عتاب عدوية المصري

عتاب بعد أن دخلت الي بيت خالتها.. البيت الذي تمنت سنوات ان تعيش فيه مع سامح.. كم تكرهه الان ولكن لا ينبغي ان تضعف.. هي طبيبة وهو مجرد حالة.. انسان يحتاج الي المساعدة
كان ركان ينظر اليها بثبات يري مهارتها.. تفاجأ بمدي تحول شخصيتها وقوتها اثناء الكشف علي سامح
عتاب متحدثة الي محمد صديق سامح : لو سمحت يا محمد.. تجيبلي الادوية دي بسرعه.. ومش عاوزة بدايل
محمد : حاضر ان شاء الله بسرعه هجيبهم واجي
ركان : هاجي وياك بسرعه بدل المواصلات

سميرة : ماله يابنتي مبيتحركش ليه
عتاب : واضح انه كان تعبان قبل ما ينزل من ايطاليا ياماما مع تعب السفر والصدمة.. حصله انتكاسة.. عنده التهاب رئوي حاد وضغطه عالي جدا
بعد قليل بدأ سامح يستعيد وعيه.. لينظر امامه فيجد عتاب
ابتسم سامح بسعادة ممسكا يدها.. معتقداً انه مازال يحلم بها.. جذبت عتاب يدها بسرعه وغضب
نظر اليها سامح بتعجب.. ثم تحدث بتعب :
عتاب حبيبتي انتي هنا موجودة قدامي.. مش حلم زي كل مرة.. وحشتيني.. وحشتيني
عتاب : لو سمحت اهدي شوية انت تعبان ولازم ترتاح
سامح : بتهربي مني ليه.. بصيلي وانا بكلمك..
عتاب باكية بحزن : مقدرش.. مبقاش من حقي ابصلك ولا اكلمك.. لاني بقيت ملك غيرك.. بقيت بخاف ابصلك وافتكر اللي عملته يا سامح.. بعد ما كنت اماني وحمايتي بقيت بخاف منك…. لييه لييبه توصلنا لكده..
سامح بضعف : ارجعيلي.. سيبيه يا عتاب وارجعي لحياتي من تاني.. انا مش هقدر اعيش من غيرك سامحيني وانا هعوضك كل حاجة
عتاب : اسفة مش انا اللي اخترت.. انت فرضت عليا الوضع ده.. وجوزي ملوش ذنب غير انه مد ايده وانقذني من الضياع
حتي لو لسه بحبك.. حتي لو مش هقدر احبه مقدرش اخونه ولا حتي اقدر ارجعلك

تحولت ملامح سامح الي ضيق شديد عندما لاحظ
اقتراب محمد ومعه ركان ليتحدث بصوت متعب :
متشكر يا جماعة تعبتكم معايا.. بس عاوز افضل لوحدي شوية
محمد : خد الادوية الأول يا سامح هتتعب تاني
سامح : مش عاوز حاجة سيبوني ارتاح
عتاب دون كلام قامت بتركيب المحاليل الطبية ولم يستطع هو الرفض فسوف تبقي بجانبه دقائق اخري
انتهت عتاب من اعطاءه الادوية اللازمة وغادرت بصحبة ركان الذي لم يتحدث مطلقا

محمد متحدثا الي سامح : عامل ايه يا سامح دلوقتي
سامح : الحمد لله يا محمد زي ما انت شايف لسه عايش وامي ماتت.. ماتت بعد ما قتلت احلامي وضيعتها
محمد متردداً : علي فكرة واحنا داخلين سمعنا صوت عتاب وهي بتعيط.. وجوزها خد باله.. المشكلة انه يتخانق معاها ولا حاجة
سامح : سمعتو ايه بالظبط
محمد : كانت بتقول انها لو بتحبك ومش هتقدر تحبه ميستاهلش انها تخونه.. للاسف الكلام ده جوزها مش هيعديه
سامح بسعادة : ياريته يبقي عنده دم ويطلقها.. مستحيل يحبها او يخاف عليها زي
محمد بغضب : حرام كده يا سامح دي في عصمته
سامح بضعف : هو السبب.. استغل بعدها عني وزعلنا مع بعض وخدها مني