عتاب عدوية المصري

عاد حمزة لما انتهي عنه سابقاً.. بدأ بشرب الخمر مره ثانية.. يدعوه طلال لحفلاته الخاصة للعب الورق.. تحاول شهد دون فائدة ابعاده عن رفقة السوء.. وبالنهاية لجأت لركان

عتاب مازالت تتعامل مع ركان بحذر.. تحاول ان تبدو طبيعية لكنها لم تنسي كلماته لها.. ولا ضربه

بينما يقاوم مشاعره ناحيتها بكل قوته فهو لن يضعف مثلما فعل من قبل

تجلس عتاب تتابع احدي المجلات الطبية.. امسك ركان المجلة والقاها بعيدا عنه
عتاب بغيظ : ليه كده ياغلس
ركان مبتسماً : اموت انا بالشتيمة بتاعتك يامصرية
عتاب مبتسمة هي الاخري : هههه خلص وقول عاوز ايه المجلة دي مهمة وفيها معلومات حلوة
ركان : احنا بأجازة.. وانا معزوم بحفل كبير ولازم المدام تحضر معايا
عتاب : فين بقي الحفل ده
ركان : بباريس.. فكراها طبعا
عتاب بخجل : ايوة بس بعيدة روح انت لوحدك
ركان : تؤ ما يصير.. ولو مارحتي معي.. بيكون عندي حق اتزوج اول واحدة.. ودي بتكون زوجة للحفلات
عتاب ضاحكة بقوة : ايوة صح.. حلوة زوجة الحفلات دي
ركان : صح شفتي بقي ان وقتها بتكوني انتي السبب
عتاب بثقة : ماشي روح اتجوز يا كابتن الله يسهلك بس اديني المجلة
ركان : تفتكري يا عتاب.. الانسان ممكن يحب اكتر من مرة
عتاب : افتكر اجابة السؤال ده انت جاوبت عليه قبل كده.. مش انت قلت انك حبيبت مرة واحدة في حياتك
ركان : اه قلت.. عندك حق.. جهزي حالك لاني لازم اسافر والدعوة موجهة ليا وليكي.. اعتبريها اجازة ليكي من الشغل..
توجه ركان للجلوس مع اهله والاطمئنان علي رهف
اتاه اتصال من شهد.. احس ببعض القلق فاسرع بالبرد
ركان : هلا والله بأم فهد.. وينك انتي وزوجك ماعاد تتصلوا.. ده انا حتي جوز اختك
شهد بهدوء : بكلم عتاب وبطمن عليك علطول والله بس هي قالتلي انك اغلب الوقت مسافر او نايم
ركان : والله اختك دي مجنونة.. انا ما بنام كتير.. بس هي نشيطة زيادة عن اللزوم.. بتصحي من الفجر وبتقلقني
شهد مبتسمة : عتاب طول عمرها نشيطة ونومها قليل.. بتحب تصلي الفجر وتقرأ قران.. وبتقول ان اليوم بيكون في بركة لو لحقناه بدري.. سكتت شهد قليلاً ثم أكملت
انا محتاجة منك خدمة يا ركان.. حمزة رجع للسكة اللي كان ماشي فيها واللي بسببها جالنا الفقر
ارجوك حاول تكلمه انا تعبت منه
ركان : ازاي الكلام ده وامتي يا شهد وليه ما خبرتيني من البداية
شهد : حاولت معاه يا ركان.. ماحبيت اصغره قدامك وقدام نفسه.. بس طلال الله ينتقم منه كل يوم عازمة علي سهرة شكل ولو هو مجاش بيبعتله اصحابه الفاسدين اللي زيه.. شرب ولعب والله اعلم بيعمل ايه تاني.. انا كلمتك لان دي فرصته الأخيرة معايا.. ارجوك كلمه