على الرقاب قدر نافذ 2

إتسعت عينا (عوالى)بصدمة قائلة:
-شكلك جنيت صوح ياحزين وعتغفلجها ع الكل.

قال بمرارة:
-إيوة جنيت،جنيت ياأما ومعيرجعش العجل جواة راسى غير رجوعها لية.

مال على يدها يقبلها قائلا:
-أحب على يدك ياأما ترجعيهالى،رجعيهالى وأنى أبجى خدام تحت مداسك.

نفضته بعيدا قائلة بغضب:
-فوج ياحزين،متخليش العشج يضعفك،العشج موارهوش غير الحزن والجلم ،موارهوش غير الخراب وإسألنى آنى،عشجت زمان ،حبيته من كل جلبى ومكنتش رايدة فى الدنيا دى غيره،باعنى عشان العادات والتجاليد،باعنى عشان ينول رضا أهله،ونوار عتبيعك عشان خاطر أهلها وحتى لو إتمسكت بيك عسران عيموتك ولا تتجوز بت أخته،ماهو مش ممكن يجوز هوارية لجربوع زييك.

قال(راجى)بعذاب:
-يبجى تموتينى الحين وتريحينى ياأما،خلصينى من اللى أنى فيه،أنى مش جادر أتحمل غيابها،بجت إدمان عيسرى فى دمى وبعدها بيجتلنى بالبطيئ..أنى…..

لطمة على وجنته أخرسته تماما وهو يتطلع بصدمة إلى والدته التى لطمته بغضب،قائلة بصوت كالفحيح:
-إسمعنى منيح ياإبن عوالى،أنى ميطلعش من رحمي راجل ضعيف عينوح ويبكى كيف النسوان،جوى جلبك ودوس عليه لأجل نجدر على اللى جاي، لإنى مش هجدر عليه لوحدى،وبحذرك من دلوجتى ،لو لجيتك عتبكى كيف الولايا يبجى أحسنلى أجتلك بيدى وأدفنك بأرضك وأيأن إنى مخالفتش واصل.

طالعها بألم لتردف قائلة بصوت حمل ألم الماضى وغضب الحاضر ممتزجين:
-أنى ربيتك عشان تساعدنى فى إنتجامى منيهم،مش عشان تضعفنى وتوطى راسي ليهم ياإبن بطنى،أنى ربيتك عشان تكون لى سند ياخدلى حقى من اللى إستباح شرفى وفى الآخر رمانى كيف مابيرمى أي حاجة ملهاش عازة عنديه،رمانى وفى بطنى جطعة منيه،ولد معرفاش هربيه كيف وإزاي،أنى خلفتك و ربيتك عشان تاخد معايا بتارى من اللى هملنا وراح إتجوز حدا من دمه ،حدا يليج بيه وبمستواه ونسانا كيف ماكنا ولا شي بالنسبة ليه،بس وحياة جصقجوصي الطاهر ده لعخليه يندم على عملته السودا معانا ،وحياة جصجوصى الطاهر ده لعخليه يحب على يدى ويجولى حجى برجبتي ياعوالى،سامحينى الله يرضى عنيكى وبردك مش هسامحه ولا عرحمه.

كان يستمع إليها بصدمة،لقد أخبرته بأن والده مات قبل ان يولد وها هو يكتشف انه حي يرزق،تبغى منه (عوالى)إنتقاما يبرد نارها،إكتشف أن والده حي يرزق وهو يعيش يتيما دونه،والأدهى خشيته من هوية هذا الأب الناكر لأبوته،هل هو من يظنه حقا وتشير إليه كلمات والدته،ليسألها مباشرة بعيون إلتمع فيها الخوف:
-جصدك مين ياأما؟أبويا يبجى مين؟