عتاب عدوية المصري

ظل ركان واقفا لا يتحرك عند سماعه لكلمات عتاب
عتاب : ايه يا ركان انصدمت.. مش مصدق ان سامح عمل كده.. لا صدق الحب بيعمل اكتر من كده.. هو كان بيتصرف من وجهة نظره صح.. يمكن كان اناني وحاول يجبرني اكمل معاه
بس بتصرفه ده قضي علي كل حاجة حلوة جوايا كل ذكرياتنا سوا ضاعت وفضل مكانها ذكري اليوم اللي حاول فيه يضيعني ويضيع شرفي

المشكلة اني وعدت نفسي ابقي قوية.. مضعفش.. محبش.. وفعلا انا معاك عرفت ان الحب ده مرحلة ممكن تنتهي او تكمل لما يتحول لعشق
عشقتك يا ركان.. علشان كده جرحك كان اكبر.. ضيع اللي باقي جوايا من مشاعر
لو انت شايف ان الصور دي شي بسيط لأنك مقدرتش تكمل.. تبقي غلطان.. انا مقدرتش اواجهك لأني خفت تطلع حقيقة ووقتها هيكون كل حاجة انتهت
ركان : بتقصدي ايه
عتاب : طلقني
ركان : اتجننتي صح.. اطلقك ليه وازاي اسيبك وانتي حامل بابني
عتاب : هتطلقني لاني مش عوزاك.. واعتقد ان كرامتك متسمحش تعيش معايا غصب عني
وابنك لو في نصيب وجه للدنيا اكيد مش هبعده عنك.. ووقت ما تحب تشوفه هتشوفه
ركان : مستحيل يا عتاب.. ايوة انا غلطت بس مش لدرجة انك تطلبي الطلاق
عتاب : تمام يا ركان اتفضل اخرج برة
ضغطت عتاب ذر استدعاء الطبيب
جاء الطبيب مسرعاً : خير يا دكتورة في حاجة
عتاب : مش عاوزة زيارات نهائي.. مش عاوزة اشوف حد
الطبيب متعجباً : في حد مضايقك
عتاب ببكاء حاد : انا مش عاوزة اشوف حد.. ده حقي
ركان بحزن : خلاص هدي حالك انا بروح الحين ولما ترتاحي بنتكلم
ابعدت عتاب وجهه عنه.. وغادر هو المكان

انتشر خبر القبض علي طلال وقتله لموسي واسباب الواقعة بانحاء البلاد.. تلقت غلا الخبر بفرحة.. رغم حزنها لما حدث لجوري.. لكن طلال يستحق ان يفضح امام الجميع
عادت الي بلادها لأول مرة تشعر بالانتصار واستجابة الله لدعائها.. توجهت لرؤية طلال بالحبس
نظر اليها طلال بتعجب.. لحظات وتذكرها.. انها غلا.. تلك الفتاة المسكينة التي سلبها شرفها
نظر بالأرض خجلاً بينما تحدثت هي قائلة:
تعرف يا طلال كل يوم وانا بصلي كنت ادعي ربنا وانا بركع وانا بسجد بشي واحد.. كنت ادعي ان ربنا يفضحك
بدأت غلا تبكي بضعف.. كنت اقول يارب افضحه مثل ما فضحني.. يارب تكسر بخاطره مثل ما كسر فرحتي وفرحة أهلي
بس عمري ما تخيلت ان ربنا يحققلي طلبي واشوفك بعيني مذلول
أنا كنت ناوية ارجع عالديرة واعرف الكل بعملتك بس خلاص ما بيفيد بشي
ماراح يرجع عمري اللي فات وما بستفيد شي كفاية عليا انتقام ربي منك.. ولسه بالأخرة يا طلال انا خصيمتك يوم الدين عند ربنا