عتاب عدوية المصري

الطبيب مبتسماً : مبروك يا دكتورة عتاب.. ان شاء الله في حمل بس ببدايته محتاجة ترتاحي وبلاش حركة كتير لان السفر بالشهور الأولي كان غلط.. بس واضح انك مكنتيش تعرفي

رسمية بسعادة بالغه اخذت تبارك لها ولركان.. كذلك فعلت العنود وباقي شقيقات ركان.. ظل هو صامتاً يشعر بقلبه يؤلمه فقد اضاع فرحتها بسبب تسرعه..
ركان : متشكر يا دكتور.. ان شاء الله بس بتتحسن حالتها وبنفتح الها ملف ونتابع الحمل
رسمية : يلا يا بنات سيبوها ترتاح.. دير بالك عليها يا ركان
اقترب ركان منها.. فادارت وجهها بعيداً عنه
ركان : عارف انك زعلانة واني ما بيفوت يوم غير وانا مزعلك.. بس اعذريني في كتير امور انتي ما تعرفيها..
غلا ما كانت بس زوجتي.. هي كانت اول حب بحياتي.. صديقتي كنت احكيها كل شي… انا كنت بحسب الدقايق الباقية علي يوم زفافنا.. لقيتها بعتالي جواب بتقولي انها انجبرت فيا وانها بتحب واحد وهتتجوزه .. تخيلي شكلي وسط الناس.. ابويا ما اتحمل كسرتي وفضيحتنا.. جاله ذبحة ومات.. وانا يوم دفنته طلقتها.. ودفنت ابوي ودفنت قلبي معاه ياعتاب.. انا كنت اكره كل الستات
الا انتي.. حبيتك من قبل ما اشوفك.. نظرت اليه عتاب.. فأكمل.. اي حبيتك لما كان حمزة يتكلم عن اهل زوجته بمصر .. لما كان يقول اسمك كنت احس قلبي يدق.. ولما شفتك باسكندرية اتمنيتك ليا.. حتي لما رفضتيني وقلتي مخطوبة.. دعيت ربنا تكوني ليا
بس كنت اموت لما افكر انك بتعملي معايا نفس ماهي سوت.. ما بتحمل انكسر مرتين وبنفس الطريقة.. انا بحبك.. ولما اتجوزنا اتأكدت اني ما حبيت قبلك.. وحتي لو حبيتها فانا بعشقك

توجهت جنة لبيت والدتها بالمنصورة خوفاً من اصابتها هي او احد ابنائها بأذي وتركت خالد ببورسعيد
سميرة بقلق : ربنا يابنتي يستر طريقه ويبعد عنه ولاد الحرام
جنة : يارب يا ماما.. مش عارفه الدنيا حصل فيها ايه الانسان اللي بيعمل الصح هو اللي بقي بيخاف والمجرم ماشي ومش همه
سميرة : ربنا يطلعنا منها علي خير يابنتي.. اتصلي علي اختك عتاب.. بقالي كام يومين مكلمتنيش وانا مبعرفش اتصل عليها….
عتاب بسعادة : وحشتيني يا جنة.. انتي عند ماما ليه وسيبه خالد

جنة بهدوء : انتي كمان وحشاني يا عتاب.. اخبارك ايه حبيبتي
عتاب : مالك يا جنة في ايه انتو كويسين.. خالد كويس
جنة : لا والله خالد مش كويس.. في حد في شغله مستقصده وبيحاول يأذيه.. مرة قطعله فرامل العربيه.. ومرة حد ضرب عليه نار.. بيقول رجل اعمال كبير وخالد قبض علي ابنه من فترة.. وانا خايفة اوي يا عتاب انا مليش غيره
عتاب : متقلقيش يا حبيبتي ربنا هيحفظه ويخليه ليكي وللولاد.. وازاي يعني مفيش حد قادر يففله الحيوان ده
اقترب ركان منها ثم أخذ الهاتف.. نظرت اليه عتاب بغيظ وهي ترفع حاجبيها باستنكار
عتاب : عاوز ايه انا بكلم جنة اختي
ركان : عارف بتكلمي مين.. عاوز اكلمها واطمن عليها عندك مانع
جنة : اهلا يا كابتن ركان.. اخبارك ايه
ركان : ركان بس.. انتي مسموحلك تقولي ركان.. عتاب تقولي كابتن
جنة : ربنا يخليك.. عتاب عاملة ايه معاك
ركان ضاحكا : مجنناني.. بس سيبك منها َقوليلي مين مضايق خالد
جنة :….. بس ومن وقتها وانا خايفة والراجل ده ايده طايله
ركان : حاولي تجيبي اسمه من خالد ولو رفض حاولي تجيبي اسمه من اي حد من اصدقاء خالد وبأذن الله ما بيقدر يقرب من خالد نهائي
جنة مستبشرة : بجد ياركان.. بجد ممكن يبعد عنه وميفكرش يأذيه تاني
ركان مؤكداً : بأذن الله بتشوفي.. وراح يعتذر من خالد كمان بس اعطيني اسمه وبتصرف ان شاء الله.. كلمي عتاب بقي هتقولك خبر يفرحك وبنتظر منك اليوم اسم الراجل اللي مضايقكم
عتاب : ايوة يا جوجو.. اطمني بقي ان شاء الله خير
جنة : خبر ايه اللي هيفرحني يا توته.. في نونو ولا ايه
عتاب بخجل : ايوة يا جنة.. انا حامل