مع وقف التنفيذ ج٢

أنهى طعامه ودلف الى الحمام أغتسل وخرج ليجدها قد استغرقت فى نوم عميق على الاريكة امام التلفاز
حاول ايقاظها ولكنها لم تستجب حاول مراراً ولكنها تعمدت الاستغراق أكثر فى النوم فأتجه إلى الثلاجه وأخرج زجاجة عصير وأتجه إليها ووقف بجوارها وهو يفتح الزجاجه بصوت عالى وقال:
– ياترى نوع العصير ده لما بيتكب على هدوم ولا على شعر ولا على السجاده ولا على الكنبه بيطلع تانى ولا لاء

أنتفضت عزه واقفةً وهى تقول برجاء:
– لالالالالا بلاش انا صاحيه اهو

اشار لها لتسير أمامه للداخل وهو يعقد جبينه قائلا بجديه مصطنعه:
– قداااامى … ناس مبتجيش غير بالعين الحمرا صحيح

*********************************

وأما هناك وفى الاسكندرية وقبل الفجر بدقائق كانت هناك دوى صفعة قوية على وجهها هوت على اثرها أرضاً وهى تصرخ قائلة:
– متظلمنيش يا فارس مكنش بايدى …اسمعنى طيب

قبض على ساعديها بقوة وعينيه تشعان غضباً وكأن الشيطان قد سكنها وأطلق منها قذائف نيرانه فتطايرت فى وجهها ولفحتها وهو يجذبها لتقف مرة اخرى على قدميها وهى تهتز خوفاً وهلعا وهو يقول بصوت يشبه الفحيح:
– مين اللى عمل كده أتكلمى والا هقتلك وأدفنك هنا دلوقتى حالاً ..

قال كلمته الاخيرة وهو يصفعها مرة اخرى لترتطم بالفراش وتسقط عليه بثقلها ..وضعت يدها وجنتها وهى ترتعش وتقول متوسلة له:
– هتكلم هحكيلك على كل حاجه بس اسمعنى والله مظلمومه مظلمومه يا فارس …بدأت تتعثر فى كلماتها وتتلعثم وهى تقول:
– فى يوم بعد ما ركبتنى التاكسى ومشيت فضل ماشى بيا فى الطريق عادى وقبل ما يدخل على بيتنا دخل فى الشارع الضلمه اللى قصاده اللى كله عمارات فاضيه ولسه بتتبنى ما أنت عارفه وو..وبعدين طلع مطوه وهددنى ومقدرتش افتح بؤى خفت يا فارس خفت وبعدين أغمى عليا ولما فوقت لقيت نفسى فى الشارع قمت جريت ودخلت بيتنا وماما كانت نايمه ومشفتنيش

قبض على شعرها بقوة وصرخ بها:
– كدااابة ..انا عمرى ما ركتبتك تاكسى لوحدك ابدا

صرخت وهى تحاول الفكاك منه ومن قبضته حتى شعرت أن روحها تفرقت فى جسدها وهربت من كثرة الالم وقالت وهى تنتفض:
– ايوا ايوا أنت عمرك ما ركبتنى تاكسى لوحدى بس فى اليوم ده المينيباص اللى ركبتهولى اتعطل والناس نزلت كلها واضطريت اخد تاكسى وحصل اللى حصل