(أشباح المخابرات1)من الفصل السادس عشر الى العشرين
بقلم أية محمد رفعت
وأسرع يسكب القهوة بكوبين، ثم حمل الفطائر من الميكرويڤ ووضعها أمامها، وهو يشير:
_شكلك مفطرتيش لسه!
أبعدت الطبق واستمرت بفعلها، وهي تتمتم بسخطٍ:
_أيه مفطرتش مع الهانم ولا أيه؟
قلبه يرقص طربًا وهو يقرأ انفعالاتها التي تشير بغيرتها القاتلة عليه، فاستمر بالضغط عليها بهدوئه وثباته:
_لا مكنش في وقت تعملي فطار، كانت تعبانه ورجعت شقتها على طول.
وما أن رفع كوب قهوته حتى أطاح بها خنجرها، فتراجع ياسين للخلف ليتفادى سقوطها بصعوبةٍ، بينما يدعي اندهاشه مما فعلته:
_أيه الجنان ده!!
نهضت عن مقعدها وتجاهلت ما قال، ثم اتجهت للدرج حتى تصعد إلى الأعلى، فأوقفها حينما قال ببسمة خبيثة:
_مش عايزة تعرفي المعلومات المهمة اللي وصلتلها؟
ربعت يديها أمام صدرها وهي تطالعه من أعلى الدرج بنظرة غائمة، ومن ثم أتاه صوتها الساخر:
_والله! ولاقيت وقت تعرف فيه معلومات مهمة!! أصلي شكيت من مزاجك الغالي وابتسامتك العريضة إنك لاقيت وقت لشغلك
صعد الدرج الفاصل بينهما حتى وقف قبالتها يتابعها بثباتٍ فسرته هي بالبرود، حتى ترنح عنه:
_أيوه لاقيت وقت لإني طالع أشتغل مش أقضيها يا سيادة الرائد، ولو راجع مبسوط ومزاجي رايق لاني بدل ما أتحط تحت الاستجواب حطيتها هي وعرفت منها أدق التفاصيل عن الحقير ده.
وتابع بخبث حينما وصل على نفس مستوى وقوفها:
_وبعدين أنا قولت إن لقائك بالدكتورة مارال هتغير مودك الحاد ده، بس من بعد حركات الخناجر والسهام اللي كانت هترشق فيا دي وأنا قلقان عليكِ أكتر من الأول.
حافظت على ثباتها قبالته ونظراتها الحادة تكاد تخترقه، فاستطرد بهمسٍ ساخر:
_تحبي نطلع أوضة التدريبات ولا ننزل نقطع شجرة أحسن ما المرادي سيفك يق*تلني!
صوت أنفاسها المنفعلة يعلو ومازالت تربع يدها أمام صدرها وتقابله بنظرة تعالي، فاسترسل هو:
_اعتقد مش محتاجه لا لده ولا لده نظراتك لوحدها مليانة اجرام ووعيد ليا، بس أنا مظلوم من كل الاتهامات البشعة دي.
وأضاف بدراما وهو يمسد على صدره:
_أنا تقي وبخاف الله قبل أي بشر، مليش في سكة الشمال والشمال عندي بيتلخص في صنف الستات كله، الا اللي سحرت قلبي وروحي وكياني.
وغمز ضاحكًا:
_عملتلي سحر وقفلته على قلبي وروحي وعنيا!
أبقت على ثباتها ببرودٍ قاتل، بينما ينتظر هو أن تتحدث، حتى تحررت عن صمتها بكل كبرياء:
_إنزل أوضتك وريح فيها يا قائد، ويا ريت تسيبك من الرومانسيات دي وتفوق للمهمة ده لو مفيش عند سيادتك مانع يعني.
