(أشباح المخابرات 1) من الفصل الاول الى الخامس
بقلم أية محمد رفعت
قال آدهم جملته وترك لرحيم الكمالة، فتطلع صوب قدس وقال:
_ده رأس الأفعى واللي كل لغز مرتبط بالعيلة دي جوه خندقه، والمتوقع إنه كل فترة بيغير دكتور، ومن هنا هتكون دخلة قدس، جاهزة ولا أيه يا دكتورة!
ابتلعت ريقها بارتباكٍ، وهي تعيد للتطلع إلى الشاشة، فقطع عدي حديثهم حينما قال:
_المعلومات اللي اتعرضت عليكم موجودة كلها في الاربع ملفات دول، اقعدوا وادرسوا الموضوع كويس أوي.
دفع لهم الجوكر ملفًا أخر قائلًا:
_هتلاقوا هنا الملاحظات، واللي ممكن تستغلوه عشان تكونوا جوه العيلة دي.
ردد ليل بقلق:
_الموضوع محتاج دراسة، لأنه للاسف مش سهل، عشان توقعوا الناس دي لازم تكونوا جزء منها!
ختم آدهم الحديث محذرًا:
_هما أخدوا إنهم يأخدوا حذرهم بشكل مش طبيعي فلازم تعرفوا إنهم مش هيقعوا بالساهل.
نهض رحيم وباقي القادة، ثم قال:
_ودلوقتي هنسيبكم تدرسوا مهمتكم والمقترحات اللي كتبنهالكم وتاخدوا قرار هتبتدوا ازاي ومنين؟
#الفصل_الثاني.
خمسة ساعات مضت عليهم، ومازالت الملفات تُدرس بينهم، انتزع “ياسين” جاكيته وحرر زر قميصه الأبيض باختناقٍ، بينما مازال يدون “زين” بضعة ملحوظات قد تفيده.
مالت “قدس” للأمام بانهاكٍ، بينما مازالت تتابع “مرين” الدراسة بجدية وتأثرٍ بما يصيب نساء العرب من تلك الفتنة المغزية، فاذا بها تترك الورق من أمامها وهي تهتف بصدمة:
_الكلاب دول بيستغلوا العقارات دي في أمور سياسية، كورقة ضغط منهم!
التفت تجاهها “زين”، وقال بحنقٍ:
_الملفات دي خنقتني أوي، وحقيقي حاسس إني عايز أنتشل قلوبهم من بين صدورهم.
ترك “ياسين” الملف من يده، وتنهد بارهاق:
_الموضوع مش سهل يا ياسين،الناس دي وراها ألغاز كبيرة، ومش سهل نوصل للي مقدرش القادة يوصلوله، هنحتاج مجهود كبير أوي.
أيدت “قدس” حديثه باعجابٍ:
_عندك حق يا ياسين، الموضوع محتاج دراسة وصبر، عشان كده لازم نختار تنفيذ خطة من اللي حطاها القادة وننفذها بمهارة ومن غير غلطات.
جذبت “مرين” إحدى الملفات التي حملت إحدى وجهات نظر القادة، وهتفت بقوة لاقت على استحسان الجميع:
_أنا عاجبني الخطة رقم ج، ندرس شخصية كل واحد فيهم ونشوف مين الاقرب مننا فيهم، ونحاول نتواجد في حياتهم بأي شكل كان، صداقة، شغل، معرفة، وبالمهارات اللي اتدربنا عليها هنقدر نكسب ثقتهم لحد ما نوصل للي عايزينه.
