مع وقف التنفيذ ج٢

وضعت منها قليلا على يدها وقربتها من أنفها وأستنشقتها بنشوى وهى تقول :
– الله دى جميلة أوى يا عمرو ..متشكرة أوى يا حبيبى
أمسك عمرو كفها واستنشقه وهو يغمض عينيه أستمتاعاً برائحته ثم نظر لها وقال بشوق:
– البرفان ده ميتحطش غير ليا انا بس فاهمه ولا لاء

طرقت والدتها الباب ودخلت تحمل صينية الشاى أخذها عمرو من يدها ووضعها على الطاولة أمامه فقالت:
– الله ايه الريحه الحلوه دى
قالت عزه بسعاده:
– شوفتى يا ماما عمرو جابلى أيه

قالت والدتها وهى تنظر إليهما :
– يعيش ويجبلك يابنتى ..ثم نظرت لعمرو وقالت:
– عمك بيقول أنك هتروح تشوف المحل اللى هتجيب منه العفش النهارده يا عمرو
لمعت عينيى عزه وهى تنظر إليه فقال:
– النهارده ان شاء الله هروح اشوفه ولو الامور مشيت فى موضوع القسط ده هاخدكوا بكره ان شاء الله ونروح نتفرج وعزه تنقى اللى هى عايزاه فى بيتها
ثم قال موجهاً كلامه لأم عزه:
– انا عارف أنى طولت عليكم فى موضوع الفرح محدش بيكتب كتابه كل ده بس خلاص هانت أحنا نخلص موضوع العفش فى أسبوع إن شاء الله وبعدين نحدد معاد للفرح

وقصد أن ينظر لـ عزه ويتأمل عينيها فى اهتمام وهو يتابع قائلاً:
– فارس قالى أنه أحتمال كبير يدخل على أول الشهر بعد ما يناقش الرساله على طول وممكن نعمل فرحنا مع بعض…
لا يعلم عمرو لماذا كان يبحث عن علامه من علامات الحزن أو الاسى فى ملامحها وعينيها وهو يلقى هذا الخبر
ولكنه لم يجد إلا السعاده والفرحه التى أجتاحت عزه وهى تستمع إلى بشرياته واحده تلو الاخرى وهتفت قائلة:
– بجد يا عمرو .ثم عانقت والدتها وأحتضنتها بسعاده

قطع تصرف عزه هذا وسعادتها الكبيرة بما تسمع الشك باليقين فى قلب عمرو تجاه مشاعر عزه نحو صديقه وقال بمرح :
– مش هتغدونا بقى ولا ايه يا جماعه أنا واقع

*******************************

– تعال اقعد يا فارس ..نطق الدكتور حمدى بهذه العباره وهو يشير إليه بالجلوس وقد بدا عليه الاهتمام الشديد
وهو يعتدل فى جلسته ويستند إلى المكتب بمرفقيه ويشبك أصابع كفيه فى بعضهما البعض ..
كانت طريقتة توحى بأنه يستعد لالقاء حديثاً هاماً مما جعل فارس يشحذ حواسه كلها وهو ينظر إليه متسائلاً وهو يقول:
– خير يا دكتور قضية مهمه مش كده ؟
أبتسم الدكتور حمدى وهو يهز رأسه موافقاً وقال :
– هى فعلاً قضيه مهمه ..يمكن أهم قضية فى حياتك