عتاب عدوية المصري

تلقت شهد اتصالاً من احدي شقيقات زوجها تخبرها عما حدث بين حمزة ووالدته ووجود والدتها بالمشفي بين الحياة والموت
شهد متحدثة لوالدتها : ايه رأيك يا ماما اعمل ايه
سميرة : سافري يابنتي وخليكي جنب جوزك
واصبري عليه ان شاء الله ربنا يصرف عنه

يجلس ركان بالمشفي لا يصدق شي مما حدث.. هل كان طلال ينتوي فعلا اغتصاب عتاب.. حبيبته التي اعادته للحياة من جديد.. هل لمسها.. اقترب منها.. هل فعل بها شيئا.. يكاد يموت من غيرته.. كيف استطاع طلال ان يخدعه
ولكن عتاب حذرته واخبرته انها لا تشعر بالارتياح ناحية طلال.. هي كانت محقة.. وهو كان احمق
افاق ركان علي صوت احد الأطباء يتحدث اليه بهدوء قائلاً : الحمد لله يا كابتن ركان.. دكتورة عتاب فاقت من اثر المخدر وعملنا سونار والبيبي الحمد لله بخير.. مع ان المخدر كان قوي جداً بس ربنا كريم
ركان بهدوء : متشكر يا دكتور.. بقدر اشوفها
الطبيب : اتفضل ادخل.. هي متعرفش حصل ايه فلو هتقولها ياريت تبقي هادي وتبسطلها الموضوع
ركان : ان شاء الله بيصير خير
نظرت عتاب اليه باشتياق ليسرع ناحيتها يحتضنها بقوة وخوف
ركان : اسف يا عتاب.. اسف حبيبتي
عتاب بتعجب : اسف ليه.. انا كويسة حبيبي انا ممكن دخت وانا في العربية مش فاكرة ايه اللي حصل والحمد لله الدكتور قالي ان البيبي بخير
ركان بتردد ولكنه فضل اخبارها قبل ان تأتي الشرطة لاستجوابها
ركان بهدوء : ياريت تسمعيني وما تخافي انتي بخير وما حصل شي
انتهي ركان من اخبارها بما حدث وظلت هي صامته
عتاب : الحمد لله علي كل حال.. برغم انه حيوان ويستاهل كل شئ وحش في الدنيا بس مراته للاسف ضحية افعاله.. أنا من البداية قلتلك اني مش مرتحاله
ركان بندم : عارف وعلشان كده انا اسف
عتاب : لو سمحت هاتلي موبايلي
ركان متسائلاً : بتكلمي مين
عتاب : هسألك علي حاجة لأني عاوزة اقفل صفحة طلال دي للابد وارتاح
اعطاها ركان الهاتف متعجباً.. بحثت هي عن الصور حتي وجدتها لتسأله بخوف من الاجابة:
الصور دي طلال بعتهالي من فترة.. بس انا خفت اواجهك ونبعد تاني.. ريحني وقولي الحقيقة وانا هصدقك
ركان بنظرات ندم : انا يا عتاب قلتلك ان حياتي فيها كتير اشياء غلط.. بس والله من يوم ما اعترفتلك بحبي وانا بعدت عن كل الحاجات دي
عتاب : سؤالي واضح يا ركان.. الصور حقيقية ولا لأ
ركان : حقيقية
عتاب : قبل ما نتجوز ولا بعدها
ركان : اسمعيني بس الأول…
عتاب مقاطعه له : رد علي سؤالي
ركان : بعد جوازنا.. بس والله ما حصل شي اكتر من اللي بالصورة.. انا لما سافرت وياكي مصر واتقابلنا مع خطيبك وسمعتك تحكي معه رجعت مثل المجنون وما كنت قادر اواجهك وقتها.. وسهرت باليوم اللي سافرت بيه علي فرنسا مع بنات اصحابي وبس ما حصل شي
عتاب بسخرية : سبحان الله المرء علي دين خليله
هنتظر ايه منك وانت مصاحب طلال.. هي الأمور هتبقي اسهل لما تأكدلي انك اكتفيت انك تبوس البنت وترقص وياها بالطريقة الرخيصة دي.. صح