روايه احببتك يا صغيرتى
ولو طلعت الاولى بيعملى برنامج تحفه من الفسح والهدايا واللعب .
فعشان كده كنت باحب اذاكر اجازه ودراسه عشان اطلع الاولى .
وعلى كتر الهدايا الجابهالى فى عمرى كله الا انى ما استعملتش
ولا واحده .
عملت درفه مخصوص ليها فى دولابى .
وكنت باشيل فيها الهدايا وكل فتره اطلعهم اتفرج عليهم واشيلهم
كنت بخاف يضيعوا منى او يبوظوا فكنت باحتفظ بيهم .
كمان لينا كذا البوم صور مع بعض . كنت كل ما اجيب طقم جديد
يصورنى بيه ولو فى مناسبه يصورنى . ولو نجحت يصورنى .
كان بيحب التصوير وكنت بحب اتصور معاه والالبومات العندى كلها
بتاعتنا .انا وهو بس .
وعندنا البومات للعيله بس مش قد بتاعتى انا وحسن وكل صوره
كاتب عليها سببها والتاريخ عليها.
كنت وانا صغيره كل فتره نروح اوضتى وياخدنى فى حضنه على
السرير ونقعد نطلع كل الصور ونتفرج عليها ونفتكر مواقفنا فيها .
بس لما كبرت بقينا بنقعد على مكتبه جنب بعض ونتفرج .
وضحكت وقالت : اصل كل حاجه بينا ليها طريقتها وشكلها ونظامها
الخاص بينا انا وحسن .
الحلقه الخامسه
………………….
وضحكت وقالت : اصل كل حاجه بينا ليها طريقتها وشكلها ونظامها
الخاص بينا انا وحسن .
بصوا كده عليه شكله رياضى صح .
اصل السطح عامل اوضه فيها ادوات الرياضه وباقى السطح عامله زى
ساحه رياضيه لينا.
اقصد طبعا انا وهو .
حتى النضافه مش بيخلى حد بنضفه الا انا وهو؛
حتى ماما وخالتو والشغالين ممنوعين من طلوع فوق حتى لو
هينضفوا .
هو لما يشوف المكان اتوسخ .
يتفق معايا ويقولى اعملى حسابك بكره انه عندنا حمله نضافه .
وانا اعرف انه عايزين ننضف اوضه الادوات الرياضيه والسطح .
على فكره هو مقفل السطح من ساعت ما دخلت اعدادى عشان لو
طلعت محدش يلمحنى من الفلل الجنبنا او الشارع .
عارفين حتى مفتاح السطح ده انا الوحيده المعايا نسخه منه .
حتى خالتوا حاولت تاخده منى مره او اعملها نسخه .
بس كانت بتحلم لانه موصينى محدش ياخده منى ولا يدخله غيرى .
لان ده المكان الوحيد المحدش بيدخلوا الا انا وحسن فعايزه خاص
بينا وبس .
وانا فرحت بالفكره وعجبتنى .
وجبنا صور لينا علقناها فى كل مكان فيه وكلها خاصه بالمكان
الرياضى ده بس .
عارفين فى يوم النضافه بتاع السطح .
بنصحى الصبح عادى نفطر وتلقائى نقوم سوا نروح نجيب كل واحد
جردل ومساحه ومكنسه وقماشه ونطلع .
