(أشباح المخابرات2) من الفصل الحادي والعشرون الى الخامس والعشرون
بقلم أية محمد رفعت
هزت رأسها بكل تأكيد، ورددت وهي تفكك سل*احها ببرود:
_إصابة سطحية مفهاش ضرر خطير، بس أهون من إن العدو يلوي دراعك ويقف يتفرج عليك وإنت مُقيد، مش دي جملة أنكل رحيم!!
أسرع “ياسين” بوضع الصينية على الكومود، وهرول صوبها بعصبية بالغة:
_عنادك ده أبشع شيء واجهته في حياتي.
حاول جذب السل*اح منها، وحينما فشل صاح فيها:
_ارمي السل*اح وهفكك حالًا.
رمقته بنظرة مشككة، فاستطرد بقوة:
_كلامي عهد وإنتِ عارفة.
ضيقت زُرقتها باستمتاعٍ من انتصارها، ورفعت يدها ومازالت تحمل السل*اح وتصوبه للأسفل بعناد من تخليها عنه، هز رأسه بإحباطٍ منها، ثم استخرج المفتاح من جيب سرواله، وحررها.
ألقى الكلبشات أرضًا وصاح بعصبية:
_لو فكيتك متفكريش إني هسمحلك بالخروج، هارون مختفي من بعد ما كان عند بيتك، وده معناه إنه بيدبرلك شيء، أو عثمان نفسه اللي بيدبرلك لذا طالب يشوفك.
واسترسل بهدوء يجاهد للتحلي به:
_مرين عثمان مش سهل، ممكن يكون بيوقعك في هارون عشان هارون اللي يتخلص منك بنفسه.
ربعت يديها أمام صدرها وفجآته حينما قالت:
_عارفة، بس قبل ما حد فيهم يفكر يتخلص مني هكون قيدت النار بينهم، وده هيخلي حد فيهم يغلط وغلطه ده هيكشفلنا طرف الخيط اللي هنجيب بيهم الكلاب دول الارض، حتى لو كنت كبش فدا لده.
رد عليها “ياسين” والخوف عليها ينهش قلبه:
_عثمان مش سهل، مش هتعرفي تتغلبي عليه لوحدك يا مرين، كل حاجه هتتحقق بالصبر، دخولنا كلنا الساحة ضده هتحققلنا فرصة كبيرة لتوقيعه، غير لما حد فينا اللي يدخل لوحده.
تنهدت وهي تفك عقدة يديها وتتطلع له بهدوء وعقلانية:
_ياسين أنا مش بعاندك لمجرد إننا دايما في وش بعض، لو أنا مروحتش أقابل عثمان دلوقتي هيشك فيا، وهيشك اني على علم باللي عمله هارون وباختفائه، كده هكون بأكدله إني ورايا حد، فكر فيها بالعقل!
واستطردت بمنطقية بحتة:
_ثم إني أكدتلك بعد ما قعدت مع عثمان إنه فعلا مش زي ما رسمنا عنه، ده بني آدم ذكي ومرعب، وده بيحتم علينا نتحرك بسرعة، لو استنينا لحد ما كلنا ندخل الساحة زي ما بتقول مش بعيد يكون كشفنا، كل ما اتحركنا بسرعة كان أفضل لينا، وللضحايا اللي بتقع بسبب الكلب ده واللي وراه.
وبألمٍ رددت وهي تذكره فيما مضى:
_زمان الصدفة وقعتنا جوه لعبة قذرة كان ضحاياها آلاف من البنات اللي كان ممكن أكون واحدة منهم، لولا اني مكنتش بنت عادية كان مصيري هيكون شبيه ليهم.
(عتاولة المخابرات للطلب واتساب 01121530961)
