عتاب عدوية المصري

قامت شهد بغلق باب الغرفة.. توجهت الي دولاب ملابسها لتخرج لحمزة بعض الملابس النظيفه
شهد : اتفضل خد حمام وغير هدومك وانا هحضرلك الفطار
جذبها حمزة اليه : مش عاوز حاجة يا شهد.. ازاي قدرتي تعملي كده.. ازاي هان عليكي تبعدي عني
شهد بجمود : حذرتك بدل المرة الف.. زمان خسرت فلوسك كلها وشغلك وسمعتك بسبب القرف اللي انت بتعمله.. وبفضل ربنا بدأنا من جديد وفلوسك وشغلك رجعو زي الأول واحسن.. متجوز ومستقر وعند بدل الولد اتنين وتلاته.. ليه بتعمل كده.. اللي مبيحمدش ربنا علي نعمه بتزول من ايده وانت مش عاوز تبعد عن السكة اللي انت فيها
حمزة : يا شهد انا ما قصرت معاكي ولا مع الولاد بشئ
شهد : انت متخيل شكلك انبارح وانت راجع سكران ومش حاسس بنفسك.. متخيل احساسي ايه وانا خايفة اكلمك لتضربني او تأذيني وانت مش وعيك.. فاهم كان هيحصل ايه لو ولد من ولادك شافك.. الموضوع خلص كده يا حمزة انا وقفت جنبك لحد ما ربنا كرمك ورجعت اقوي من الأول.. وطالما وجودي مش فارق معاك طلقني وروح لحالك.. اسهر والعب واشرب براحتك

عتاب مازالت تحاول ان تبعد عن رأسها تلك الافكار.. هي لن تسمح لطلال ان يفسد حياتها مع ركان.. سوف تشغل نفسها بالمستقبل وبطفلها القادم
ركان : توته شنو رايك نروح نشتري لبس البيبي
عتاب مبتسمه : لسه بدري طبعا ومش عارفين ولد ولا بنت
ركان : ان شالله بيكون اتنين
عتاب : ركان روح الله يخليك قال اتنين قال ده انا ممكن اتجنن من واحد
ركان : ما تخافي بساعدك بكل شي اذا جبتي توينز بس اذا واحد بس بعاقبك وما بساعدك مطلقاً
عتاب : اه وبعدين انشغل عنك واهمل في نفسي وتلاقي حجة تبص لغيري
ركان : لا خلاص انا توبت وما بدي اتزوج ٤ بكتفي بتوته وبس
عتاب : وتوته مكتفية بيك يا ركان.. ارجوك بلاش تكسر ثقتي فيك
ركان ناظراً اليها دون رد : ما بقدر يا عتاب قلبي ما بيقبل يكسر ثقتك فيا.. انتي صرتي حياتي ودنيتي وماعندي استعداد ابعد عنك او تبعدي عني

تجلس ذكية مع والدتها التي جاءت للأطمئنان عليها
والدتها بسعادة : الف مبروك يا بنتي ربنا يسعدك ويعوض عليكي
خرجت هي ووالدتها للجلوس مع ماجد وعادل شقيقها
عادل : مبروك يا حبيبتي.. عقبال ما نفرح بولادكم
ذكية : تسلملي يا عادل.. عقبالك يا حبيبي
غادر عادل ووالدته بعدما اطمئنا علي العروسة