على الرقاب قدر نافذ 2

هز رأسه وهو يربت على يدها بيده الحرة بحنان قبل أن ينهض ويتجه إلى الحمام بخطوات بطيئة حزينة .

_______________

عاد كل من(عسران)و(عويس)من الفندق تحمل وجوهم فرحة المصاهرة مجددا،ليلمح (عسران)(راجى)يجلس أمام المنزل،توقف بالسيارة،قائلا ل(عويس):
-إسبجنى إنت ياحاج،أنى ورايا مشوار هجضيه وأعاودلكم ،مش هعوج بإذن الله.

هز (عويس)رأسه وهو يهبط من السيارة متجها للمنزل،بينما يتابعه (عسران)حتى اختفى داخل المنزل،ثم هبط بدوره يتجه ل(راجى)و يمسك بتلابيبه قائلا بغضب:
-عتعمل إيه إهنه يابومة ؟إيه اللى جابك ورانا؟

قال(راجى)بجسد هزيل أنهكه الشوق وقلة الطعام:
-عستنى سمسى لما تطل وتضوى نهارى عشان تزول العتمة اللى عايش فيها.

قال(عسران)بإستنكار:
-كنك جنيت، هم ياواكل ناسك، كدامى على الحية أمك ،كداااامى.

إستسلم(راجى)ليد(عسران)يجرجره خلفه وقد شعر بالضعف ،ليضعه فى مكانه بالسيارة ويصعد بدوره إليها يقودها إلى بلدتهم بسرعة وكأنه يسابق الريح.

____________

كانت تجلس منهكة بعد ليلتين قضتهما فى القبور ،تصنع العمل ل(مهران) ،وتدفنه هناك،طرقات عنيفة على الباب فتحاملت على نفسها ونهضت تفتحه،ولكنه فتح فجأة ووقف (عسران)على عتبته،يمسك بتلابيب إبنها شاحب الوجه مغبر الثياب،ظهر على ملامحها الجزع وهي تجرى عليه قائلة:
-راجى..ولدى ..عملت فيه إيه ياعسران؟

دفعه (عسران)ليقع بين يديها فاسرعت تسنده و(عسران)يقول:
-أنى لساتنى معملتش حاجة بس جسما عظما لو جرب من بتنا تانى لأجتله وأشرب من دمه كمانى.

قالت (عوالى)بغضب:
-جادر وتعملها ياإبن إحسان،جادر تجتله بدم بارد ولا كنك بتجتل حشرة وبتدوسها برجليك،جادر تجتل ولدى اللى ماليش غيره بالدنيا،سندي وعزوتي وناسي،وتحسرني عليه،بس ياترى لو تعرف إن الواد ده من صلبك هتجتله برديك بدم بارد إياك؟!

إتسعت عينا(عسران) بجزع وهو ينقل بصره بينها وبين (عوالى)قبل ان يستقر بصره على (راجى)الذى طالعه بعيون ذابلة وأنفاس متهدجة وجسد على وشك الوقوع أرضا ،ليستمع إلى صوت (عوالى)وهي تقول بشماتة:
-إيون ياعسران،ملى عنيك منيه،عيشبه جدك صالح الله يرحمه مش إكده،لازمن طبعا مش حفيده،إتطلع ياعسران لولدك منيح،ولدك اللى إتخليت عنه وعن أمه زمان،وجه الوجت عشان تدفع التمن.

كاد (عسران)ان يقع أرضا من هول الصدمة ولكنه إستند على الجدار وألم فى قلبه يزداد …مع الوقت.