(أشباح المخابرات 1) من الفصل الاول الى الخامس

وأضاف وهو يضعها بفراشها ويسحب الغطاء عليها:
_ إنسي اللي حصل النهاردة وحاولي ترتاحي، وبعد كده أنا اللي هوديكِ وهجيبك من الجامعة عشان اللي حصل ده ميتكررش مرة تانية.

منحته ابتسامة هادئة، وهي تحمد الله أنه صدق ما قالته، ولم يعلم شيئًا عن حقيقة الأمر، سحبت الغطاء وأغلقت عينيها تتصنع النوم، بينما مازال يجلس قبالتها. يمرر يده على خصلاتها الطويلة، بينما يتوه عقله تدريجيًا خلف الضوء الأبيض المشع حتى رأى ذاته يقف قبالة “هارون” بشراسة
##
_زي ما سمعت، أنا مش هكمل معاكم في القذارة دي يا هارون.

قالها “تيام” بشجاعة، ودون أي تردد، بينما مازال الآخر يتجرع من الخمر بكثرةٍ ويتجاهل ما قال. بينما يصرح له المطلوب:
_حاول تطور من العقار، زي ما اخترعت منه على شكل الشوكولاته، خليه بأشكال تانية عشان الحكومة بدأت تركز معانا.

طرق الطاولة الزجاج حتى يفيق له:
_انت مبتسمعش بقولك مش هكمل معاكم، أنا خلاص مبقتش متحمل القرف ده، هخرج من بينكم ومعايا أختي.

وأضاف بما ينتوي فعله:
_أنا عايز أعيش حياة نضيفة مع الانسانة اللي حبتها، عايز اعيش من غير ما أخاف من بكره واللي مستخبي فيه، عايز أتخلص من الاحساس المرعب اللي بحس بيه بسبب القرف اللي انتشر بسببي، خلصت يا هارون مش هكمل.

ترك “هارون” الكأس من يده ونهض يواجه الدوار الناتج من الخمر، تحمل حتى وصل له، وقال:
_وتفتكر هيسيبوك تعيش حياتك!! إنت شوفت بنفسك عملوا إيه مع مرات عثمان وابنه عشان بس قرر يهدي الدنيا ويقلل الاصدارات لـ50 في المية، ما بالك لو شموا خبر بيك هيعملوا فيك وفينا إيه؟

ألقى كل شيء من خلفه، وبلا مبالاة نطق:
_مش فارقلي، يعملوا اللي يعملوه أهون عليا ألف مرة من إحساس الذنب اللي مش بنام بسببه.

وجد أن الحديث الهادئ لم يجدي نفعًا معه، فلجأ للتهديد:
_أنا هعتبر نفسي مسمعتش البوقين دول، ومش هوصلهم لعثمان، هعتبر انك ضربت كاسين معايا وسكرت وده أحسنلك عشان الأذى ميجلكش مني أنا مش من المافيا يا دكتور!!!

أفاق من ذكرياته الغائمة، وشعور النفور يجتاحه مما حدث بتلك الفترة المُظلمة من حياته، وإذا به يميل مقبلًا جبين شقيقته ثم يتجه لغرفته بخطى متهدجة، منكسرة، كحال قلبه المُحطم!
*****
خرج من الغرفة يرتدي بذلة سوداء فخمة، من أسفلها قميصًا أبيض محلول أول أزراره، وقف بجاذبيته الطاغية يراقب الدرج من الحين والآخر، ومن ثم يخطف نظرة لساعته.