عتاب عدوية المصري

توجهت عتاب الي بيتها وما ان دخلت غرفتها بصحبة ركان حتي اغلق الباب وامسكها من خصلات شعرها متوعداً اياها قائلاً
بكرة تروحي لصاحبتك تشوفيها وهنطلع عالمطار علطول… ورحمة ابويا لو سمعت صوتك او نطقتي يا عتاب ما هرحمك.. سامعه
اشارت اليه دون رد فهي عاجزة علي الرد
اتجه الي الفراش واغلق الانوار وظلت هي واقفه لا تدري ما حدث

اصطحبها وتوجها معا الي المشفي الخاص والموجود به ماجد وذكية
عتاب : لو سمحت يا ركان اسمعني.. انا كنت رافضه اروح عند سامح.. انت اللي طلبت مني.. وزيه زي اي مريض محتاج مساعدة.. الغيرة دي ملهاش لازمة
ركان بسخرية : غيرة.. انا اغير منه او اغير عليكي
الغيرة بتكون بين الأحباب.. وانا لا حبيتك ولا ناوي احبك.. انتي كنتي داخله مزاجي ورفضتيني وانا مابقبل الرفض بسهولة.. والحين صرتي زوجتي يعني غصب عنك تحافظي علي اسمي وشكلي قدام الناس.. سامعه
عتاب : انت كداب.. انت ليه بتقول كده
انت طلبت مني وقت نفهم بعض.. قلتلي انك مرتاح معايا وبدأت تحبني
ركان : ولسه عند كلامي.. اه مرتاح معاكي وما بنكر انك جميلة واي راجل مكاني اكيد هتعجبيه.. لكني ما حبيت غير مرة بحياتي.. وللاسف طلعت ما تستحق حبي.. انا بقولك الحقيقة حتي ترتاحي وتريحيني
عتاب : حاضر.. واسفة لو ضايقتك.. انا هطمن علي صاحبتي وهخرج مش هتأخر
تمشي بين طرقات المشفي تبحث عن ذكية.. من يراها يعتقد ان احداً عزيزاً عليها قد مات.. ولكن لا احد يعلم ان الأمل بأن تبدأ حياتها من جديد مع شخص يحبها وتحبه من مااات

ذكية : وحشتيني ياعتاب.. بجد كنت محتاجة اشوفك
عتاب : ماجد حالته ايه يا حبيبتي
ذكية : مفيش جديد حالته مش مستقرة.. ورافض يقوم يا عتاب.. انا السبب.. كان بيتخانق مع اهله بسببي
عتاب بحدة وقد انهارت تماما : انتي مش السبب.. احنا ملناش ذنب.. احنا بنات.. مفيش في ايدنا نختار حاجة.. مفيش.. احنا بيتفرض علينا كل حاجة..
احتضنتها ذكية بحنان فهي تري مدي حزنها وتغير ملامح وجهها
ذكية : انتي لسه بتحبي سامح.. لو بتحبيه خلاص يا عتاب خالتك هي كانت اكبر عقبة والله يرحمها خلاص ماتت
عتاب : ياريت كان ينفع يا ذكية.. لو كان سامح صبر كان كل حاجة اتغيرت.. لكن تسرعه دمر اي امل اننا نكمل مع بعض
ذكية : حبيبتي.. بس انتي شكلك مش مرتاحة مع جوزك
عتاب : انا خايفة يا ذكية.. خايفة يسيبني هو كمان.. انا محتاج وقت مش قادرة استوعب اللي حصل مش بايدي. ليه مش قادر يفهم ليه.. كل حاجة بقت غريبة وجديدة.. المكان والناس الأكل الشرب الكلام.. انا مبفهمش كلامهم مبقدرش اتجاوب معاهم.. ليه مستكتر عليا وقت