(أشباح المخابرات1) من الفصل الحادي عشر الى الخامس عشر
بقلم أية محمد رفعت
ردد بحنان وعشق يفوح لها:
_قريب هجمعك بيها.
توسعت بنياتها وتساءلت بلهفة:
_بجد يا زين؟؟
اتسعت ابتسامتها ووعدها:
_بجد يا قلب زين.
وأضاف وهو يغلق نصف عين بأسلوب اجرامي:
_بس مش هعمل كده ببلاش، أكيد عايز مقابل!
اتسعت عينيها بغضب خطر، ورددت:
_مقابل!! انت مفيش فايدة فيك.
ونهضت تسرع بخطواتها تجاه السيارة وهي تتوعد له:
_والله لأقول لانكل رحيم عليك يا وقح.
لحق بها وهو يكاد أن يسقط من شدة الضحك:
_هتقوليله أيه؟ انتِ أصلًا فهمتي أيه؟ تعالـــي هنا!!
وقفت أمام السيارة تهاتفه بفتور:
_هقوله إنك مش محترم ووقح، بتساومني عشان أشوف أختي!!
مال على السيارة من شدة الضحك، وكلما حاول الحديث يسقط بنوبة جديدة، حتى سحر عينيها بجاذبية تراها فيه للمرة الاولى.
تماسك بصعوبة وهو يقول لها:
_أهو ده اللي ناقص بعد كل الاحترام ده وتشتكيني لابويا!! أنا هموت على مسكة ايد وبتتهميني اني وقح!!!!!
وعاد ينصب جسده الرياضي، بينما يشير على صندوق السيارة:
_فهمتيني كالعادة غلط مع إني أوقات بتكون دي غايتي الصحيحة، أنا كنت طمعان في صينية رقاق!
رمشت بصدمة وعدم استيعاب:
_رقاق!! هنا!!
هز رأسه واتجه يحرر صندوق السيارة، لتتضح محتوياته من براد صغير ممتلئ بالثلج وأغراض متعددة بينما يهتف:
_اعتبريني خرجتلك من المصباح وبقولك شوبيك لوبيك.
هتفت وهي تتفحص المكونات الذي أحضرها:
_تمام بس فين البوتجاز أو النار اللي هنسوي عليها.
أجابها وهو ينزع جاكيته الاسود:
_دقايق وهيبقى قدامك أحلى نار للتسوية، قولتلك أنا مفيش حاجة بتقف قدامي!
راقبته وهو يتجه للفأس ويشرع بتقطيع الفروع لصنع الشعلة لها، فبدأت بتحضير المكونات بكل حب، هي تعلم بأنه يحب ما تصنعه بيدها، وهي تعشق صنع ما يتناوله هو بذاتها، كل ما يخصه كانت ترغب هي في صنعه، ومع ذلك مازالت تحتفظ بالحدود والضوابط بينهما، مثلما تربت ومثلما أصبحت!
*****
صُدم حينما رآه يتمدد على الفراش كالج/ثة الهامدة، ساقه المكسورة ملفوفة ووجهه ممتلئ باللاصقات الطبية، ومازال لا يصدق ما يتفوه به، دار بالغرفة بصمتٍ بينما يقص عليه “صفوت” ما فعلته مرين المُلقبة ب”غزل” مثلما أخبرته.
انتهى صفوت بما حكى عنه، خاتمًا:
_باشا البت دي مش طبيعية، صدقني دي ولا كأنها عشر رجالة في بعض.
