(أشباح المخابرات 1) من الفصل الاول الى الخامس
بقلم أية محمد رفعت
زم شفتيه بنفورٍ منه، بينما يستطرد “هارون” وهو يضع قدمًا فوق الاخرى بثقة وتعالٍ :
_تسليم الألماظ هيكون النهاردة بالليل، المكان والتوقيت هيتبعتلك قبلها بنص ساعة.
واستكمل وهو يسحب سيجار من عُلبة “كنان” الذهبية، يرتشفها وهو يتابع بنظرة حادة:
_هتحتاج معاك رجالة أد إيه؟
انزوت شفتيه ببسمة مخيفة، وقال:
_إنت عارف إني مبعتمدش على حد زيك.
استشاط “هارون” غاضبًا، وسدد كلماته اللاذعة له:
_مهو ده اللي خلى الديزل يستغنى عنك بعد ما كنت دراعه اليمين!
ظن أنه سيثير غضبه، ولكنه منحه ابتسامة باردة وقال:
_عثمان ميقدرش يستغني عني أنا بالذات وإنت عارف كده كويس، ومش عثمان بس إنت قبله.
ونهض عن مقعده يدور حتى وصل قبالته:
_أنا وتيام كنا كمالة ليك ولشخص بذكاء عثمان، عشان كده بتحاول بكل السبل تقيدني جنبك بجوازي من أختك عشان تضمن إني معملش زي تيام وأفارقكم
وأضاف وهو يسند ذراعه على المكتب ويميل صوب مقعد “هارون”:
_بتحاول تعجزني عشان تخليني مغروز وسطكم، وميكنش ليا أي مخرج، تيام عشان يخرج كسرته برحيق، لكن أنا ماليش كسرة.
ورفع اصبعه بوجهه وهو يسترسل:
_ويوم ما تفكر ترمش بس في وش أخويا هَبيدَك من على وشّ الدنيا إنت والعالم اللي بنيته!
استقام” هارون” قبالته، يفضى ما بداخله من شر:
_إنت بتهددني وناسي ان رقبتك تحت إيدي!! أوعا تفكر إن عثمان بعدك عشان رفضك لتنفيذ أوامره، عثمان بعدك واخترني عشان عارف اني معنديش قلب، واني الوحيد اللي قادر أنفذله كل شيء بدون ما أحط حدود للشر لاني شيطان زي ما بتقول، فحاسب من كلامك عشان متندمش عليه يا كِنان.
تراجع “كنان” للخلف خطوة، مازالت يده معقودة بأخيه، وقد باح “هارون” بالصدق، إن هذا اللعين ليس له حدود، إن كان قتل الجميع سيحقق مصلحة أو غاية تهمه لفعلها دون ان يرف له جفن !
طال الصمت بين كليهما، حتى فاه “هارون” قسرًا على ما سيقول والغيظ يميل به:
_من بكره تقدر ترجع تستلم مكانك بين الرجالة، وأنا هرجع أمسك الكافيهات والـ Night Club.
اندهش “كِنان” وردد بعدم تصديق:
_غريبة،إنت اخدت مكاني عشان تكون كلمتك مسموعه على الرجالة أكتر،فإيه غير رأيك.
أخفى غضبه وقال:
_عادي، عشان متحسش بالملل، راحتك بردو تهمني يا جاك.
تخلف عنه بسمة ماكرة وقال:
_راحتي أنا!! عمومًا كلنا بنسعى لراحة الديزل!
