عتاب عدوية المصري

اصرت والدة ماجد علي بقاءهم معها.. ووافق ماجد بعد اصرار والديه
ابراهيم : يابني اسمع الكلام.. امك هتاخد بالها من مراتك علشان ربنا يكرمكم والحمل يكمل علي خير احنا ماصدقنا
ماجد : يا بابا انا مش عاوز حد يضايقها.. وماما ممكن تقولها كلمة من كلامها
ابراهيم : محدش هيقدر يكلمها ياحبيبي انت موجود وانا معاك.. وصدقني امك خلاص اتعلمت من اللي حصل وهي اللي مصممة تاخد بالها من ذكية وتراعيها

يجلس سامح ويبدو عليه التوتر.. وامامه وعد تنتظر منه ان يتحدث
وغد : خير يا استاذ سامح بقالنا كتير قاعدين وحضرتك ساكت
سامح : انتي مرتبطة بحد
وعد بخجل : لأ.. بس ليه بتسأل
سامح : الأول ارجوكي ردي عليا بصراحه وانا هقولك كل حاجة
وعد : انا كنت مخطوبة من فترة بس كانت خطوبة تقليدية مش حب يعني.. وبعد شهرين انفصلنا لانه مرتحش معايا
سامح بتعجب : هو اللي مرتحش
وعد : ايوة قالي ان طباعنا مختلفه وانه عاوز واحدة تشبهه.. وخلاص ربنا يسعده
سامح : طيب ليه مقلتيش انك انتي اللي سبتيه زي ما كل البنات بتقول
وعد بثقة : لأني غير البنات اللي بتتكلم عنهم دول.. انا معملتش حاجة غلط او تسئ ليا.. اتخطبت وسابني.. بس مش جريمة يعني
سامح باعجاب وسعادة : الحمد لله انه راح لحاله.. ربنا بيحفظ لكل انسان نصيبه.. وان شاء الله بتكوني من نصيبي ياوعد

اقترب ركان من عتاب التي ادعت النوم.. فهي تخشي مواجهته
ركان بهمس : بعرف انك فايقه.. قومي خلينا نتكلم
عتاب : لا مش عاوزة اتكلم معاك
ركان : ازاي تنزلي شغل بدون اذني.. واصحابك بالشغل بيقولو انك أرملة.. للدرجة دي كرهتيني
عتاب بصدمة : بعد الشر.. انا محدش سألني متجوزة ولا لأ.. ومستحيل اتمنالك اي أذي
ركان : ليه.. بتخافي اني اموت
وضعت عتاب يدها تسكته عن الكلام : لو سمحت بلاش السيرة دي.. انا بخاف من الموت والفراق
ركان : وانتي فراقك دبحني.. كفاية بقي وارجعيلي
عتاب : لأ.. لما احس اني مستعدة ارجع.. هتلاقيني عندك من نفسي
ركان : بكيفك.. بس انا لازم امشي الحين.. رهف بتدخل المشفي اليوم لانها تعبانة
عتاب بخوف : ليه مالها رهف.. وليه العنود مش عرفتني
ركان : متشغليش نفسك.. اكيد هما عارفين انك خلاص مبقاش يهمك
عتاب : ركان انت عارف اد ايه انا بحب رهف.. بلاش الكلام ده
ركان : تمام.. ادعيلها واهتمي بنفسك
توجه للمغادرة.. استوقفته هي قائلة
استني يا ركان.. انا هرجع معاك علشان رهف لازم اكون معاها.. بس انا راجعه علشانها هي بس
ركان : أكيد طبعا