسية ج3

ازدرد آدم لعابه وقال:
– سهر أنا اللي بغرق فيكِ وأنت بتلعبي معايا بالنار و.

ابتلع آدم باقي جملته حين فاجأته سهر وجذبت رأسه إليها لتقبله بجرأة ويدها تلعب فأ شعره بتهور، حملها آدم وتوجه إلى غرفتهم وقال وهو يضعها فوق فراشهم:
– يعنى أنا خايف عليكِ من تهوري وأنتِ مصممة تولعيني بنارك.

ضحكت سهر وتحركت مسرعة مبتعدة عن الفراش وقالت:
– أستحمل يا دومي أنا هدخل أخد شاور.

صمتت سهر حينما لمحت آدم يسرع خلفها فضحكت حين لحقها وامسك بها فقال وهو يحملها:
– لالالا انسي أنا سبتك تعملي اللي أنتِ عايزاه ليكِ شهر، دلوقتي بقى لازم تسددي اللي عليكِ بالثانية الواحدة أنا مش ناسي كلامي معاكِ وأظن أنتِ منستيش.

احتضنته سهر وقالت:
– من غير عقاب يا أحلى آدم فالدنيا دي كلها.

قبل آدم يدها وقال:
– مولاتي الجميلة تسمح أعيشها من النهاردة ألف ليلة وليلة وكلها ليال حب وتعوضني غيابها عني.

قبلته سهر وهي تحتضنه وقالت بخجل:
– بعشقك يا آدم.

—————-

ومرت الأيام واقترب حفل زفاف منال لتنشغل سهر مع منال في تجهيزات حفل زفافها وجاء اليوم المنشود وأطلت منال بفستان زفافها الابيض، ووقف سهر بجانبها وعينيها تلمع بسعادة وحزن وحينما تسلم هاني يد منال من عمها احتضنها وهمس لها:
– كان مفروض تلبسي نقاب علشان الجمال دا محدش يشوفه غيري أنا وبس ماشاء الله عليكِ أنتِ أجمل من البدر.

رفعت منال عينيها بخجل إلى وجه هاني وابتسمت وقالت:
– خف عليا يا هاني اليوم لسه فأوله وأنا مش حمل كل الكلام الحلو دا.

قاطعهم صوت آدم الذي تقدم ليقف بجانب سهر وقال:
– يلا يا دكتور الناس زهقت من الانتظار ابقى قول لها اللي أنت عايزه لما تروحوا.

ضحك هاني وقال:
– ايوة بقى هنبدأ بص يا آدم أنا أعمل اللي أنا عايزه دا فرحي وهي ليلة فالعمر.

أحس آدم بارتجاف سهر وهو يضمها إليها ونظر إليها ولاحظ غيام عينيها فمال عليها وقال:
– حبيبي ماله عيونه مش بتضحك ليه.

ابتسمت سهر باضطراب وقالت:
– مافيش يا آدم انا بس حاسه بتعب من المجهود تعالى نقعد أنا مش قادرة أقف.

شعر آدم بالقلق عليها فسألها بلهفة:
– تحبي نروح لدكتور يا سهر أنا عارف أنك أجهدتي نفسك الأيام اللي فاتت مع منال و.

توقف آدم عن إكمال حديثه حينما شاهد الدموع فى عين سهر فجذبها وغادر برفقتها من القاعة إلى إحدى الشرفات واسندها إلى حائط الشرفة وقال:
– لا في حاجة يا سهر وعنيكِ مش عارفة تخبي ومليانة دموع.